Jimco, Maarso, 17, 2023 (HOL) - Itoobiya iyo Soomaaliya ayaa xoojinaya xiriirka labada dal ee dhinacyada kala duwan ee iskaashiga, sida uu sheegay xoghayaha koowaad ee safaaradda Soomaaliya ee Itoobiya Maxamed Cumar Yariisow.
Xoghaye Maxamed Cumar Yariisow oo wareysi gaar ah siiyay ENA ayaa sheegay in xiriirka Itoobiya iyo Soomaaliya uusan ahayn oo kaliya in ay daris yihiin ama ay wadaagaan hiddaha iyo dhaqanka balse sidoo kale ammaanka.
Wuxuu sheegay Itoobiya inuu ka rajeyneyo in ay kaalin muhiim ah ka qaadato dib xoreynta Soomaaliya iyo xasilinta kooxaha xagjirka ah, sida uu sheegay.
“Waxaan rajeyneynaa in Itoobiya ay kaalin muhiim ah ka qaadato xoreynta Soomaaliya iyo xasilinta kooxaha xagjirka ah, laakiin marka la eego wacyiga dhaqanka ee aan wadaagno labada dal; waxaan rajaynaynaa inaan kor u qaadno intii suurtogal ah, si aan u taageerno qadiyadda Geeska Afrika oo weyn oo ammaan ah, taasoo faa'iido u ah qof kasta oo gobolka ah," ayuu yidhi.
Itoobiya iyo Soomaaliya ayaa horey u xaqiijiyay inay ka go’an tahay inay sii xoojiyaan iskaashiga dhinacyada siyaasadda, dhaqaalaha iyo iskaashiga nabadda iyo amniga, markii uu madaxweynaha Soomaaliya booqasho ku tagay Itoobiya bishii September ee sanadkii hore.