2/24/2024
Today from Hiiraan Online:  _
Wararka Maanta- Axad, Feb 11, 2024
Somaliland oo sharci jabin ku tilmaantay diidmada dowlada Soomaaliya ee isfahamka Somaliland iyo Itoobiya
 

Axad, February, 11, 2024 (HOL) - Somaliland ayaa sheegtay in diidmada dowlada Soomaaliya ee heshiiska isfaham ee Somaliland iyo Itoobiya ay tahay sharciga caalamiga ah oo la jabiyay, sida lagu yidhi qoraal kasoo baxay Wasaarada Arrimaha Dibadda Somaliland.

"Isfahamka Somaliland iyo Itoobiya waxa uu salka ku hayaa is-ixtiraam, iyo himilo wadajir ah oo ku aaddan xasilloonida gobolka, dhawaqa hal geesoodka ah ee Soomaaliya ee ah in  heshiisku uu yahay sharci darro, waxay si badheedha ah u jebinaysa shuruucda caalamiga ah, waxayna muujinaysaa sida ay u xaqirayaan aayo ka tashiga shacabka Somaliland" ayaa qoraalka lagu yidhi.

Qoraalka waxa lagu sheegay in heshiiska is afgaradka ahi, uu kor u qaadayo madaxbannaanida dhuleed ee dhinacyada wadagalay, isla markaana uu dhiirigalinayo wada noolaansho nabadeed, iyo iskaashiga gobolka.

"Waxa aanu ugu baaqaynaa Soomaaliya in ay ka tanaasusho hadal-haynteeda duugowday oo ay ixtiraamto rabitaanka iyo rajada mustaqbalka ee malaayiin reer Somaliland ah" ayaa qoraalka lagu yidhi.

Waxa lagu sheegay in Somaliland ay tahay qaran madax-bannaan, oo leh dastuur u gaar ah, oo ay muwaadiniintiisu si sax ah u ansixiyeen 1997 iyo xukuumad sharci ah oo shacabku soo doorteen, taasi oo awood buuxda u leh inay heshiis ama heshiisyo la gasho dawlad ama hay’ad kasta oo kale oo diyaar ah, kadibna la marin doono golaha waliilada.

Ugu dambayntii, waxa lagu yidhi Somaliland waxa ay mar kale caddaynaysaa sida ay uga go’an tahay in ay si nabadgelyo ah u raadiso madaxbannaanideeda iyo raadinta aqoonsi caalami ah.












Click here
2/11/2024 10:03 AM EST
Axad, February, 11, 2024 (HOL) - Qaar ka mid ah ganacsatada Suuqa Bakaraaha ee magaalada Muqdisho oo maanta shir jaraa'id warbaahinta u qabtay ayaa sheegeen iney qarka u saaran yihiin iney xiraan goobahooda ganacsiga Suuqa Bakaaraha.

2/11/2024 7:46 AM EST
Axad, February, 11, 2024 (HOL) - Safaaradda dowladda Mareykanka ay ku leedahay magaalada Muqdisho ayaa ka hadashay weerarkii Xalay ka dhacay xerada Jenaraal Gordan ee magaalada Muqdisho, kaasoo lagu dilay saraakiil u dhalatay dalka isutaga Imaaraadka Carabta.

2/11/2024 7:43 AM EST
Axad, February, 11, 2024 (HOL) - Wasiirka Maaliyadda Soomaaliya Biixi Imaan Cige oo ku sugan dalka Isutaga Imaaraatka Carab ayaa ka qeyb galay furitaanka shirka sanadlaha ah ee horumarinta dhaqaalaha hay'addaha Maaliyadda ee dalalka Carabta.

2/11/2024 4:16 AM EST
Axad, February, 11, 2024 (HOL) - Dowladda Soomaaliya ayaa ku boorisay Midowga Afrika iyo Qaramada Midoobay inay mawqif mabda'a ka qaataan ku xad-gudubka ay Itoobiya ku hayso madax-bannaanideeda iyo wadajirkeeda dhuleed ee Soomaaliya.

2/11/2024 2:22 AM EST
Axad, February, 11, 2024 (HOL) - Wararka naga soo gaaraya deegaanka Camaara ee gobolka Mudug ayaa sheegaya in Xalay ku dhawaad toban hoobiye lagu garaacay gudaha deegaankaas.

2/11/2024 1:29 AM EST
Axad, February, 11, 2024 (HOL) - Wasaaradda Gaashaandhigga Imaaraadka Carabta ayaa shaacisay inay geeriyoodeen saraakiil ciidan oo ka tirsanaa ciidamada qalabka sida ee Imaaraadka iyo sarkaal ka tirsan ciidamada Difaaca Baxreyn oo ay weheliyaan labo kale oo lagu dhaawacay weerarkii xerada Janaraal Goordan.