1/29/2023
Today from Hiiraan Online:  _
Wararka Maanta- Jimco, Jan 20, 2023
Dowladda Soomaaliya oo sheegtay in ka badan 100 Alshabaab ah in lagu dilay dagaalkii Galcad
 

Jimco, January, 20, 2023 (HOL) - Dowladda Soomaaliya ayaa sheegtay in ka badan 100 ka tirsan kooxda Alshabaab in saaka lagu dilay markii ay weerar ku soo qaadeen saldhig ay leeyihiin Ciidanka xoogga oo ku yaalla Magaalada Galcad.

Sida ay dowladdu sheegtay, dagaal culus oo halkaas ka dhacay ayaa lagu jabiyay kooxda Alshabaab, waxayna sheegtay inay meydadkooda daadsan yihiin goobta dagaalka uu ka dhacay.

Dowladdu waxay kaloo sheegtay in Alshabaab dagaalka looga gubay ilaa shan gaadiid oo dagaalka ah, kuna jiro mid ka mid ah gawaarida gaashaaman oo ay Alshabaab xilli hore ku qabsatay dagaalo dhacay.

Ciidanka xoogga dalka waxaa dagaalka uga  dhintay 7 askari oo uu ku jiro sarkaal ka tirsanaa Danab. Goobta waxaa si buuxda gacanta ugu haya Ciidamada Xoogga Dalka.

Dowladda Soomaaliya waxa ay sheegtay inay dagaalka kala qeyb qaateen Saaxiibada Caalamiga ah, kuwaas oo gacan ka gaystay jabinta kooxda Alshabaab.













Click here
1/20/2023 6:42 AM EST
Jimco, January, 20, 2023 (HOL) - Wasiirka arrimaha dibedda iyo qurbo-Joogta ee dalka Yemen Dr. Axmed Cawad Bin Mubarak oo Muqdisho ku sugan ayaa isaga iyo dhigiisa Soomaaliya, Abshir Cumar Jaamac waxay si wadajir ah u dhagax-dhigeen asaaska dhismaha cusub ee Safaarada Yemen ee magaalada Muqdisho.

1/20/2023 6:04 AM EST
Jimco, January, 20, 2023 (HOL) - Dowladda Soomaaliya ayaa degmooyinka Baardheere iyo Dooloow ee Jubaland ku wareejisay 11goobood oo laga dayactiray jiinka webiga Jubba, si looga hortago fatahaadaha dhibka ku hayay beeraleeyda, xoolaleeyda iyo dadka deegaanka.

1/20/2023 3:23 AM EST
Jimco, January, 20, 2023 (HOL) - Ergayga gaarka ah ee gurmadka abaaraha Soomaaliya, Cabdiraxmaan Cabdishakuur Warsame ayaa ka tacsiyeeyay geerida gaashaanle Xasan Cismaan Tuure, taliye ku xigeenkii ciidanka Danab iyo saraakiishii kale iyo ciidankii saakay ku geeriyooday weerarkii degaanka Galcad.

1/20/2023 2:05 AM EST
Jimco, January, 20, 2023 (HOL) - Sid ay sheegayso warbaahinta dowladda Soomaaliya, kooxda Alshabaab lagu jebiyay weerar ay ku soo qaaddeen degmada Galcad ee gobolka Galgaduud.

1/20/2023 12:58 AM EST
Jimco, January, 20, 2023 (HOL) - Wararka nagasoo gaaraya degmada Galcad ee gobolka Galgaduud ayaa sheegaya in saakay aroortii ay halkaasi weerareen dagaalamayaasha kooxda Alshabaab.