1/29/2023
Today from Hiiraan Online:  _
Wararka Maanta- Axad, Jan 22, 2023
Weerar qaraxyo Ismiidaamin ah oo lagu qaaday Xarunta Maamulka gobolka Banaadir
 

Axad, January, 22, 2023 (HOL) - Qaraxyo aad u xoogan oo Ismiidaamin ah ayaa goordhaw laga maqlay jugtooda inta badan degmooyinka gobolka Banaadir, kuwaas oo lasoo sheegayo iney ka dhaceen nawaaxiga xarunta maamulka gobolka Banaadir.

Qaraxyadaan oo gaaraya ilaa sadax qarax ayaa la tilmaamaya in qaraxa koowaad uu ahaa mid ka dhacay dhabarka dambe ee xarunta gobolka Banaadir, iyadoo labada qarax ee kalana ay ka dhaceen inta u dhaxeysa xarunta Dowladda Hoose iyo Suuqa Muqdisho Mall.

Wararka soo baxaya ayaa sheegaya in qaraxyada kadib kooxo hubeysan ay gudaha u galeen xarunta maamulka gobolka oo laga maqlaayo rasaas xoogan, waxaana lasoo warinaya in gudaha xarunta ay ku jiraan masuuliyiin ka tirsan maamulka gobolka, saraakiil ciidan iyo dad shacab ah.

Ilaa hada si dhab ah looma oga khasaaraha ka dhashay qaraxyada lagu weeraray xarunta gobolka Banaadir iyo rasaasta socota, waxaana haatan kusii qulqulaya halkaasi gaadiidka gurmadka deg dega ah.

Kooxda Al Shabab ayaana si deg deg ah hadda u sheegatay masuuliyada weerar ka dhex socda xarunta maamulka gobolka Banaadir oo qaraxyo Ismiidaamin ah ku bilaawday.

Wararkaan wixii kusoo kordha la soco.












Click here
1/22/2023 10:29 AM EST
Axad, January, 22, 2023 (HOL) - Ciidanka booliiska gaarka ah ee Haramcad ayaa goor dhowayd ku guulaystay inay soo afjaraan kooxdii Alshabaab ee weerarka ku qaadday xarunta gbolka Banaadir.

1/22/2023 10:25 AM EST
Axad, January, 22, 2023 (HOL) - Waxaa wali ka socda gudaha xarunta Aqalka dowladda Hoose ee Xamar dagaal u dhaxeeya ciidamada dowladda Soomaaliya iyo dagaalamayaal ka tirsan shabaab oo duhurnimadii Maanta halkaasi ku galay weerar qaraxyo ku bilaawday.

1/22/2023 5:42 AM EST
Axad, January, 22, 2023 (HOL) - Madaxweynaha maamulka Koonfur Galbeed Cabdicasiis Xasan Maxamed Laftagareen ayaa cafis u fidiyey askartii dhowaan ka qeyb qaadatay shaqaqadii ka dhacday magaalada Baydhabo.

1/22/2023 3:33 AM EST
Axad, January, 22, 2023 (HOL) - Howlgalka Midowga ee ATMIS ayaa si rasmi ah ugu wareejiyay Dowladda Federaalka Soomaaliya xerada Maslax ee degmada Huriwaa, halkaas oo ay haysteen tan iyo sanadkii 2012-kii.

1/22/2023 1:12 AM EST
Axad, January, 22, 2023 (HOL) - Warar dheeraad ah ayaa kasoo baxaya dab khasaare badan geystay oo Xalay ka kacay qeybo ka mid ah Suuqa Bakaaraha ee magaalada Muqdisho, kasoo damintiisa ay qaadatay saacado badan.

1/22/2023 12:35 AM EST
Axad, January, 22, 2023 (HOL) - Ciidanka Xoogga dalka Soomaaliyeed iyo kuwa deegaanka ee ku sugan degmada Ceeldheer ee gobolka Mudug ayaa howlgalo qorsheysan ku qabtay saddex Horjooge oo ka tirsan kooxda Alshabaab.