6/9/2023
Today from Hiiraan Online:  _
Wararka Maanta- Khamiis, May 25, 2023
Wasiir Juxa: Afar nin oo siyaasada ku saaqiday ayaa ku ciyaaray masiirkii shacabka gobolka Nugaal

Khamiis, May 25, 2023 (HOL) - Wasiirka arrimaha gudaha Puntland Cabdi Faarax Siciid Juxa ayaa nasiib darro ku tilmaamay in siyaasiyiin uu ku sifeeyay saaqidiin ay hor istaageen inay doorasho ka dhacdo magaalada Garowe.

Wasiirka arrimaha gudaha oo Boosaso ka codeeyay ayaa sheegay, inay ka baaqsadeen inay qaataan inuu dagaal ka dhaco Garowe, isagoo sheegay in la fashiliyay wada xaajood uu garwadeen ka ahaa Islaam Ciise Islaam Maxamed.

“Afar nin oo siyaasada ku saaqiday ayaa ku ciyaaray masiirkii shacab waynaha gobolka Nugaal". ayuu yiri wasiirka arrimaha guddaha Puntland, Mr. Juxa.

"Annagu waxaan isku daynay inaan meeshaas dagaal ka dhicin. Waan dulqaadanay. Waan waan baan galnay. Wada hadal baan galnay. Niyad sami baan ku galnay. Islaam Ciisaa nagala xaajooday. Waana la qiyaanay. Isagana waala qiyaamay. Waxaan xeerinay nabadda. Dadka reer Nugaaleedna fursadooda way heli doonaan.”

Juxa wuxuu sheegay inay Puntland gaartay guul weyn oo taariikhi ah, isagoo sheegay in 30 degmo looga dareeray doorasho ku dhacday si nabad galyo ah.

Hadalka wasiir Juxa ayaa kusoo beegmay, iyadoo maanta Garowe aanay wax doorasho ahi ka soconin. Inkastoo ay socdaan dadaalo la doonayo in si degdeg magaalada Garowe iyo labada degmo ee kale doorashada looga qabto.












Click here
5/25/2023 11:11 AM EST
Khamiis, May 25, 2023 (HOL) - Wabiga Shabeelle ayaa fatahaad ka sameeyay saacadahii lasoo dhaafay xaafado ka tirsan degmada Buulaburte ee gobolka Hiiraan.

5/25/2023 9:58 AM EST
Khamiis, May 25, 2023 (HOL) - Shirka Todobaadlaha ee Golaha Wasiirrada Xukuumadda Fedaraalka Soomaaliya oo uu maanta shir guddoominayey Raysal Wasaare ku xigeenka Xukuumadda ahna ku simaha Raysal wasaaraha Saalax Axmed Jaamac ayaa diiradda lagu saaray Fatahaadda Wabiga Shabeelle uu ka sameeyey gobolka Hiiraan, diyaar garowga imtixaanka Shahaadiga ee dugsiga sare iyo dhaqan gelinta nidaaminta bajaajyada ka howlgala Caasimadda dalka.

5/25/2023 4:15 AM EST
Khamiis, May 25, 2023 (HOL) - Warar dheeraad ah ayaa kasoo baxaya qarax miino oo saakay ka dhacay agagaarka xarunta degmada Kaxda ee magaalada Muqdisho.

5/25/2023 3:02 AM EST
Khamiis, May 25, 2023 (HOL) - 33 degmo oo katirsan Puntland ayaa saakay si nabad ah looga codeynayaa, iyadoo dadweynuhu dooranayaan wakiillada ku matalaya golayaasha degaanka ee dowladaha hoose ee Puntland.

5/25/2023 1:52 AM EST
Khamiis, May 25, 2023 (HOL) - Maamulka gobolka Banaadir ayaa ku dhawaaqay in maanta oo Khamiis ah magaalada Muqdisho uu ka dhaqan galayo jadwalkii loo asteeyay Mooto Bajaajyada ka shaqeeya Muqdisho ee ahaa A iyo B.

5/25/2023 1:35 AM EST
Khamiis, May 25, 2023 (HOL) - Dowldda Mareykanka ayaa cunaqabateyn culus ku soo rogtay 26 qof iyo hay’ado xiriir la leh kooxda Al-Shabaab, iyo Shirkado Soomaaliyeed oo dhoofiya Dhuxusha.