4/13/2024
Today from Hiiraan Online:  _
Wararka Maanta- Talaado, Mar 14, 2023
Garaad Jaamac: Reer Sheekh Isaxaqow Ingiriis idinma dhalin, dhaxalkiisa sabab aad u yeelataana ma jirto

Talaado, Maarso, 14, 2023 (HOL) - Garaad Jaamac Garaad Cali, ayaa sheegay in aanu aqoonsanayn xuduudii Ingiriiska ee Somaliland oo ay Somaliland ku doodo in ay tahay xuduud sharci ah Afrika ku dhisantahay.

Garaadku waxa uu sheegay in hadii ciidamada Somaliland ka bixi waayaan deegaanada uu garaadka ka yahay, ay sababi karto dhibaato daba dheeraata, isaga oo sheegay in Ingiriisku aanu go'aamin karin meesha xuduudu noqonayso.

"Arrintani intii ay riiq dheeran lahayd ee ay dhul kale gaadhi lahayd miyirka ha lagu soo celiyo, oo hala yidhaahdo reer Sheekh Isaxaaqow guryihiina ku noqda, guri nin kale Ingiriis idinma siin karo, Ingiriis idinma dhalin, maydaan dhalin, dhaxal kiisa sabab aad ku yeelataan ma jirto" ayuu yidhi Garaad Jaamac Garaad Cali.

Garaadku waxa kale oo uu kasoo horjeedsaday dalabka Somaliland ee ah in xoogaga hubaysan ee Somaliland kasoo horjeeda laga saaro magaalada Laascaanood, isagoo sheegay in dadka dagaalamayaa dadkii deegaanka yihiin, isla markaana aan la saari karin.

Dhanka kale, ciidamada Somaliland ayuu ugu baaqay in ay ka baxaan deegaanada uu garaadka ka yahay, isaga oo sheegay in hadii loo baahdo uu qoriga qaadan doono, hadii Somaliland ay diido in ay ciiidankeeda kasaarto deegaanadaas.

Somaliland ayaa dhankeeda sheegta in dhulka Somaliland yahay dhulkii uu maamuli jiray gumaystihii Ingiriisku, dhulkaasi oo 1960 noqday dowlad madaxbannaan, lakiin muddo yar ka dib la midoobay Soomaaliyadii Talyaaniga ka xorowday.

Abdilahi Geel-maal, Hiiraan Online
[email protected]












Click here
3/14/2023 11:28 AM EST
Talaado, Maarso, 14, 2023 (HOL) - Maxkamadda Darajada koowaad ee ciidamada qalabka sida ee dowladda Fedaraalka Soomaaliya ayaa Maanta xukun ku riday Sarkaal ka tirsana ciidanka xoogga dalka Soomaaliya oo loo heysto dilka maxbuus ka tirsana kooxda Al-shabaab.

3/14/2023 9:41 AM EST
Talaado, Maarso, 14, 2023 (HOL) - Madaxweynaha Somaliland Muuse Biixi Cabdi, ayaa sheegay in loo bahanyahay in wakhti xaadirkan lasoo doorto madaxweyne, iyo xisbiyo cusub.

3/14/2023 9:18 AM EST
Talaado, Maarso, 14, 2023 (HOL) - Madaxweynaha Somaliland Muuse Biixi Cabdi ayaa sheegay in colaada Laascaanood ay tahay shacab reer Somaliland ah oo xukuumadoodii wax ka tabanaya, isla markaana cidii gacan ka gaysanaysa nabadaynteeda laga rabo in ay sida ku shaqeeyso.

3/14/2023 8:35 AM EST
Talaado, Maarso, 14, 2023 (HOL) - Hooyo iyo labadeeda carruur iyo qof kaloo marti u ahaa, ayaa ku geeriyooday Hoobiye kusoo dhacay hoygooda oo kuyaalay degmada Baardheere ee gobolka Gedo.

3/14/2023 6:55 AM EST
Talaado, Maarso, 14, 2023 (HOL) - kulan dhexmaray wafti ka socda Wasaarada Dhaqaalaha ee Taiwan, iyo madaxda Wasaarada Ganacsiga Somaliland, ayaa lagaga wadahadlay iskaashi ganacsi iyo dhaqaale oo ay labada dhinac yeelanayaan.

3/14/2023 6:17 AM EST
Talaado, Maarso, 14, 2023 (HOL) - Ugu yaraan 5 askari iyo afar qof oo ra'yid ah ayaa ku dhintay qarax ismiidaamin ah oo saakay arroortii lala beegsaday guri ay daganaayeen masuuliyiin ka tirsan maamulka gobolka Gedo iyo saraakiil katirsan ciidanka xoogga dalka.

3/14/2023 2:17 AM EST
Talaado, Maarso, 14, 2023 (HOL) - Warar dheeraad ah ayaa kasoo baxaya qarax Ismiidaamin ah oo saakay ka dhacay guriga Martida degmada Baardheere ee gobolka Gedo oo ay daganayeen masuuliyiin uu ka mid yahay gudoomiyaha gobolka Gedo iyo Saraakiil ciidan.

3/14/2023 2:09 AM EST
Talaado, Maarso, 14, 2023 (HOL) - Madaxweynaha Soomaaliya, Xasan Sheekh Maxamuud iyo wafdi uu hoggaaminayo ayaa booqasho xalay ku tagay magaalada Asmara ee dalka Eritrea.