3/29/2024
Today from Hiiraan Online:  _
Wararka Maanta- Axad, Sept 18, 2022
Madaxweyne Xasan Sheekh "Sax maahan in caruurta Soomaaliyeed qaar gaajo qalfoof la noqdaan, qaar kalana dhaqaatirtu yiraahdaan Cunnada halaga yareeyo"
 

Axad, September, 18, 2022 (HOL) - Madaxweynaha dowladda Fedaraalka Soomaaliya Xasan Sheekh Maxamuud oo u jeedinaayay khudbad dhinacyo badan taabaneyso oo quseysa arrimaha Soomaaliya Jaaliyadda Soomaaliyeed ee ku nool magaalada Washington ee dalka Mareykanka ayaa ka dalbaday iney garab istaagaan Walaalahooda ku dhibaateysan gudaha Soomaaliya ee abaartu saameysay.

Madaxweyne Xasan ayaa sheegay in gobolada dalka Soomaaliya ay haatan ka jirto xaalad cuno la'aan iyo biyo la'aan ah, islamarkaana qarka u saaran yihiin dad badan oo Soomaaliyeed iney u geeriyoodaan gaajada iyo haraadka ay wajahayaan.

Wuxuu ku baaqay madaxweyne Xasan in qof walba oo Soomaali ah inuu bixiyo oo uu ku daro lacagta uu awoodo kaalmada loo aruurinaayo dadka Soomaaliyeed ee abaartu saameysay, isagoona xusay in muuqaalada qaar ka mid ah dadka ay abaartu saameysay uu is badelay jir ahaantooda sababo la xarira in ay waayeen waxay cunaan iyo waxay cabbaan ayna u baahan yihiin in loo fidiyo gacan walaaltinimo.

“Tiradiinu way badan tahay, hal hal dollar oo aad isku dartaan ayaa wax weyn ah, arrinta abaaraha waxa aan codsaneynaa in aad dib u fiirisaan waana fiirin jirteen, wax badan ayaa la idin ka rajeynayaa, Dadka Soomaaliyeed ee abaaruhu hayaan haloo gurmado, Macquul ma ahan in ay Carruurta cunaan qado, quraac iyo Casho oo Dhaqaatiirtu qaar ay dhahaan cunnada halaga yareeyo oo miisaankooda ayaa kordhay kuwa kalena ay qalfoof u noqdaan cunno la’aan, sax ma ahan niyad ahaan” ayu yiri Madaxweynaha Soomaaliya Xasan Sheekh Maxamuud.

Gabagabadii madaxweynaha dowladda Federaalka Soomaaliya Xasan Sheekh Maxamuud ayaa sheegay inuu rajeeynaayo in Soomaaliya ay ka baxdo xaaladaha adag oo ay ugu daran yihiin Amniga iyo abaarta soo noqnoqotay, taasina ay dedaal xoogan ugu jirto dowladdiisa sidii ay wax uga qaban laheyd.












Click here
9/18/2022 4:29 PM EST
Axad, September, 18, 2022 (HOL) - Wasiirka Shaqada iyo Arrimaha Bulshada Xukuumadda Federaalka ah ee Soomaaliya , Xil. Biixi Iimaan Cige iyo wafdi uu hoggaaminayo ayaa ka qeybgalay furitaanka shir weynaha 48aad ee Shaqada Jaamacadda Carabta.

9/18/2022 3:10 PM EST
Axad, September, 18, 2022 (HOL) - Wasiirka Gaadiidka iyo Duulista Hawada Xukuumadda Federaalka Soomaaliya , Xil. Fardowsa Cusmaan Cigaal ayaa maanta xafiiska ku qaabishay Safiirka Dawladda Shiinaha u fadhiya Soomaaliya , Amb. Fei Shengchao.

9/18/2022 10:04 AM EST
Axad, September, 18, 2022 (HOL) - Guddoomiyaha xisbiga mucaaradka Somaliland ee UCID Faysal Cali Waraabe, ayaa afxumo ku tilmaamay hadalkii uu madaxweynaha Soomaaliya ku sheegay in aanu aqbalayn madaxbannaanida Somaliland.

9/18/2022 6:59 AM EST
Axad, September, 18, 2022 (HOL) - Madaxweynaha dowladda Soomaaliya Xasan Sheekh Maxamuud ayaa sheegay inay guulo ka soo hooyeen dagaalka ka dhanka ah kooxda Al-Shabaab.

9/18/2022 5:46 AM EST
Axad, September, 18, 2022 (HOL) - Wararka naga soo gaaraya deegaanka Ceel Jiqoow oo ka mid ah deegaanada hoostaga degmada Maxaas ee gobolka Hiiraan ayaa sheegaya in dagaalamayaal ka tirsan Al-shabaab ay goordhow oo Maanta ah gubeen dhamaan guryahii iyo Ceel biyoodkii ku yaalay deegaakaasi.

9/18/2022 5:35 AM EST
Axad, September, 18, 2022 (HOL) - Puntland ayaa maxkamad horkeentay wasiir ku xigeenkii hore ee kalluumeysiga Puntland Cabdirixmaan Salaad Jowle.

9/18/2022 5:32 AM EST
Axad, September, 18, 2022 (HOL) - Madaxweynaha Somaliland Muuse Biixi Cabdi, oo ka jawaabaya hadalkii madaxweynaha Soonaaliya ee ahaa "Ma ogoli gooni isutaaga Somaliland", ayaa sheegay in madaxbannaanida Somaliland tahay go'aan shacbi oo aan la badali karin.

9/18/2022 2:07 AM EST
Axad, September, 18, 2022 (HOL) - Madaxweynaha dowladda federalka Soomaaliya, Xasan Sheikh Maxamuud ayaa sheegay inay dowladdiisa kasoo horjeedo wax kaste ah oo gacan ka geysanaya gooni isku taaggaa Somaliland.

9/18/2022 1:53 AM EST
Axad, September, 18, 2022 (HOL) - Ciidamada xoogga dalka Soomaaliyeed oo kaashanaya kuwa dib u xureynta deegaanka ee loo yaqaano Macawiisleey ayaa saacadahii lasoo dhaafay Al-shabaab kala wareegay deegaano dhowr ah oo hoostaga degmada Buulaburte ee gobolka Hiiraan.