12/2/2022
Today from Hiiraan Online:  _
Wararka Maanta- Axad, Sept 25, 2022
Xisbiga Waddani oo go'aan kasoo saaray muddo kordhin loo sameeeyo madaxweynaha Somaliland
 

Axad, September, 25, 2022 (HOL) - Xisbiga Waddani ayaa sheegay in anay ogolayn in madaxweynaha Somaliland loo sameeyo muddo kordhin aan iyaga laga talo galin.

Guddoomiyaha xisbiga Xirsi Cali Xaaji Xasan, Musharaxa Madaxweynaha Cabdiraxmaan Maxamed Cabdillaahi Cirro iyo saraakiil sar sare oo xisbiga ka tirsan oo warbaahinta kula hadlay magaalada Hargaysa, ayaa sheegay in anay aqbalayn muddo kordhin aan xisbigooda laga talo galin.

"Go'aanka xisbigu waxa weeyaan in aanaan ogolayn muddo kordhin 13 Novermber ka danbaysa oo aan laysku waafaqsanayn, oo aan laga heshiin" Guddoomiye Xirsi, ayaa sidaa warbaahinta u sheegay.

Waxa uu sheegay in ay waafaqsanyihiin jadwalkii shalay guddida doorashooyinku soo gudbiyeen, isla markaana aan doorashada lagu qaban karin wakhtigeedii hore, lakiin waxa uu soo jeediyay in la is waydiiyo cida sababtay in doorashadu dib u dhacdo, isagoo xukuumada ku eedeeyay.

Guddida Doorashooyinka Somaliland, ayaa Sabtidii shalay ku dhawaaqay in doorashadii madaxweynaha Somaliland, aanay ku qabsoomi doonin wakhtigii sharciga ahaa duruufo jira awgeed, iyagoo sheegay in ay doorashada ku diyaarin karaan muddo 9 billood ah oo ka bilaabanta bisha October.

Hadaba, guddidu war-murtiyeed kooda kuma xusin doorashada urrurada iyo xiliga la qabanayo, taasi oo mucaaradku u sacaba tumeen, sheegeena in guddidu ay go'aamisay in ay qabtaan doorashada madaxtooyada oo kali ah.



Abdilahi Geel-maal, Hiiraan Online
[email protected]












Click here
9/25/2022 4:40 PM EST
Axad, September, 25, 2022 (HOL) - Madaxweyne ku xigeenka Galmudug, Cali Daahir Ciid ayaa sheegay inay kooxda Al shabaab ka qabsadeen wax ka badan 10 deegan oo ay maamulayeen 10 kii sano ee la so dhaafay.

9/25/2022 11:31 AM EST
Axad, September, 25, 2022 (HOL) - Hay'adda nabad sugida iyo sirdoonka Soomaaliya ee NISA ayaa waxay shaacisay in la qab-qabtay ku dhawaad 10 qof oo si yaabo kala duwan u la macaamilayay kooxda Alshabaab.

9/25/2022 10:02 AM EST
Axad, September, 25, 2022 (HOL) - Wararka naga soo gaaraya degmada Halgan ee gobolka Hiiraan ayaa sheegaya in qarax miino oo Maanta ka dhacay inta u dhaxeysa Halgan iyo Garasyaani uu ku geeriyooday Taliyahii saadka ciidanka xoogga dalka Soomaaliyeed gaar ahaan guutada 5-aad qeybta 27-aad ee fadhigoodu yahay gobolka Hiiraan Kornel Barre Ceyrow.

9/25/2022 8:42 AM EST
Axad, September, 25, 2022 (HOL) - Xisbiga mucaaradka Somaliland ee Waddani, ayaa madaxweynaha Soomaaliya Xasan Sheekh Maxamuud usoo jeediyay in uu kafiirsado hadaladiisa iyo ficiladiisa ku aadan Somaliland.

9/25/2022 3:59 AM EST
Axad, September, 25, 2022 (HOL) - Wararka naga soo gaaraya degmada Moqokori ee gobolka Hiiraan ayaa sheegaya in ciidanka xoogga dalka iyo kuwa dadka deegaanka ay saakay Al-shabaab kala wareegeen degmada Moqokori oo ka mid ah meelaha Shabaab ku awood badnayeen.

9/25/2022 3:37 AM EST
Axad, September, 25, 2022 (HOL) - Wararka ka imaanaya gobolka Baay ayaa sheegaya in ciidamada dowladda Soomaaliya oo kaashanaya kuwa deegaanka inay Al-shabaab kala wareegeen deegaano badan oo ka tirsan gobolka Baay.

9/25/2022 3:05 AM EST
Axad, September, 25, 2022 (HOL) - Warar kala duwan ayaa kasoo baxaya qarax Ismiidaamin ah oo goordhaw ka dhacay Xerada Nacnaca oo ku taala degmada wadajir ee Magaalada Muqdisho, kaasoo jugtiisa laga maqlay qaar ka mid ah degmooyinka gobolka Banaadir.

9/25/2022 2:23 AM EST
Axad, September, 25, 2022 (HOL) - Ciidamada Booliska Soomaaliya ayaa ku guuleystay inay gacanta ku soo dhigaan haweeney tacaddi ugeysatay gabadh yar, kadib markii muuqaal laga duubay lagu faafiyay baraha bulshada.

9/25/2022 1:53 AM EST
Axad, September, 25, 2022 (HOL) - La-taliyaha amniga qaranka, Xuseen Macallin, ayaa sheegay in dowladda Soomaaliya uusan qorshaha ugu jirin inay hubayso ciidamada Macaawisleyda ee qeybta weyn ka qaadanaya howlgallada dalka looga xoraynayo Alshabaab.