3/28/2024
Today from Hiiraan Online:  _
Wararka Maanta- Jimco, Sept 30, 2022
Dowladda Soomaaliya oo ku dhawaaqday dagaal maaliyaddeed ka dhan ah Alshabaab iyo cid kasta oo maalgalisa

Jimco, September, 30, 2022 (HOL) - Xeer ilaaliyaha guud ee dowladda federalka Soomaaliya Saleeebaan Maxamed Maxamuud ayaa sheegay inay dowladda Soomaaliya dabagal ku hayso shaqsiyaad ku eedeysan inay maalgalin u sameeyaan kooxda Alshabaab.

Xeer ilaaliyuhu wuxuu sheegay in hay’adaha baaristu ay si dhow ula socdaan dhaqdhaaqyada maaliyaddeed ee shaqsiyaadkan, isagoo tilmaamay in haddii dambigaas lagu helo lagu fulindoono xeerka ka hortagga maalgalinta argigixisada iyo lacag dhaqida.

Xeer ilaaliyaha ayaa digniin xooggan u diray cid kasta oo isku dayda inay Alshabaab siiso dhaqaale. Wuxuu shaaciyay inay dowladdu ku dhawaaqday dagaal maaliyaddeed oo ka dhan ah argigixisada iyo dadka gacanta kula jira maalgalintooda.

“Waxaan billownay tallaabooyin adag oo lagu beegsanayo dadka lagu tuhunsan yahay inay dhaqayaan lacagaha si ay u gacan siiyaan argigixisada. Waxaan sharciga horkeenaynaa cid kasta oo argigixisada gacan siisa,’ ayuu yidhi xeer ilaaliyaha guud ee Soomaaliya.

Dhinaca kale, xeer ilaaliyaha guud, ayaa digniin u diray dadka garsoorka u raadsanaya Alshabaab, isagoo hay’adda fulinta faray inay sharciga horkeenaan cid kaste oo lagu tuhunsan yahay inay garsoor u doonatay Alshabaab.

Hadalka xeer ilaaliyaha ayaa kusoo aaday xilli dowladda federalku ku jirto dagaal ka dhan ah Alshabaab, dagaalkaas oo sababay in Alshabaab laga qabsado dhul badan oo ay ka talin jireen.












Click here
9/30/2022 8:47 AM EST
Jimco, September, 30, 2022 (HOL) - Madaxweynaha Soomaaliya Xasan Sheekh Maxamuud ayaa ka tacsiyeeyay geerida ku timid taliyihii qaybta guud ee Booliiska gobolka Banaadir Sarreeye Guuto Farxaan Maxamuud Aadan iyo 4 askari oo ka tirsan ciidanka xoogga Dalka oo ku geeriyooday Qarax miino oo lagula eegtay deeganno ka tirsan Shabeellaha Dhexe.

9/30/2022 7:33 AM EST
Jimco, September, 30, 2022 (HOL) - Ugu yaraan 12 qof oo shacab ah ayaa lagu dilay iyagoo ku sugnaa goob Ceel biyood laga qodayay oo kutaala deegaanka Gariley oo u dhaxeeya degmooyinka Baardheere iyo Ceelwaaq ee gobolka Gedo.

9/30/2022 5:31 AM EST
Jimco, September, 30, 2022 (HOL) - Taliyihii ciiddanka Booliiska gobolka Banaadir, Farxaan Maxamuud Aadan (Farxaan Qaroole) ayaa ku geeriyooday qarax miino oo lagula eegtay deegaanka Basra, halkaas oo saakay ciidamada dowladda kala wareegeen Alshabaab.

9/30/2022 4:44 AM EST
Jimco, September, 30, 2022 (HOL) - Wararka ka imaanaya dowlad degaanka Soomaalida ayaa sheegaya in dagaal culus oo Soomaalida iyo Oromada u dhaxeeya, uu saaka mar kale ka qarxay degmada Gurra dhaamoole oo ka tirsan gobolka Liibaan ee dowlad degaanka Soomaalida.

9/30/2022 4:38 AM EST
Jimco, September, 30, 2022 (HOL) - Wasaaradda warfaafinta Soomaaliya ayaa sheegtay in shan dagaalame oo katirsan kooxda Alshabaab lagu dilay howlgal qorshaysan oo ciidamada dowladdu kula wareegeen tuulada Basra ee gobolka Shabeeladda dhexe.

9/30/2022 4:27 AM EST
Jimco, September, 30, 2022 (HOL) - Madaxweynaha dowladda Soomaaliya Xasan Sheikh Maxamuud iyo raysal wasaaraha dalka Ethiopia Abiy Ahmed oo muddo labo maalmood ah wada hadal uga socday magaalada Addis Ababa ayaa gaaray heshiis is-afagarad ah oo ku qotoma xoojinta xiriirka labada dal.

9/30/2022 4:20 AM EST
Jimco, September, 30, 2022 (HOL) - Hoggaamiyaha Ahlu sunna Wal-jameeca Sheekh Maxamed Shaakir ayaa sheegay inay dowladda Soomaaliya kula jiraan wada hadal ku saabsan sidii ay isaga kaashan lahaayeen dagaalka Alshabaab.

9/30/2022 2:12 AM EST
Jimco, September, 30, 2022 (HOL) - Ciidanka xoogga dalka Soomaaliya ayaa saakay si buuxda ula wareegay deegaanka Basra ee gobolka Shabeellaha Dhexe, kadib markii ciidamadu howlgal qorsheysan ay hiirtii waaberi ka fuliyeen Basra.