2/28/2024
Today from Hiiraan Online:  _
Wararka Maanta- Arbaco, Feb 7 , 2024
Abwaan Nageeye Khaliif oo caddeeyay inuu si rasmi ah ugu biiray Alshabaab
 

Arbaco, February, 7, 2024 (HOL) - Abwaan Nageeya Cali Khaliif oo muddo saddex bilood ah la weysanaa, ayaa markii ugu horraysay caawa kasoo muuqday warbaahinta Alfurqaan ee ay leeyihiin kooxda Alshabaab.

Wareysi lala yeeshay oo muddo hal saac ah soconayay, ayuu ku sheegay inuu si rasmi ah ugu biiray kooxda Alshabaab, isagoo caddeeyay inuu muddo dheer niyada ku hayay oo ku qancay afkaaraha kooxda Alshabaab.

Abwaan Nageeye Cali Khaliif, waxa uu sheegay in kooxda Alshabaab uu afkaarkooda aaminsanaa tan iyo sannadkii 2017-dii oo ahayd markii uu kasoo wareegay Somaliland ee uu yimid magaalada Muqdisho.

Wareysiga waxa uu ku sheegay, inta uusan ku biirin Alshabab, inuu ahaa mid la dhacsan hannaanka ay kooxdu ku shaqeyso.

Waxa uu si cad u taageeray dagaallada ay Alshabaab kula jirto dowladda Soomaaliya iyo xulafooda caalamiga ah.

Wuxuu weerar afka ah ku qaaday masuuliyiinta Soomaaliya, isagoo ku tilmaamay kuwa u shaqeeya danaha reer Galbeedka. Wuxuu sheegay inuu aaminsan yahay in Alshabaab ay qabsan doonto guud ahaan Soomaaliya.

Nageeya ayaa kamid ah barayaasha jaamacadda ummadda Soomaaliyeed, isagoo madax ka ahaa qeybta culuumta saxaafadda.  

Waxaa uu ahaa Abwaan caan ku ahaa gabayada marxaladaha taagan. Isagoo tiriyay gabayo ay ka dhex muuqatay afkaartiisa Alshabaabnimo.












Click here
2/7/2024 9:31 AM EST
Arbaco, February, 7, 2024 (HOL) - Xisbiga mucaaradka Somaliland ee Waddani ayaa sheegay in aan sharciga loo marin xadhiga Abwaan Cabdiraxmaan Aadan Ibraahin (Abees), oo shalay Maxkamada Degmada Hargaysa ay sannad iyo lix billood ku xukuntay.

2/7/2024 9:03 AM EST
Arbaco, February, 7, 2024 (HOL) - Dowladda Itoobiya ayaa sheegtay in la qabtay shidaal badan oo laga bixinayay Dowlad degaanka Soomaalida loona waday Jubbaland Soomaaliya, sida lagu daabacay bogga rasmiga ah ee Facebook ku leeyihiin Ciidamada Millitariga Itoobiya.

2/7/2024 4:52 AM EST
Arbaco, February, 7, 2024 (HOL) - Askar katirsan ciidamadii lagusoo tababaray dalka Eritrea, ayaa maanta xirtay garoonka diyaaradaha ee magaalada Boosaaso, iyagoo ka cabanaya mushaar la’aan.

2/7/2024 2:33 AM EST
Arbaco, February, 7, 2024 (HOL) - Waxaa sii kordhaya khasaaraha nafeed ee ka dhashay qaraxyo maalintii shalay ka dhacay suuqa Bakaaraha ee magaalada Muqdisho.

2/7/2024 2:09 AM EST
Arbaco, February, 7, 2024 (HOL) - Wararka ka imaanaya degmada Caabudwaaq ee gobolka Galgaduud ayaa sheegaya in kooxo hubeysan ay Xalay ku dileen gudaha degmadaas haweeneey caan ka aheyd.

2/7/2024 1:55 AM EST
Arbaco, February, 7, 2024 (HOL) - Warar dheeraad ah ayaa kasoo baxaya khasaaraha ka dhashay qarax galinkii dambe ee shalay ka dhacay guri ku yaala deegaanka Beera yabaal oo ka mid ah deegaanada hoostaga degmada Buula burte ee gobolka Hiiraan.