4/14/2024
Today from Hiiraan Online:  _
Wararka Maanta- Talaado, Feb 6 , 2024
Eedeysane Sayid Cali oo galabta laga soo dajiyay garoonka Aadan Cadde
 

Talaado, February, 6, 2024 (HOL) - Waxaa goordhaw garoonka diyaaradaha Aadan Cadde ee magaalada Muqdisho laga soo dajiyay eedeysane Sayid Cali Macalin Daa'uud oo ah nin ku eedeysan inuu dhawaan Muqdisho ku gubay Xaaskiisii oo Xaamilo aheyd.

Ninkaan eedeysanaha ah ayaa baadi goob dheer kadib ciidamada amaanka ka soo qabteen isagoo ku dhuumaaleysanaya deegaanka Cadeyleey ee gobolka Mudug.

Eedeysanahaan ayaa la filaya in si deg deg ah loo horkeeno Cadaaladda, waxaana xusid mudan in aanan wali la aasin xaaskiisii oo lagu magacaabi jiray Luul Sheekh Cabdicasiis.

Aabaha dhalay Luul Sheekh Cabdicasiis ayaa sheegay in gabadhiisa iyo ninkaan ku eedeysan dilkeeda in isku mar la wada aasi doono oo ay haatan wali ku jirto Firinjeer, isagoona dowladda ka dalbaday in loo qisaaso ninkaan.

Alle ha u naxariistee Luul Sheekh Cabdicasiis ayaa Jimcihii lasoo dhaafay u geeriyootay dhaawac culus oo kasoo gaaray dab uu ku gubay ninkeedii Sayid Cali Macalin Daa'uud.

Dadka Soomaaliyeed oo si weyn uga carooday falka lagu gubay Luul sheekh Cabdicasiis oo aheyd hooyo haysatay 6 caruur oo agooman ah ayaa si weyn isha ugu haya talaabada ay ninkaan ka qaadi doonto dowladda.












Click here
2/6/2024 11:53 AM EST
Talaado, February, 6, 2024 (HOL) - Ra’iisul Wasaaraha Itoobiya Abiyi Axmed oo maanta hortagay Golaha Wakiilada Shacabka ee Itoobiya ayaa jawaabo ka bixiyay su'aalo ay wakiilada shacabku ka waydiiyeen heshiiskii is afgarad ee dhinaca Badda ahaa ee bil ka hor Itoobiya la gashay Somaliland.

2/6/2024 9:33 AM EST
Talaado, February, 6, 2024 (HOL) - Guddoomiye ku xigeenka amniga iyo siyaasada maamulka gobolka Banaadir Maxamed Axmed Diiriye Yabooh oo warbaahinta kula hadlay gudaha Suuqa Bakaraaha ayaa faahfaahin dheeraad ah ka bixiyay weerar khasaare geystay oo maanta ka dhacay Bakaaraha.

2/6/2024 6:47 AM EST
Talaado, February, 6, 2024 (HOL) - Dhowr hoobiye ayaa goor dhowayd ku dhacay suuqa bakaaraha ee magaalada Muqdisho, iyadoo ay ka dhasheen khasaare dhaawacyo ah.

2/6/2024 3:59 AM EST
Talaado, February, 6, 2024 (HOL) - Maxkamadda Degmada Hargeysa ayaa saaka sannad iyo lix bilood oo xadhig ah ku xukuntay abwaan Cabdiraxmaan Aadan Ibraahin (Abees), oo shalay Hargeysa lagu xidhay sida uu walaalkii u xaqiijiyay Galaydh Media.

2/6/2024 2:58 AM EST
Talaado, February, 6, 2024 (HOL) - Guddoomiyaha Xisbiga Waddani ee Somaliland Xirsi Cali Xaaji Xasan, ayaa beeniyay warar sheegayay in dowlada Ingiriisku ay wax ka waydiisay baasboorkiisa, isla markaana lagu xidhay London.

2/6/2024 2:08 AM EST
Talaado, February, 6, 2024 (HOL) - Aabaha dhalay gabadhii dhawaan ninkeeda uu ku gubay gudaha magaalada Muqdisho Sheekh Cabdicasiis Maxamed oo ka hadlay soo qabashada ninkii dilay gabadhiisii Luul Sheekh Cabdicasiis ayaa ugu horeyn u mahadceliyay madaxda dowladda Fedaraalka.

2/6/2024 1:44 AM EST
Talaado, February, 6, 2024 (HOL) - Madaxweynaha dowladda Fedaraalka Soomaaliya Xasan Sheekh Maxamuud ayaa markale fariin adag u diray dowladda Itoobiya oo ku aadan damaceeda ku aadan iney hesho qeyb ka mid ah biyaha iyo dhulka Soomaaliya.

2/6/2024 1:05 AM EST
Talaado, February, 6, 2024 (HOL) - Cutubyo ka tirsan ciidamada badda Hindiya ayaa la geynayaa biyaha istaraatiijiga ah ee Jabuuti, Gacanka Cadmeed, Xeebta Bari ee Soomaaliya iyo sidoo kale Waqooyiga iyo Badda Carabta.