1/29/2023
Today from Hiiraan Online:  _
Wararka Maanta- Jimco, Jan 20, 2023
Wararkii ugu dambeeyay ee xaaladda degmada Galcad oo Shabaab ay weerar ku qaadeeen
 

Jimco, January, 20, 2023 (HOL) - Sid ay sheegayso warbaahinta dowladda Soomaaliya, kooxda Alshabaab lagu jebiyay weerar ay ku soo qaaddeen degmada Galcad ee gobolka Galgaduud.

Waxay warbaahintu sheegaysaa in xaaladda degmada Galcad ay hadda deggan tahay ayna si buuxda gacanta ugu hayaan Ciidamada dowladda iyo kuwa deegaanka oo iskaashanaya.

Waxaa lasoo sheegayaa khasaaro badan oo la gaarsiiyay kooxda Alshabaab ee weerarka soo qaadday. Sidoo kale dhinaca ciidamada khasaare ayaa jira.

Lama sheegin macluumaad intaas ka badan. Mana jirto masuul dowladdeed oo ka hadlay dagaalka Galcad ka dhacay.

Alshabaab ayaa dhankooda waxay sheegeen inay la wareegeen Galcad oo ay dileen dhammaan ciidamadii ku sugnaa halkaas, sidoo kalena ay qaateen hubkii iyo saanadii ay ciidanku lahaayeen.

Weli si dhab ah looma xaqiijin geerida taliye ku xigeenka ciidanka Danab oo wararku ay sheegayaan inuu ku geeriyooday weerarka Galcad.

Wasaaradda warfaaafinta Soomaaliya ayaa lagu wadaa inay goor dhow soo saarto warsaxaadeed ku saabsan xaaladda magaalada Galcad.












Click here
1/20/2023 6:42 AM EST
Jimco, January, 20, 2023 (HOL) - Wasiirka arrimaha dibedda iyo qurbo-Joogta ee dalka Yemen Dr. Axmed Cawad Bin Mubarak oo Muqdisho ku sugan ayaa isaga iyo dhigiisa Soomaaliya, Abshir Cumar Jaamac waxay si wadajir ah u dhagax-dhigeen asaaska dhismaha cusub ee Safaarada Yemen ee magaalada Muqdisho.

1/20/2023 6:04 AM EST
Jimco, January, 20, 2023 (HOL) - Dowladda Soomaaliya ayaa degmooyinka Baardheere iyo Dooloow ee Jubaland ku wareejisay 11goobood oo laga dayactiray jiinka webiga Jubba, si looga hortago fatahaadaha dhibka ku hayay beeraleeyda, xoolaleeyda iyo dadka deegaanka.

1/20/2023 5:21 AM EST
Jimco, January, 20, 2023 (HOL) - Dowladda Soomaaliya ayaa sheegtay in ka badan 100 ka tirsan kooxda Alshabaab in saaka lagu dilay markii ay weerar ku soo qaadeen saldhig ay leeyihiin Ciidanka xoogga oo ku yaalla Magaalada Galcad.

1/20/2023 3:23 AM EST
Jimco, January, 20, 2023 (HOL) - Ergayga gaarka ah ee gurmadka abaaraha Soomaaliya, Cabdiraxmaan Cabdishakuur Warsame ayaa ka tacsiyeeyay geerida gaashaanle Xasan Cismaan Tuure, taliye ku xigeenkii ciidanka Danab iyo saraakiishii kale iyo ciidankii saakay ku geeriyooday weerarkii degaanka Galcad.

1/20/2023 12:58 AM EST
Jimco, January, 20, 2023 (HOL) - Wararka nagasoo gaaraya degmada Galcad ee gobolka Galgaduud ayaa sheegaya in saakay aroortii ay halkaasi weerareen dagaalamayaasha kooxda Alshabaab.