10/1/2022
Today from Hiiraan Online:  _
Wararka Maanta- Talaado, Sept 20, 2022
Ururka ONLF oo sheegay inuu ka laabtay ka qaybgalka shir Wadatashi ah oo xisbiyada degaanka Soomaalida u furmaya toddobaadka soo socda
 

Talaado, September, 20, 2022 (HOL) - Ururka ONLF ayaa sheegay inuu gabi ahaanba ka baxay ka qaybgalka shirkii wada tashi ee maalmo ka hor ku heshiiyeen xisbiyada degaanka in la qabto.

War saxaafadeed ay saacado ka hor soo saareen Ururka ONLF ayaa lagu sheegay in Ururku uu qaadacay Shirweynihii wadatashiga ahaa ee dhawaan lagu baaqay in degaanka Soomaalida lagu qabto.

Ururku wuxuu arrintan u sababeeyay in shirweynaha laga leexiyay wadadii saxda ahayd ee uu ku soo socday iyo hannaankii loo dejiyay, waa siday War saxaafadeedka ay ku sheegeen ONLF, isagoo eedeynta oo dhan dusha ka saarey xukuumadda dowlad degaanka Soomaalida.

Ugu dambeyn waxay War saxaafadeedka kusoo gabagabeeyeen in ONLF ayna ka qaybgalayn shirkaa wada tashi ilaa laga saxayo ayay yiraahdeen geeddi socodka shirweynaha.

Sabtidii lasoo dhaafay ayay dhawr xisbi oo degaanka Soomaalida kamid ah oo uu ku jiro Ururka ONLF iyo xisbiga talada degaanka haya ee PP, waxay heshiis ku gaareen in shirweyne wada tashi lagu qabto dowlad degaanka Soomaalida, shirweynahaas oo lagaga tashanayo masiirka ummada Soomaalida ee ku nool dowlad degaanka Soomaalida.

Weli dowladda iyo xisbiyadii kale ka maysan hadlin warkan kasoo baxay Ururka ONLF ee ah inay isaga hadheen shirweynihii loo ballansanaa inuu degaanka ka dhaco dabayaaqada bishan.

ONLF waxay horey u qaadaceen shirweynihii wada tashi ee heer federal, iyagoo shirweynahaa ku eedeeyay in loo maareeyay qaab aan u cuntamin ONLF iyo shacabweynaha dowlad degaanka Soomaalida.












Click here
9/20/2022 11:19 AM EST
Talaado, September, 20, 2022 (HOL) - Wasiirka Wasaaradda Gaashaandhiga Xukuumadda Fedaraalka Soomaaliya Cabdiqaadir Maxamed Nuur iyo Taliyaha ciidanka xoogga dalka Soomaaliyeed Jenaraal Odawaa Yuusuf Raage ayaa Maanta kormeer ku tagay deegaano hoostaga degmada Buulaburte oo dhawaan laga saaray Al-shabaab.

9/20/2022 11:12 AM EST
Talaado, September, 20, 2022 (HOL) - Xukuumada Somaliland ayaa xisbiga Waddani ku eedaysay in aanu difaacin qaranimada Somaliland, waxayna soo jeedisay in baadhitaan lagu sameeyo sababta.

9/20/2022 9:03 AM EST
Talaado, September, 20, 2022 (HOL) - Muna Xasan oo loo yaqaano Muno Axlaa, oo ah gabadh dhalliyaro ah oo arrimaha bulshada u dhaqdhaaqi jirtay, taasoo hadda dhibbane u ah waxyeello kasoo gaartay qalliin lagu sameeyay, ayaa dacwad ka gudbisay isbitaalka Yardemeli.

9/20/2022 8:36 AM EST
Talaado, September, 20, 2022 (HOL) - Ciidamada dowladda Soomaaliya ayaa Maanta dagaal xoogan Al-shabaab ugala wareegay gacan ku heynta deegaanka Sinadhaqo oo dhinaca Koonfureed kaga beegan magaalada Dhuusamareeb ee Caasimadda maamulka Galmudug.

9/20/2022 8:16 AM EST
Talaado, September, 20, 2022 (HOL) - Puntland ayaa ku eedeeysay Somaliland daandaansi dagaal, kadib markii shalay madaxweynaha Somaliland Muuse Biixi Cabdi uu tagay Tukaraq oo 70km u jirta magaalada Garowe ee caasimadda Puntland.

9/20/2022 7:29 AM EST
Talaado, September, 20, 2022 (HOL) - Xildhibaano tirradooda ku sheegay 46 xildhibaan, oo ka tirsan Golaha Wakiilada Somaliland, ayaa kasoo horjeestay, wax ka badalkii uu goluhu shalay ku sameeyay xeerka doorashooyinka.

9/20/2022 5:11 AM EST
Talaado, September, 20, 2022 (HOL) - Wararka naga soo gaaraya deegaanka Booco ee gobolka Hiiraan oo qiyaas ahaan magaalada Baledweyne kaga beegan dhanka Koonfureed ilaa 45 KM ayaa sheegaya in ciidamada dowladda Soomaaliya iyo kuwa dib u xureynta deegaanka ee loo yaqaano Macawiisleey ay goordhaw oo Maanta ah la wareegeen deegaankaasi.

9/20/2022 3:12 AM EST
Talaado, September, 20, 2022 (HOL) - Waxaa Xalay magaalada Muqdisho ku geeriyooday Xildhibaan Maxamed Mursal Boorow oo ka mid ahaa mudanayaasha Baarlamaanka Fedaraalka Soomaaliya oo laga soo doortay deegaanada maamulka Koonfur Galbeed Soomaaliya, waxaana la sheegay in Xildhibaanka uu mudooyinkii dambe ku xanuunsanaayay gudaha magaalada Muqdisho.

9/20/2022 1:39 AM EST
Talaado, September, 20, 2022 (HOL) - Dowladda Mareykanka ayaa ku dhawaaqday inay bixisay in ka badan 700 oo milyan oo dollar si wax looga qabto dhibaatooyinka abaareed ee waxyeeleeyay ​​kala bar dadka Soomaaliyeed.

9/20/2022 1:25 AM EST
Talaado, September, 20, 2022 (HOL) - Dowladda Soomaaliya ayaa sheegtay in in ka badan 100 ka tirsan Alshabaab lagu dilay howlgalo 72-kii saac ee lasoo dhaafay ciidamada xoogga dalka Soomaaliyeed ay ka fuliyeen tuulooyinka Yasooman iyo Aboorey ee gobolka Hiiraan.