11/28/2022
Today from Hiiraan Online:  _
Wararka Maanta- Axad, Nov 20, 2022
Wararkii ugu dambeeyay Koobka Kubadda Cagta Aduunka oo goordhaw ka furmaya magaalada Doxa ee dalka Qatar

Axad, November, 20, 2022 (HOL) - Waqti aad u kooban kaliya ayaa ka harsan iney bilaabato munaasabadda furitaanka koobka kubadda cagta Aduunka oo ay sanadkaan 2022-ka ay marti galineyso wadanka Qatar.

Koobkaan ayaa ah midka ugu xiisaha badan dunida oo idil waxaana uu qabsooma afartii sanaba mar waxaana koobkaan ciyaara ilaa 32 dal oo ka mid ah dalalka dunida, xaflada kadib kulanka ugu horeeya ee qof walba oo dunida ku sugan uu doonayo inuu daawado waxaa wada cayaari doono Caawa abaare 07:00 Fiidnimo xiliga geeska Afrika Xulalka Qatar iyo Ecuador.

Garoonka AlBeyt  ee dalka Qatar waxaa ku sugan madax kala duwan oo ay ka mid yihiin madaxda dalka martigalinaya koobkaan ee dalka Qatar oo uu ugu horeeyo Amiirka dalkaas Sheekh Tamim Bin Xamad, Madaxweynaha Hay’adda ugu sareysa Kubadda cagta FIFA Gianni Infantino, dhaxal sugaha Boqortooyada Sacuudiga Maxamed Bin Salman, Xoghayaha guud ee Qaramada Midoobay Antonio Guterres, Madaxweynaha dalka Algeria Abdelmadjid Tebboune, Madaxweynaha dalka Senegal Macky Sall, madaxweynaha dalka Rwanda Pual Kagame iyo taageerayaal farabadan oo ka kala socda labada xul iyo kuwa usoo daawasho tagay ciyaaraha koobka Aduunka.

Hadaba hoos ka daalaco Xulalka ka qeybgalaya Koobka Aduunka iyo waliba qaabka ay isugu beegmayaan 32 kooxood oo min afar u galay sided qaanadood.

Group A: Qatar, Ecuador, Senegal, Netherlands

Group B: England, Iran, USA, Wales

Group C: Argentina, Saudi Arabia, Mexico, Poland

Group D: France, Australia, Denmark, Tunisia

Group E: Spain, Costa Rica, Germany, Japan

Group F: Belgium, Canada, Morocco, Croatia

Group G: Brazil, Serbia, Switzerland, Cameroon

Group H: Portugal, Ghana, Uruguay, South Korea












Click here
11/20/2022 1:53 PM EST
Axad, November, 20, 2022 (HOL) - Madaxweynaha Soomaaliya Xasan Sheekh Maxamuud ayaa soo saaray wareegto uu ku magacaabay guddoomiye ku xigeenada iyo xoghayaha guud ee gobolka Banaadir.

11/20/2022 12:36 PM EST
Shalay Sabti ahayd waxaa magaalada Phoenix ee Gobolka Arizona Masjidka Al Rahma lagu soo gabgabeeyey shirkii Jimciyadda Islaamiga ee Waqooyiga America, Islamic Association of North Ameica (IANA).

11/20/2022 9:01 AM EST
Axad, November, 20, 2022 (HOL) - Madaxweynaha dowladda Fedaraalka Soomaaliya Xasan Sheekh Maxamuud iyo wafdi uu hoggaaminaayo ayaa Maanta gaaray magaalada Baledweyne ee xarunta gobolka Hiiraan, halkaasoo si weyn loogu soo dhaweeyay.

11/20/2022 7:56 AM EST
Axad, November, 20, 2022 (HOL) - Xukuumada Somaliland ayaa sheegtay in lagu leeyahay dayn dhan $45 milyan, dayntaasi oo aan hore loo ogayn.

11/20/2022 7:45 AM EST
Axad, November, 20, 2022 (HOL) - Xisbiga mucaaradka Somaland ee UCID, ayaa waxan suuragal ahayn ku tilmaamay sharciyadii shalay golaha fulinta ee xisbiga Kulmiye sheegeen in ay kala noqdeen xisbiyada mucaaradka.

11/20/2022 5:22 AM EST
Axad, November, 20, 2022 (HOL) - Madaxweynaha maamulka Koonfur Galbeed, Cabdicasiis Lafta Gareen, ayaa soo dhoweeyay shirka dib u heshiisiinta ee uu shalay ku baaqay guddoomiyaha barlamaanka Soomaaliya, Aadan Madoobe.

11/20/2022 5:08 AM EST
Axad, November, 20, 2022 (HOL) - Wararka naga soo gaaraya magaalada Baledweyne ee xarunta gobolka Hiiraan ayaa sheegaya in goordhaw gabi ahaanba uu istaagay dhamaan dhaqdhaqaaqyadii kala duwana ee ganacsiga iyo isku socodka dadka iyo gaadiidka, islamarkaana wadooyinka waa weyn lasoo dhoobay ciidamo aad u farabadan.

11/20/2022 4:45 AM EST
Axad, November, 20, 2022 (HOL) - Waxaa god dahabka laga qado oo kuyaala deegaanka Milxo oo katirsan degmada Laasqoray ee gobolka Sanaag laga soo saaray maydka nin dhallinyaro ah oo shalay uu la dumay god uu dahab ka baarayay.

11/20/2022 4:00 AM EST
Axad, November, 20, 2022 (HOL) - Souef Mohamed El-Amine oo ah Dublamaasi u dhashay dalka Comoros, ayaa la wareegay inuu noqdo madaxa howlgalka Midowga Afrika ee Soomaaliya (ATMIS), ku dhawaad 7 bilood ka dib markii ay dowladda Soomaaliya cayrisay ergaygii hore ee Francisco Madeira.

11/20/2022 1:24 AM EST
Axad, November, 20, 2022 (HOL) - Wasiirka gaadiidka iyo duulista hawada Xukuumadda Federaalka Soomaaliya, Xil. Fardowsa Cusmaan Cigaa iyo Safiirka Kenya u jooga Soomaaliya, Thomas Chepkoto, ayaa wada hadal ka yeeshay xoojinta iskaashiga duulimaadka ee labada dhinac, ansixinta heshiisyada gaadiidka iyo duullimaadka iyo dib u soo celinta duulimaadyada Kenya Airways.

11/20/2022 1:18 AM EST
Axad, November, 20, 2022 (HOL) - Madaxweynaha dowladda Fedaraalka Soomaaliya Xasan Sheekh Maxamuud oo shalay safaro ku tagay deegaano ka kala tirsan gobolada Hiiraan, Galgaduud iyo Mudug ayaa Xalay ku hoyday magaalada Dhuusamareeb ee xarunta maamulka Galmudug.