4/13/2024
Today from Hiiraan Online:  _
Wararka Maanta- Talaado, Mar 14, 2023
Qarax Ismiidaamin ah oo goordhaw ka dhacay guriga Martida ee degmada Baardheere
 

Talaado, Maarso, 14, 2023 (HOL) - Warar dheeraad ah ayaa kasoo baxaya qarax Ismiidaamin ah oo saakay ka dhacay guriga Martida degmada Baardheere ee gobolka Gedo oo ay daganayeen masuuliyiin uu ka mid yahay gudoomiyaha gobolka Gedo iyo Saraakiil ciidan.

Jugta qaraxa oo ahaa mid aad u xoogan ayaa laga maqlay guud ahaan xaafadaha magaalada Baardheere iyo nawaaxigeeda, waxaana meel dheer laga arkaayay uurada iyo qaaca cirka isku shareeray ee qaraxa ka dhashay.

Wararka hordhaca ah ee kasoo baxaya qaraxaan Ismiidaaminta ayaa sheegaya iney ku dhaawacmeen guddoomiyaha gobolka Gedo Axmed Buule Garaad iyo Abaandulaha qeybta 43-aad Axmed Cabdullaahi Xirsi Labaale, kuwaas oo ku sugna dhismaha lagu weeraray qaraxa Ismiidaaminta ah.

Waxaa sidoo kale lasoo warinaya iney jiraan dhimasho iyo dhaawac soo gaaray askar ka tirsan ciidanka dowladda iyo dad kale oo shacab ah, hayeeshee wali si rasmi ah looma oga khasaaraha dhabta ah inta uu la eg yahay.

Xaalada degmada Baardheere ee gobolka Gedo ayaa haatan ah mid aad u kacsan, waxaana dhamaan wadooyinka degmadaasi soo gala iyo kuwa ka baxa xiray ciidamo farabadan oo baaritaano ka bilaabay goobta qaraxa ka dhacay iyo xaafadaha ku dhawdhaw.












Click here
3/14/2023 11:28 AM EST
Talaado, Maarso, 14, 2023 (HOL) - Maxkamadda Darajada koowaad ee ciidamada qalabka sida ee dowladda Fedaraalka Soomaaliya ayaa Maanta xukun ku riday Sarkaal ka tirsana ciidanka xoogga dalka Soomaaliya oo loo heysto dilka maxbuus ka tirsana kooxda Al-shabaab.

3/14/2023 9:41 AM EST
Talaado, Maarso, 14, 2023 (HOL) - Madaxweynaha Somaliland Muuse Biixi Cabdi, ayaa sheegay in loo bahanyahay in wakhti xaadirkan lasoo doorto madaxweyne, iyo xisbiyo cusub.

3/14/2023 9:18 AM EST
Talaado, Maarso, 14, 2023 (HOL) - Madaxweynaha Somaliland Muuse Biixi Cabdi ayaa sheegay in colaada Laascaanood ay tahay shacab reer Somaliland ah oo xukuumadoodii wax ka tabanaya, isla markaana cidii gacan ka gaysanaysa nabadaynteeda laga rabo in ay sida ku shaqeeyso.

3/14/2023 8:35 AM EST
Talaado, Maarso, 14, 2023 (HOL) - Hooyo iyo labadeeda carruur iyo qof kaloo marti u ahaa, ayaa ku geeriyooday Hoobiye kusoo dhacay hoygooda oo kuyaalay degmada Baardheere ee gobolka Gedo.

3/14/2023 6:55 AM EST
Talaado, Maarso, 14, 2023 (HOL) - kulan dhexmaray wafti ka socda Wasaarada Dhaqaalaha ee Taiwan, iyo madaxda Wasaarada Ganacsiga Somaliland, ayaa lagaga wadahadlay iskaashi ganacsi iyo dhaqaale oo ay labada dhinac yeelanayaan.

3/14/2023 6:17 AM EST
Talaado, Maarso, 14, 2023 (HOL) - Ugu yaraan 5 askari iyo afar qof oo ra'yid ah ayaa ku dhintay qarax ismiidaamin ah oo saakay arroortii lala beegsaday guri ay daganaayeen masuuliyiin ka tirsan maamulka gobolka Gedo iyo saraakiil katirsan ciidanka xoogga dalka.

3/14/2023 6:08 AM EST
Talaado, Maarso, 14, 2023 (HOL) - Garaad Jaamac Garaad Cali, ayaa sheegay in aanu aqoonsanayn xuduudii Ingiriiska ee Somaliland oo ay Somaliland ku doodo in ay tahay xuduud sharci ah Afrika ku dhisantahay.

3/14/2023 2:09 AM EST
Talaado, Maarso, 14, 2023 (HOL) - Madaxweynaha Soomaaliya, Xasan Sheekh Maxamuud iyo wafdi uu hoggaaminayo ayaa booqasho xalay ku tagay magaalada Asmara ee dalka Eritrea.