3/29/2024
Today from Hiiraan Online:  _
Wararka Maanta- Jimco, Sept 30, 2022
Ciiddanka xoogga dalka Soomaaliya oo si buuxda ula wareegay deegaanka Basra iyo tuulooyin hoos yimaada Basra
 

Jimco, September, 30, 2022 (HOL) - Ciidanka xoogga dalka Soomaaliya ayaa saakay si buuxda ula wareegay deegaanka Basra ee gobolka Shabeellaha Dhexe, kadib markii ciidamadu howlgal qorsheysan ay hiirtii waaberi ka fuliyeen Basra.

Ciidamada amniga dowladda Soomaaliya ayaa sidoo kale la wareegay tuulooyin badan oo hoos yimaada Basra, sida lagu sheegay war dowladda kasoo baxay.

Dhammaan deegaannada ciidamadu la wareegay waxay ku teedsanyihiin yihiin webiga Shabeelle. Wasiirka difaaca Soomaaliya Cabduqaadir Maxamed Nuur oo ladlay warbaahinta dowladda, ayaa sheegay in ciidamada xoogga dalka ay burburiyeen Saldhiggii ugu weynaaa Alshabaab ee deegaanada ay la wareegeen.

Wasiirku wuxuu sheegay inaysan jirin wax iska caabin ah oo ay ciidamadu la kulmeen inta howlgalku uu socday.

Deegaanka Basra ayaa degaan Istiraatiiji ah iskuna xira Shabeellaha Hoose iyo Shaqaalaha Dhexe. Sidoo kale, Alshabaab ayaa deegaanka Basra ku lahayd saldhig wayn oo dadka uga yeeri jireen.

Tuulooyinka ay sida buuxda ula wareegeen Ciidamada oo gaaraya 9 tuulo ayaa kala ah.

1. Basra

2. Sabyo

3. Bahdaad

4 . Beled Al Kariim

5. Baldooska

6. Alifoow

7. Muryaley

8. Daniga Balow

9. Buula Xansholey.












Click here
9/30/2022 8:47 AM EST
Jimco, September, 30, 2022 (HOL) - Madaxweynaha Soomaaliya Xasan Sheekh Maxamuud ayaa ka tacsiyeeyay geerida ku timid taliyihii qaybta guud ee Booliiska gobolka Banaadir Sarreeye Guuto Farxaan Maxamuud Aadan iyo 4 askari oo ka tirsan ciidanka xoogga Dalka oo ku geeriyooday Qarax miino oo lagula eegtay deeganno ka tirsan Shabeellaha Dhexe.

9/30/2022 7:33 AM EST
Jimco, September, 30, 2022 (HOL) - Ugu yaraan 12 qof oo shacab ah ayaa lagu dilay iyagoo ku sugnaa goob Ceel biyood laga qodayay oo kutaala deegaanka Gariley oo u dhaxeeya degmooyinka Baardheere iyo Ceelwaaq ee gobolka Gedo.

9/30/2022 5:31 AM EST
Jimco, September, 30, 2022 (HOL) - Taliyihii ciiddanka Booliiska gobolka Banaadir, Farxaan Maxamuud Aadan (Farxaan Qaroole) ayaa ku geeriyooday qarax miino oo lagula eegtay deegaanka Basra, halkaas oo saakay ciidamada dowladda kala wareegeen Alshabaab.

9/30/2022 4:44 AM EST
Jimco, September, 30, 2022 (HOL) - Wararka ka imaanaya dowlad degaanka Soomaalida ayaa sheegaya in dagaal culus oo Soomaalida iyo Oromada u dhaxeeya, uu saaka mar kale ka qarxay degmada Gurra dhaamoole oo ka tirsan gobolka Liibaan ee dowlad degaanka Soomaalida.

9/30/2022 4:38 AM EST
Jimco, September, 30, 2022 (HOL) - Wasaaradda warfaafinta Soomaaliya ayaa sheegtay in shan dagaalame oo katirsan kooxda Alshabaab lagu dilay howlgal qorshaysan oo ciidamada dowladdu kula wareegeen tuulada Basra ee gobolka Shabeeladda dhexe.

9/30/2022 4:27 AM EST
Jimco, September, 30, 2022 (HOL) - Madaxweynaha dowladda Soomaaliya Xasan Sheikh Maxamuud iyo raysal wasaaraha dalka Ethiopia Abiy Ahmed oo muddo labo maalmood ah wada hadal uga socday magaalada Addis Ababa ayaa gaaray heshiis is-afagarad ah oo ku qotoma xoojinta xiriirka labada dal.

9/30/2022 4:20 AM EST
Jimco, September, 30, 2022 (HOL) - Hoggaamiyaha Ahlu sunna Wal-jameeca Sheekh Maxamed Shaakir ayaa sheegay inay dowladda Soomaaliya kula jiraan wada hadal ku saabsan sidii ay isaga kaashan lahaayeen dagaalka Alshabaab.

9/30/2022 1:34 AM EST
Jimco, September, 30, 2022 (HOL) - Xeer ilaaliyaha guud ee dowladda federalka Soomaaliya Saleeebaan Maxamed Maxamuud ayaa sheegay inay dowladda Soomaaliya dabagal ku hayso shaqsiyaad ku eedeysan inay maalgalin u sameeyaan kooxda Alshabaab.