6/27/2022
Today from Hiiraan Online:  _
Wararka Maanta- Isniin, Jun 20, 2022
Wasiir Bayle: Anigu ma oran qasnada dowladdaa lacag ka buuxdaa
 

Isniin, Juun, 20, 2022 (HOL) - Wasiirka maaliyadda Soomaaliya, Cabdiraxman Ducaale Beyle, ayaa been abuur ku tilmaamay in qasbada dowladda ay ka buuxdo lacago badan oo ay ka tagtay dowladdii uu katirsanaa.

Wasiirka maaliyadda ayaa sheegay in si qaldan loo turjumay hadal uu horey u sheegay oo ku saabsanaa inay qasnadda dowladda kaga tageen  mushaaraadka lixda bilood ee soo socota.

“Anigu idin ma oran qasnaddaa buuxda, mana buuxdo, ciddii tiraahdana waa masuuliyad darro,” ayuu yiri wasiirka maaliyadda.

Wasiir Bayle ayaa ka digay in la siyaasadeeyo arrimaha maaliyada dalka, isagoo sheegay in bil walba wasaaraddu ka shaqeyso sidii uusan hakad u gali lahayn mushaarka dowladda.

Wuxuu sheegay in mushaarka dowladda bishaan la bixinayso, laakiin bilaha dambe in loo baahan yahay in la qabto shaqo hortaala dowladda oo lagu xaqiijinayo in mushaarka uusan go’in.

Bayle ayaa shantii sano ee lasoo dhaafay ahaa wasiirka maaliyadda, waxaana lagu ammaanaa muddadii uu xafiiska joogay in mushaarka shaqaalaha iyo ciidamadu uusan hakad galin.

Abdiweli M. Sheikh, Hiiraan Online
[email protected]












Click here
6/20/2022 10:55 AM EST
Isniin, Juun, 20, 2022 (HOL) - Sida ay Warbaahinta u sheegeen dad goob joogayaal ah, ku dhawaad 300 oo qof oo Axmaaro u badan ayaa lagu dilay dalka Itoobiya, gaar ahaan degaanka Oromiya, goobta lagu magacaabo Gimbi oo ay degaan qawmiyadda Axmaaradu, waxaana lagu eedeeyay Jabhadda Oromada ah ee OLA.

6/20/2022 10:10 AM EST
Isniin, Juun, 20, 2022 (HOL) - Ergeyga gaarka ah ee Madaxweynaha Soomaaliya u qaabilsan Arrimaha Bani'aadannimada iyo gurmadka Abaaraha, Xildhibaan Cabdiraxmaan Cabdishakuur Warsame ayaa safar shaqo maanta ku tagay magaalada Doolow ee gobolka Gedo.

6/20/2022 6:55 AM EST
Isniin, Juun, 20, 2022 (HOL) - Golaha Wakiilada Somaliland, ayaa codka kalsoonida siiyay 4 xubnood oo kamid ah 7 xubnood oo dhawaan losoo xulay in ay noqdaan Guddida Doorashooyinka Somaliland.

6/20/2022 6:26 AM EST
Isniin, Juun, 20, 2022 (HOL) - Dowladda Soomaaliya iyo dowladda Shiinaha ayaa maanta Muqdisho ku kala saxiixday heshiis gargaar loogu soo dhoofinayo Soomaaliya.

6/20/2022 4:48 AM EST
Isniin, Juun, 20, 2022 (HOL) - Wararka ka imaanaya degmada Ceelbuur ee gobolka Galgaduud ayaa sheegaya in dagaalamayaasha Al-shabaab si xoog ah kula wareegtay maamulka Isbitaalka guud ee degmada Ceelbuur, halkaas oo ay dhigeen dhaawacyo aad u badan oo dagaalyahano ka tirsan Shabaab ka soo gaaray dagaalkii dhawaan ka dhacay deegaanka Baxdo.

6/20/2022 2:13 AM EST
Isniin, Juun, 20, 2022 (HOL) - Xisbiga mucaaradka Somaliland ee Waddani, ayaa waxba kama jiraan ku tilmaamay eedaynta Booliiska Somaliland ee ah in madaxda xisbigu ay qorteen ilaalo shacab hubaysan ah.

6/20/2022 2:03 AM EST
Isniin, Juun, 20, 2022 (HOL) - Wararka ka imaanaya degmada Maxaas ee gobolka Hiiraan ayaa sheegaya in halkaasi ay ka jirto xaalada nafaqadaro ah oo mareysa heerkii ugu darnaa abid.

6/20/2022 1:34 AM EST
Isniin, Juun, 20, 2022 (HOL) - Madaxweyne ku xigeenka maamulka Puntland Axmed Karaash, ayaa u diiday inuu shir kala qeyb galo wasiirka arrimaha gudaha Puntland, Maxamed Cabdiraxmaan Dhabancad oo kamid ahaa saddexdii wasiir ee uu xilka ka qaaday 5tii bishii may.