3/4/2024
Today from Hiiraan Online:  _
Wararka Maanta- Jimco, Nov 17, 2023
Raysal Wasaare Xamse "Muqdisho Maanta waxay la mid tahay dhanka amniga Caasimadaha kale ee Caalamka"
 

Jimco, November, 17, 2023 (HOL) - Raysal Wasaaraha Xukuumadda Federaalka Soomaaliya Xamse Cabdi Barre ayaa maanta kormeer dhiirigelin ah ku tagey xerada Hiil weyne oo ay ku sugan yihiin ciidanka xasillinta Caasimadda ee millatariga sida Booliska u howlgala (Polizia militare) oo ku taalla inta dhaxeysa Muqdisho iyo Balcad.

Raysal wasaare Xamse oo la hadlaayay ciidanka xasilinta ee ku sugan xeradaas ayaa u sheegay in shacabka Soomaaliyeed ay abaal uga hayaan ciidanka xasillinta sida ay u xaqiijiyeen amniga magaalada Caasimadda ah ee Muqdisho mudo gaaban.

Wuxuu sidoo kale tilmaamay raysal wasaaraha in Muqdisho maanta la mid tahay dhanka amniga Caasimadaha kale ee Caalamka, iaagoo xusay in taasi ay ku timid dadaalka ciidanka ee ku aadan wax ka qabashada wax walba oo dhibaato ku ahaa amniga guud ee Muqdisho.

“Waxaan idin kugu imid si aan u qiro kartidiina iyo dhiiggiina aad u hurteen dalkiinna, gaar ahaan caasimadda Qaranka, waxaan idinkaga mahadcelinayaa sida aad u badesheen wajigii ay lahayd magaalada Muqdisho. Maalintii aad timaadeen ayaa ugu danbeysay magaaladaan wajigii foosha xumaa, taas oo ku timid dhiiggiina aad hurteen iyo geesinimadiina” ayuu yiri Raysal Wasaare Xamse Cabdi Barre.

Raysal Wasaare Xamse ayaa intii uu ku sugnaa Xerada Hiil-weyne, wuxuu kulan looga hadlayay dardargelinta amniga caasimadda la qaatay hey’adaha amniga iyo Maamulka Gobolka Banaadir.

Kormeerkaan uu maanta ku tagay Raysal wasaaraha Soomaaliya xerada Hiil weyne ayaa imaanaya, iyadoo mudooyinkii dambe uu si weyn u soo hagaagayay amaanka magaalada Caasimada ah ee Muqdisho.












Click here
11/17/2023 8:42 AM EST
Jimco, November, 17, 2023 (HOL) - Waxaa sii kordhay khasaaraha naf iyo maalba leh ee ka dhashay daadadka iyo fatahaadaha is bar bar socda ee ku dhuftay qaar ka mid ah gobolada dalka.

11/17/2023 4:55 AM EST
Jimco, November, 17, 2023 (HOL) - Wararka ka imaanaya magaalada Istanbul ee dalka Turkiga ayaa sheegaya in nin Soomaali ah uu ku dilay xaaskiisa hotel magaaladaas ku yaala.

11/17/2023 4:27 AM EST
Jimco, November, 17, 2023 (HOL) - Ciidamada dowladda Fedaraalka Soomaaliya ayaa howlgal qorsheysan kula wareegay gacan ku heynta deegaanka Miinkeey oo qiyaas ahaan 40 KM dhanka Galbeed kaga beegan degmada Xudur ee gobolka Bakool.

11/17/2023 2:39 AM EST
Jimco, November, 17, 2023 (HOL) - Kooxo hubeysan oo burcad Koonfur Afrikaan ayaa Xalay muwaadin Soomaaliyeed ku dilay goobtiisa ganacsi oo ku tiilay deegaanka Kheyletsha oo ka mid ah deegaanada hoostaga magaalada Cape Town.

11/17/2023 1:24 AM EST
Jimco, November, 17, 2023 (HOL) - Maamulka gobolka Hiiraan ee Hirshabeelle ayaa shaaciyay in fatahaada ku dhufatay xaafadaha magaalada Baledweyne bilowgii todobaadkaan iney ku barakaceen 270 kun oo qoys.