8/17/2022
Today from Hiiraan Online:  _
Wararka Maanta- Sabti, July 30, 2022
Degmada Galdogob oo markii ugu horeysay abid yeelatay garoon diyaaradeed oo Maanta diyaarad rakaab ah ka degtay


Sabti, Luulyo, 30, 2022 (HOL) - Diyaaradii ugu horeysay oo sida Rakaab ayaa Maanta ka degtay garoon diyaaradeed markii ugu horeysay abid laga hirgaliyay magaalada Galdogob ee gobolka Mudug, taasoo ka ambabaxay garoonka diyaaraaha Aadan Cadde ee magaalada Muqdisho.

Garoonka diyaaraaha Galdogob ayaa dhismahiisu waxa uu socday halkii sano ee lasoo dhaafay, waxaana Maanta oo taariikhdu tahay 30-July-2022  lagu guuleystay in duulimaadkii koowaad uu si rasmi ah uga dego garoonka degmada Galdogob.

Wasiirka Gaadiidka iyo Duulista Hawadda Xukuumadda Soomaaliya Duraan Faarax oo ahaa shaqsiga lahaa fikirka in la dhiso garoonka diyaaraha degmada Galdogob  ayaa sheegay inuu si weyn ugu faraxan yahay inuu Maanta arko mid ka mid ah riyadii reer Galdogob oo hirgashay.

"Waxaa Farxad ii ah in Maanta oo taariikhdu tahay 30,July,2022 aan ku guulaysanay in diyaaradii ugu horaysay ee Muqdisho kasoo kacda rakaabna wada ay kasoo dagto Garoonka Diyaaradaha Galdogob oo halkii Sano ee ugu dambeeyay dhisme ku socday" ayuu yiri Wasiir Duraan Faarax.

Wasiir Duraan ayaa si weyn ugu mahadceliyay qeybaha kala duwan ee reer Galdogob oo uu ugu horeeyo Ugaas Cali Ugaas Maxamed, Salaadiinta, Waxgaradka, Culimadda, Ciidamada Amniga, Haweenka Dhalinyarada iyo Maamulka degmada Galdogob kaalintooda ku aadeneyd rumaynta riyada garoon diyaaradeed ay yeelato Galdogob oo uu sheegay in lagu taamayay 25-kii sano ee lasoo dhaafay.

Gabagabadii Wasiirka Gaadiidka iyo Duulista Hawadda Xukuumadda Soomaaliya Duraan Faarax ayaa tilmaamay in wali dhismaha garoonka uusan aheyn mid dhamaystiran, waxuuna bulshada gobolka Mudug gaar ahaana kuwa dagmada Galdogob ee ku nool gudaha dalka iyo dibadiisa ugu baaqay inay ka qayb qaataan dhamaystirka garoonka diyaaradaha magalada Galdogob.

Jamaal Cali Cabdi, Hiiraan Online
[email protected]












Click here
7/30/2022 5:36 PM EST
Sabti, Luulyo, 30, 2022 (HOL) - Afhayeenka madaxtooyada Soomaaliya ayaa raali galin iyo cudur daar ka bixiyay hadal uu warbaahinta kasii daayay oo uu ku beeninayay inay madaxweynayaasha Soomaaliya iyo Masar ay kawada hadleen muranka webiga Nile.

7/30/2022 5:27 PM EST
Sabti, Luulyo, 30, 2022 (HOL) - Ciidanka Booliiska Somaliland, ayaa xisbiyada mucaaraka Somaliland uga digay in ay qabtaan mudaharaad anay ogolaansho u haysan.

7/30/2022 11:03 AM EST
Sabti, Luulyo, 30, 2022 (HOL) - Wada-hadallo waqti dheer qaatay ayaa goor dhow usoo gabagaboobay Madaxweyne Xasan Sheekh Maxamuud iyo Ra’iisul wasaare , Xamse Cabdi Barre , sida ay HOL u sheegeen xubno ku dhow madaxtooyadda.

7/30/2022 10:43 AM EST
Sabti, Luulyo, 30, 2022 (HOL) - Madaxweynaha maamul goboleedka Galmudug Axmed Cabdi Kaariye Qoorqoor ayaa Maanta Madaxtooyada maamulka Galmudug ku qaabilay Danjiraha Qaramada Midoobay u qaabilsan Soomaaliya James swan oo Maanta gaaray magaalada Dhuusamareeb ee xarunta gobolka Galgaduud.

7/30/2022 9:52 AM EST
Sabti, Luulyo, 30, 2022 (HOL) - Madaxweynaha dowlad goboleedka Jubbaland Axmed Maxaned Islaam Axmed Madoobe ayaa ka tacsiyadeeyay geeridii ku timid Allah u naxariistee wasiirkii Arimaha gudaha iyo dib u heshiisiinta maamulka Jubbaland Maxamed Warsame Darwiish oo ku dhintay dalka Jarmalka.

7/30/2022 8:32 AM EST
Sabti, Luulyo, 30, 2022 (HOL) - Madaxweynaha Soomaaliya, Xasan Sheikh Maxamuud ayaa ugu baaqay shacabka Muqdisho inaysan hay’adda amniga ku faro galin gudashada waajibaadkooda shaqo.

7/30/2022 5:42 AM EST
Sabti, Luulyo, 30, 2022 (HOL) - Ciidamada dowladda Soomaaliya iyo kuwa maamulka Koonfur Galbeed oo is kaashanaya ayaa howgalo qorsheysan oo ay ka sameeyeen deegaano hoostaga degmada Bardaale ee gobolka Baay, waxay sheegeen iney ku dileen sideed xubnood oo ka mid ah dagaalyahanada Shabaab.

7/30/2022 2:50 AM EST
Sabti, Luulyo, 30, 2022 (HOL) - Sii hayaha wasiirka maaliyadda Soomaaliya, Cabdiraxmaan Ducaale Beyleh, ayaa u mahad celiyay Bangiga Adduunka oo dowladda Soomaaliya u ansixiyay $100 milyan oo doolar oo kaalmo miisaaniyadeed ah.

7/30/2022 2:35 AM EST
Sabti, Luulyo, 30, 2022 (HOL) - Afhayeenka howlgalada Al-Shabaab, Cabdicasiis Abuu Muscab ayaa kasoo hadlay Idaacadda Andalus ee ku hadasha afka Al Shabaab, xilli dowladda Ethiopia ay sheegtay inay ku dishay dagaaladii shalay ka dhacay gobolka Bakool.

7/30/2022 2:32 AM EST
Sabti, Luulyo, 30, 2022 (HOL) - Warbaahinta ku hadasha Afka dowladda Itoobiya ayaa tabisay in Ciidamada Cirka ee Itoobiya oo qayb ka ahaa dagaalka ka dhanka ah Kooxda Al Shabaab ay duqeyn ay ka gaysteen xuduudda Itoobiya iyo Soomaaliya ay ku dileen Saraakiil ay ku sheegeen inay kamid ahaayeen Kooxda Al Shabaab.