2/20/2024
Today from Hiiraan Online:  _
Wararka Maanta- Axad, Mar 12, 2023
Wasaaradda isgaarsiinta Soomaaliya oo digniin ujeedisay shirkadaha isgaarsiinta
 

Axad, Maarso, 12, 2023 (HOL) - Wasaaradda Isgaarsiinta iyo Teknolojiyada ee xukuumadda Soomaaliya, ayaa uga digtay shirkadaha isgaarsiinta ee dalka in ay ka gudbaan meelaha loo cayimay si loo ilaaliyo Tartanka Suuqa Isgaarsiinta.

Wasaaradda ayaa go’aankan ku sheegtay shir ka dhacay xarunta Wasaaradda Isgaarsiinta iyo Teknolojiyada, kaas oo looga hadlayay wax ka qabashada xadgudubyada ka dhaca shirkadaha isgaarsiinta dhexdooda.

Wasaaraddu waxay caddaysay in tallaabo sharciga waafqsan laga qaadayo shirkaddii lagu helo faragelinta qalabka raadiyaha ama adeegyada kale ee shirkadaha isgaarsiinta dalka.

“Shirkadaha Isgaarsiinta waxaa in ay u hoggaansamaan dhamaan Shuruucda iyo nidaamka, mana jiri karto shirkad ka guuri garta halka loo asteeyey illaa amar guud inta uu ka soo baxaayo,” ayay tiri wasaaradda isgaarsiinta Soomaaliya.

Wasaaraddu waxay sheegtay inay xaq u leedahay in ay baarto Shirkadaha Isgaarsiinta ee lagu tuhmo in ay sameyaan Faragelin lagu cuuryaaminayo adeegyada shirkadaha kale.












Click here
3/12/2023 10:16 AM EST
Axad, Maarso, 12, 2023 (HOL) - Guddoomiyaha xisbiga UCID, ayaa sheegay in urur ay ku midoobeen dad hore madax Soomaaliya uga soo noqday, ay wadaan qorshe Somaliland lagu burburinayo, oo ay ka danbeeyaan kacdoonka Laascaanood.

3/12/2023 9:59 AM EST
Axad, Maarso, 12, 2023 (HOL) - Waxaa Maanta magaalada Baydhabo ee xarunta gobolka Baay lagu qabtay doorashada kursi ka mid ah kuraasta ka banaaneyd Baarlamaanka Fedaraalka Soomaaliya, kaasoo tirsigiisu yahay HOP 176 oo deegaan doorashadiisu tahay Koonfur Galbeed Soomaaliya.

3/12/2023 7:47 AM EST
Axad, Maarso, 12, 2023 (HOL) - Guddoomiye Ku Xigeenka Xisbiga Waddani Axmed Cumar Xaaji (Xamarje), ayaa sheegay in hadii doorashada madaxtooyada Somaliland ku qabsoomi waydo wakhtiga koomiishanku iclaamiyay ay Somaliland burburi doonto.

3/12/2023 4:27 AM EST
Axad, Maarso, 12, 2023 (HOL) - Madaxweynaha Puntland Siciid Cabdullaahi Deni, ayaa soo saaray maalinta ay dhacayaan doorashooyinka goleyaasha degaanka Puntland.

3/12/2023 1:48 AM EST
Axad, Maarso, 12, 2023 (HOL) - Warar dheeraad ah ayaa kasoo baxay dil Xalay magaalada Gaalkacyo kooxo hubeysan ugu geysteen Nabadoon Cabdi Aadan Siyaad oo ka mid ahaa nabadooda caanka ka ah gobolka Mudug.

3/12/2023 1:24 AM EST
Axad, Maarso, 12, 2023 (HOL) - Maamulka Galmudug ayaa ku eedeeyay maamulka Puntland inay diiwaan galin doorasho ka sameynayso deegaano katiran kuwa Galmudug.