Axad, October 19, 2025 (HOL) - Wasiiru-dowlaha Wasaaradda Gaashaandhigga Xukuumadda Federaalka Soomaaliya, Omar Ali Abdi, ayaa booqasho ku tagay degmada Awdheegle ee gobolka Shabeellaha Hoose, isagoo ay wehliyaan Taliyaha Ciidanka Xoogga Dalka Soomaaliyeed, Jeneraal Odowaa Yusuf Raage, si ay qiimeyn ugu sameeyaan xaaladda amniga iyo tan bini’aadantinimo ee degmadaasi oo dhowaan laga xoreeyay kooxda Al-Shabaab.
newsinsideMas’uuliyiinta ayaa kormeeray goobo muhiim ah oo ay burburiyeen argagixisada Al-Shabaab, kuwaas oo ay ka mid yihiin guryo dadweyne, iskuullo, xarumo caafimaad iyo kaabayaal tamar oo ay bulshada deegaankaasi ku tiirsanayd, sida nidaamka cadceedda ku shaqeeya ee korontada.
Cumar Cali Cabdi ayaa sheegay in shacabka Awdheegle ay wajahayaan duruufo adag oo bini’aadantinimo, kuwaas oo u baahan gurmad degdeg ah.
Wuxuu xusay in booqashada ay qeyb ka tahay dadaallada joogtada ah ee Dowladda Federaalka Soomaaliya ugu jirto garab istaagga shacabka laga xoreeyay gacanta Al-Shabaab.
“Dowladdu waxay u heelan tahay inay ka shaqeyso dib u dhiska deegannada laga xoreeyo cadowga, si shacabka Soomaaliyeed ugu noolaadaan nabad iyo nolol sharaf leh,” ayuu yiri Wasiiru-dowlaha.
Dhanka kale, Wasiiru-dowlaha iyo Taliyaha CXDS ayaa si gaar ah ugu mahadceliyay geesinimada Ciidanka Xoogga Dalka Soomaaliyeed iyo garab istaagga ay bixiyaan saaxiibada caalamiga ah, gaar ahaan ciidamada AUSSOM, oo gacan weyn ka geystay nabadeynta iyo xasillinta deegaannada laga xoreeyay kooxda Al-Shabaab.
newsinsideMas’uuliyiinta ayaa kormeeray goobo muhiim ah oo ay burburiyeen argagixisada Al-Shabaab, kuwaas oo ay ka mid yihiin guryo dadweyne, iskuullo, xarumo caafimaad iyo kaabayaal tamar oo ay bulshada deegaankaasi ku tiirsanayd, sida nidaamka cadceedda ku shaqeeya ee korontada.
Cumar Cali Cabdi ayaa sheegay in shacabka Awdheegle ay wajahayaan duruufo adag oo bini’aadantinimo, kuwaas oo u baahan gurmad degdeg ah.
Wuxuu xusay in booqashada ay qeyb ka tahay dadaallada joogtada ah ee Dowladda Federaalka Soomaaliya ugu jirto garab istaagga shacabka laga xoreeyay gacanta Al-Shabaab.
“Dowladdu waxay u heelan tahay inay ka shaqeyso dib u dhiska deegannada laga xoreeyo cadowga, si shacabka Soomaaliyeed ugu noolaadaan nabad iyo nolol sharaf leh,” ayuu yiri Wasiiru-dowlaha.
Dhanka kale, Wasiiru-dowlaha iyo Taliyaha CXDS ayaa si gaar ah ugu mahadceliyay geesinimada Ciidanka Xoogga Dalka Soomaaliyeed iyo garab istaagga ay bixiyaan saaxiibada caalamiga ah, gaar ahaan ciidamada AUSSOM, oo gacan weyn ka geystay nabadeynta iyo xasillinta deegaannada laga xoreeyay kooxda Al-Shabaab.