1/29/2023
Today from Hiiraan Online:  _
Wararka Maanta- Khamiis, Jan 19, 2023
Madaxweyne Mustafe Cagjar oo awaamir culus kasoo saaray la dagaallanka Musuq maasuqa

Khamiis, January, 19, 2023 (HOL) - Madaxweynaha dowlad degaanka Soomaalida Mustafe Cagjar oo maanta furay Shir qiimeyn ahaa oo loo qabtay masuuliyiinta gobollada uu degaanku kakooban yahay ayaa si adag uga hadlay Musuq maasuqa iyo ciqaabta uu yeelanayo masuulkii musuq lagu helo.

Madaxweyne Mustafe Cagjar ayaa sheegay in masuulka wax musuqaya uu xeelado badan adeegsan karo, " qofka wax musuqaya ama isdaba marinaya awaamirtii la faray ayuu ka leexanayaa, Qandaraas masoo dhajinayo oo wuxuu rabaa inuu si hoos ahaaneed u siiyo mid uu rabo inuu la cuno, markaa awaamirtii la is faray oo uu ka leexdaa waa musuq waana in lala xisaabtamaa" ayuu yiri Madaxweyne Mustafe Cagjar.

Isagoo hadalkiisa sii wata Madaxweynuhu waxa uu sheegay in wakhtigii hore masuulka Musuq lagu helo xilka un laga qaadi jiray, balse hadda waxa uu amar ku bixiyay in xilka qaadista loogu daro xarig, waa sida uu hadalka u dhigay Madaxweynuhu.

Arrimaha Musuq maasuqa ayaa qorshe guud loo qaatay guud ahaan dalka Itoobiya, iyadoo Ra'iisal Wasaaraha Itoobiya Abiyi Axmed oo dhammaan Madaxda dowlad degaannada dalka Itoobiya faray in si adag ula dagaallamaan Musuq maasuqa oo uu sheegay inuu wax u dhimayo horumarka Itoobiya.














Click here
1/19/2023 9:29 AM EST
Khamiis, January, 19, 2023 (HOL) - Maxkamadda ciidamada qalabka sida ee Soomaaliya ayaa maanta xukun dil ah ku riday Maxamed Cabdi Jiirow oo loo yaqaano Dr. Fanax oo katirsanaa Alshabaab.

1/19/2023 6:44 AM EST
Khamiis, January, 19, 2023 (HOL) - Ugu yaraan 10 ka tirsan dagaalamayaasha Al-Shabaab ayaa lagu dilay dhowr kalena waa lagu dhaawacay ka dib markii ay isku dhaceen ciidamada ammaanka Kenya meel u dhow soohdinta Kenya ay la wadaagto Soomaaliya.

1/19/2023 5:31 AM EST
Khamiis, January, 19, 2023 (HOL) - Wararka ka imaanaya deegaanka Beerxaano ee gobolka Hiiraan ayaa sheegaya in halkaasi uu haatan ka socdo dagaal xoogan oo u dhaxeeya ciidamada dib u xureynta deegaanka iyo kuwa Al-shabaab.

1/19/2023 4:32 AM EST
Khamiis, January, 19, 2023 (HOL) - Maamulka gobolka Banaadir iyo dowladda Hoose ee Xamar ayaa shaaca ka qaaday iney dib u bilaabayaan qaadista Canshuurta Guryaha iyo daaraha ka dhisan magaalada Muqdisho oo horay loo joojiyay bishi Oktoobar ee sanadkii lasoo dhaafay 2022.

1/19/2023 2:39 AM EST
Khamiis, January, 19, 2023 (HOL) - Dowladda Soomaaliya ayaa sheegtay inay dishay 49 ka tirsan Alshabaab, tiro kalana lagu dhaawacay kaddib dagaal ka dhacay Tuulada Dhagaxow oo hoostagta deegaanka Xawaadlay ee gobalka Shabeellaha Dhexe.

1/19/2023 12:29 AM EST
Khamiis, January, 19, 2023 (HOL) - Wasaaradda amniga maamulka Hirrshabelle ayaa caddeysay cidkasta oo u hoggaansanta awaamiirta Alshabaab in ay ku xukun yihiin iyaga.