12/2/2022
Today from Hiiraan Online:  _
Wararka Maanta- Sabti, Oct 1 , 2022
Ciidamada dowladda iyo kuwa dadka deegaanka oo isaga baxay deegaanada Moqokori iyo Yasooman
 

Sabti, October, 1, 2022 (HOL) - Wararka naga soo gaaraya deegaanada Moqokori iyo Yasooman ee gobolka Hiiraan ayaa sheegaya in ciidamada dowladda iyo kuwa Macawiisleeyda ee dhawaan la wareegay deegaanadaasi inay isaga baxeen.

Ciidamada dowladda ku sugnaa maalmahii lasoo dhaafay degmada Moqokori ee saakay banaeeyay magaaladaasi ayaa la sheegay iney u dhaqaaqeen dhanka degmada Maxaas ee gobolka Hiiraan, halka kuwa ka baxay Yasooman ay iyana dib ugu laabteen dhanka degmada Buulaburte ee gobolka Hiiraan.

Lama oga sababta rasmiga ah ee ka dambeysa inay faarujiyaan fariisamahoodii deegaanada Moqokori iyo Yasoomam ciidamada dowladda iyo kuwa Macawiisleeyda, waxaana warar haatan kusoo dhacaya warqabadka HOL ay sheegayaan in labada deegaanba ay goordhaw gudaha u galeen Al-shabaab oo horay uga talin jirtay deegaanadaasi.

Saraakiisha ciidamada dowladda iyo kuwa Macawiisleeydaba wali maysan sheegin sababta ka dambeysa iney isaga baxaan degmada Moqokori iyo deegaanka Yasooman oo ay dhawaan uun kala wareegeen Al-shabaab.

Warar hoose oo soo baxaya ayaa sheegaya in khilaaf aanan wali la xaqiijin waxa uu ka dhashay inuu soo kala dhexgalay saraakiisha ciidamada dowladda Soomaaliya iyo kuwa dadka deegaanka ee looyaqaano Macawiisleeyda.












Click here
10/1/2022 9:59 AM EST
Sabti, October, 1, 2022 (HOL) - Guddoomiyaha maamulka gobalka Hiiraan Cali Jeyte Cismaan ayaa ka hadlay sababaha keenay in Maanta ciidamada iskaashanaya ay dib uga soo baxaan degmada Moqokori iyo deegaanka Yasooman iney aheyd mid ay ka shaqeyeen dad gaar ah oo ku dhexjira ciidanka oo doonaya fashilinta howlgalada ka socda deegaanada gobolka Hiiraan.

10/1/2022 8:52 AM EST
Sabti, October, 1, 2022 (HOL) - Madaxweynaha Soomaaliya Xasan Sheekh Maxamuud ayaa Masjidka Shuhadada ee madaxtooyada kaga qeyb galay salaadda Janaasada taliyehii qaybta guud ee boliiska gobolka Banaadir, Sarreeye Guuto Farxaan Maxamuud Aadan oo ku geeriyooday dagaalkii kadhacay deeganno ka tirsan Shabeellaha Dhexe.

10/1/2022 8:47 AM EST
Sabti, October, 1, 2022 (HOL) - Madaxweynaha Somaliland Muuse Biixi Cabdi, ayaa sheegay in aanu jirin xeer qeexaya waxa la yeelayo hadii doorashooyinka urruradu wakhtigooda dib uga dhacaan, lakiin xal loo hayo doorashada madaxweynaha iyo guurtida.

10/1/2022 4:21 AM EST
Sabti, October, 1, 2022 (HOL) - Golaha Guurtida Somaliland ayaa 2 sanno ku kordhiyay muddo xileedka madaxweyne Muuse Biixi Cabdi, muddo xileedka golaha ayay sidookale ku kordhiyeen muddo 5 sanno ah.

10/1/2022 2:34 AM EST
Sabti, October, 1, 2022 (HOL) - Wasiirka arrimaha gudaha Puntland, Cabdi Faarax Siciid Juxa ayaa iska fogeeyay sababta loo magacaabay inay qeyb ka tahay muddo kororsi lagu eedeynayo madaxweyne Deni.

10/1/2022 2:07 AM EST
Sabti, October, 1, 2022 (HOL) - Inta la xaqiijiyay shan askari oo ka tirsan ciidanka Nabadsugida Soomaaliya ayaa geeriyootay sideed kalana dhaawacyo culus ayaa soo gaaray, kadib markii uu la rogmaday gaarigii ay saarnayeen oo ahaa nooca Soomaalida u taqaano Cabdibilaha.

10/1/2022 1:50 AM EST
Sabti, October, 1, 2022 (HOL) - Ururada Suxufiyiinta Soomaaliya ayaa si kulul u cambaareeyay dilka weriye Axmed Maxamed Shakuur oo ka tirsan Telefishinka Qaranka Soomaaliyeed (SNTV), kaasoo ku geeriyooday qarax ka dhacay deegaanka Basra.