8/17/2022
Today from Hiiraan Online:  _
Wararka Maanta- Talaado, Aug 2 , 2022
Odayaasha deegaanka Farjano oo Xoolo nool ku wareejiyay ciidanka Liyuu Booliiska


Talaado, August, 2, 2022 (HOL) - Odayaasha dhaqanka iyo waxgaradka  Beesha Xawaadle ee deegaanka Farjano ee dowlad deegaanka Somaalida Itoobiya ee xaduuda la leh gobolka Hiiraan ayaa 10 neef oo Geel ah ku wareejiyey saraakiisha ciidanka Liyuu Booliska.

Waxgaradka Beesha Xawaadle ee deegaanka Farjano ayaa sidoo kale u balan qaaday saraakiisha ciidanka Liyuu Booliiska iney u diyaarinayaan 100 wiil oo kala qeyb qaata dagaalada ay kula jiraan ciidanka Al-shabaab.

Suldaan Warsame oo ka mid ahaa waxgaradka deegaanka Farjano ee Saraakiisha ciidanka Liyuu Booliiska ku wareejiyay 10 neef ee Geela ah ayaa sheegay in shacabka deegaanka Farjano ay diyaar u yihiin mar walba iney ka qeyb qaataan dagaalada lagula jiro ciidanka Al-shabaab ee dhawaan ka dhex dagaalamay gudaha deegaano ka tirsan dowlad deegaanka Soomaali Galbeed.

"Waxaan diyaar u nahay inaan naf iyo maalba ku bixino dagaalada looga hortagayo in Shabaab ay dhibaatooyin ka geystaan deegaanadeena, ciidanka Liyuu Booliiska waan garab taaganahay marwalba waxaana u diyaarin hayna 100 wiil oo kala qeyb qaadan doonta dagaalada ciidankeenu kula jiraan Al-shabaab" ayuu yiri Sulaan Warsame.

Si kastaba ha ahaatee talaabadan ay waxgaradka deegaanka Farjano qaadeen ayaa imaaneysa xili dhawaan Al-shabaab ay ka gudbeen xadka Hiiraan uu la wadaago dowlad deegaanka Itoobiya, islamarkaana ay ka dagaalameen deegaanka Laasqurun oo 18KM u jirta degmada Feerfeer ee gobolka Shebeelle.

Jamaal Cali Cabdi, Hiiraan Online
[email protected]












Click here
8/2/2022 1:52 PM EST
Talaado, August, 2, 2022 (HOL) - Iyadoo galinkii dambe ee Maanta lagu dhawaaqay liiska Golaha wasiiradda Xukuumadda fedaraalka Soomaaliya ayaa waxaa durba soo baxay inuu is casilay wasiir ku xigeenkii wasaaradda Qorsheynta Maxamed Cabdiqaadir Cali.

8/2/2022 9:57 AM EST
Talaado, Ogosto, 2, 2022 (HOL) - Waxa magaalada Berbera ee cariga Somaliland laga hirgaliyay warshada Sometuna oo ah warshad kalluunka warshayd doonta, oo ay hirgaliyeen ganacsato waddani ah.

8/2/2022 9:15 AM EST
Talaado, August, 2, 2022 (HOL) - Raysal wasaaraha Soomaaliya, Xamse Cabdi Barre ayaa si rasmi ah u shaaciyay golaha wasiiradda Soomaaliya, kadib muddo ka badan bil oo uu ku jiray wadatashi siyaasadeed.

8/2/2022 7:35 AM EST
Talaado, August, 2, 2022 (HOL) - Wafdi uu hoggaaminayo Sarreeye Gaas Tesfaye Ayalew oo ah madaxa qaybta daabulidda ciidamada difaaca Itoobiya ahna isku duwaha taliska nabad sugidda ku meel gaarka ah ee dowlad deegaanka Soomaalida, ayaa gaaray magaalada Beledweyne ee gobolka Hiiraan.

8/2/2022 5:37 AM EST
Talaado, August, 2, 2022 (HOL) - Dowladda Mareykanka ayaa shaacisay in hoggaamiyahii Al-qaacida Ayman Al-Zawahiri lagu dilay weerar loo adeegsaday Drone oo ay fulisay CIA-da Mareykanka, sida ay xaqiijiyeen saraakiil Amerikaan ah.

8/2/2022 3:25 AM EST
Talaado, August, 2, 2022 (HOL) - Qaraxaan oo ahaa miino nooca dhulka lagu aaso ayaa goordhaw ka dhacay agagaarka Isgoyska Tarabuunka degmada Hodan ee magaalada Muqdisho, kaasoo la sheegay in lala beegsaday gaari Cabdibile ah oo maraayay wadada.

8/2/2022 2:55 AM EST
Talaado, August, 2, 2022 (HOL) - Wararka ka imaanaya deegaanka Bukure oo ka mid ah deegaanada hoostaga degmada Maxaas ee gobolka Hiiraan ayaa sheegaya in halkaasi uu Maanta ka dhacay dagaal culus oo dhexmaray ciidamada dowladda Soomaaliya iyo Kuwa Al-shabaab.

8/2/2022 2:20 AM EST
Talaado, August, 2, 2022 (HOL) - Hay’adda caafimaadka adduunka ee WHO, ayaa warbixin cusub oo ay soo saartay waxay ku sheegtay, in 37 qof ay sanadkan Soomaaliya ugu geeriyoodeen cudurka daacuunka.

8/2/2022 2:19 AM EST
Talaado, Ogosto, 2, 2022 (HOL) - Xukuumada Somaliland iyo shirkadaha laydhka, ayaa ku heshiiyay in qiimaha korontada halkii unit lagu iibiyo $0.73, isla markaana aan la jarin korontada habeenkii.

8/2/2022 2:08 AM EST
Talaado, August, 2, 2022 (HOL) - Baarlamaanka dowlad degaanka Soomaalida oo maalmihii u dambeeyay shir uga socday magaalada Jigjiga ayaa ansixiyay gole loogu magac daray Komishinka Baadhista tacadiyadii deegaanka ka dhacay.

8/2/2022 2:02 AM EST
Talaado, August, 2, 2022 (HOL) - Ra’iisul wasaaraha Soomaaliyaa, Xamse Cabdi Barre ayaa lagu wadaa inuu saacadaha soo socda shaaciyo liiska golihiisa wasiiradda, kadib muddo ka badan hal bil oo uu socday wadatashiyo ku aadan dhismaha xukuumada.