5/20/2022
Today from Hiiraan Online:  _
Wararka Maanta- Arbaco, May 11, 2022
Booliiska Soomaaliya oo ka warbixiyay qarax ismiidaamin ah oo Muqdisho ka dhacay
 

Arbaco, May, 11, 2022 (HOL) - Afhayeenka ciiddanka Booliiska Soomaaliya gaashaanle Cabdifitaax Aadan Xasan ayaa sheegay inay todobo qof ku dhaawacmeen qarax ismiidaamin ah oo maanta barqadii ka dhacay wadada KM4 ee lagu baaro dadka u socda garoonka Aadan Cadde.

Afhayeenka Booliiska ayaa wuxuu sheegay in weerarkan lala damacsanaa General Garabey oo katirsan saraakiisha ciiddanka xoogga dalka, kadib markii qof ismiidaamiye ah uu isku dayay inuu daaqada ku dhego gaariga uu la socday sarkaalka oo ahaa Bullefproof.

“Shakhsiga naftii halliga ah wuxuu rabay inuu daaqada gaariga qabsado. Maadaama uu gaarigu BulletProof ahaana way u suurto gali weysay, Janankuna waa caafimaad qabaa,” ayuu yiri afhayeenka Booliiska.

Afhayeenka wuxuu sheegay in todobada qof ee dhaawacmay ay yihiin dad shacab oo ay ku jiraan Bajaajlayaal. Wuxuu sheegay in Qaraxa lagusoo beegay iyadoo lagu jiro xilli doorasho islamarkaana aysan dowladdu shacabka ka xirinin waddooyinka.

Wuxuu sheegay in Alshabab qaraxaan ugu talo galeen sida ay u buunbuuniyaan iyadoo doorasho lagu jiro inay qaraxyo geystaan.

Alshabab oo sheegtay weerarkan waxay sheegeen inay la beegsadeen masuuliyiin katirsan dowladda, kuwaas oo ku wajahnaa Afisyooni oo doorashadu ka dhacayso.

Abdiweli M. Sheikh, Hiiraan Online
[email protected]












Click here
5/11/2022 11:04 AM EST
Arbaco, May, 11, 2022 (HOL) - Waxaa goordhaw soo gabagaboobay hadal jeedinta maalinta koowaad ee Musharaxiinta u taagan xilka madaxweynaha Soomaaliya, waxaana Maanta khudbadahooda ka hor jeediyay Xildhibaanada labada Aqal 20 Musharax oo mid ah 39-ka Musharax ee isku diiwaan galiyay tartanka doorashada Madaxweynaha Jamhuuriyadda Fedaraalka Soomaaliya.

5/11/2022 10:25 AM EST
Arbaco, May, 11, 2022 (HOL) - Wariyaasha madaxa banaan ee ka howlgala magaalada Muqdisho ee Caasimadda Soomaaliya ayaa shir jaraa'id oo ay qabteen waxay ku sheegeen in loo diiday Maanta iney gudaha u galaan hoolka loogu talo galay in lagu qabto doorashada madaxweynaha Soomaaliya oo ay Maanta ka socotay hadal jeedinta Musharaxiinta u taagan xilka madaxweynaha 10-aad ee dalka.

5/11/2022 8:21 AM EST
Arbaco, May, 11, 2022 (HOL) - Madaxweynaha Somaliland Muuse Biixi Cabdi, oo ka hadlayay munaasibad lagu qabtay Jaamacada Hargaysa, ayaa doqoniimo ku tilmaamay in dadka reer Somaliland ay u ordaan doorashooyinka Soomaaliya.

5/11/2022 6:29 AM EST
Arbaco, May, 11, 2022 (HOL) - Xukuumada Somaliland ayaa markale si kasoo horjeeda shakiga ay mucaaradku ka qabaan in doorashada madaxtooyadu dib u dhacdo, sheegtay in doorashada wakhtigeeda lagu qabanayo.

5/11/2022 6:24 AM EST
Arbaco, May, 11, 2022 (HOL) - Shirkadda Cumar Sabriye Engineering Company oo ka shaqeysa howlaha dabka iyo badqabka korontada, ayaa shalay lagu daah-furay magaalada Muqdisho.

5/11/2022 5:01 AM EST
Arbaco, May, 11, 2022 (HOL) - Inta la xaqiijiyay 3 ruux oo labo kamid ah ay yihiin Askar katirsan Ciidanka dowaldda ayaa ku geeriyootay qarax ka dhacay agagaarka bar laga hubiyo gaadiidka u gudba garoonka diyaaradaha Aadan Cadde ee Magaalada Muqdisho.

5/11/2022 3:22 AM EST
Arbaco, May, 11, 2022 (HOL) - Dhawaqa qarax ayaa laga maqlay nawaaxiga isgoyska KM-4 gaar ahaan waddada aada garoonka diyaaraha ee magaalada Muqdisho.

5/11/2022 1:58 AM EST
Arbaco, May, 11, 2022 (HOL) - Waxaa Maanta oo Arbaco ah lagu wadaa in teendhada Afisyooni ee magaalada Muqdisho ay ka bilaabato hadal jeedinta Musharaxiinta isku diiwaan galisay doorashada xilka madaxweynaha Soomaaliya.

5/11/2022 1:10 AM EST
Arbaco, May, 11, 2022 (HOL) - Guddoomiyaha barlamaanka Soomaaliya Sheikh Aadan Madoobe ayaa sameeyay magacaabistii ugu horreysay tan iyo markii loo doortay xilka guddooomiyaha barlamaanka, 28-kii Abril.

5/11/2022 1:00 AM EST
Arbaco, May, 11, 2022 (HOL) - Hogagamiyaha mucaaradka dalka Kenya Raila Odinga ayaa ballan qaaday in uu xoojin doono xiriirka laba geesoodka ah ee u dhaxeeya Kenya iyo Soomaaliya, si buu yiri loo hormariyo dhaqaalaha Kenya.