6/18/2021
Today from Hiiraan Online:  _
Wararka Maanta- Isniin, May 3 , 2021
Wasiirka Beeraha Hirshabeelle oo walaac ka muujiyay xaalada Fatahaada Jowhar


 

Isniin, May, 03, 2021 (HOL) - Wasiirka wasaaradda Beeraha Maamul goboleedka Hirshabeelle Maxamed Cumar Ceymooy ayaa walaac xoogan ka muujiyay fatahaad ku dhufatay xaafado ka tirsan magaalada Jowhar iyo Nawaaxigeeda.

Wasiir Ceymooy ayaa sheegay in fatahaad lama filaan ah aay ku dhufatay Jowhar iyo tuulooyin ku teedsan taasoo saameyn weyn oo dhanka nolosha ah ku yeelatay dadka beeraleyda.

"Fatahaada waxay timid xili aanan la filaneyn, wabiga ayaan jabsaday meelaha uu ka jilcanaa waxayna sababtay khasaare kala duwan oo soo gaaray beeraleyda oo sanadkan ku tashanayay iney goostan dalagyo wanaagsan, si aay uga soo kabsadaan dhibaatoyinkii hore ee u geysteen fatahaadii hore, balse markale ayay la kulmeen khasaaraha fatahaada oo dhamaan dalagyadii way ka baaba'een"ayuu yiri wasiir Ceymooy.

Wasiirka Beeraha Hirshabeelle Maxamed Cumar Ceymooy ayaa sheegay in magaalada Jowhar aay qarka u saaran tahay iney go'doomiyaan biyaha wabiga Shabeelle oo afarta dhinac ku baxay.

Wasiir Ceymooy ayaa ugu baaqay dadka kasoo jeeda deegaanada Hirshabeelle iyo Hay'adaha gargaarka iney usoo gurmadaan dadka aay saameysay fatahaada Jowhar oo aay ugu sii daran yihiin beeraleyda.

Laba maalin ka hor ayay aheyd markii shacabka ku dhaqan magaalada Jowhar aay xili habeen bar ah ka war heleen biyaha wabiga Shabeelle oo dhex yaacaya xaafadahooda kadib markii uu si lama filaan ah karkaarada ku jabsaday wabiga Shabeelle.

Jamaal Cali Cabdi, Hiiraan Online
[email protected]















Click here
5/3/2021 3:11 PM EST
Isniin, May, 3, 2021 (HOL) - Maydka Khadar Ciidle Nuur oo aha wiil 17 jir ah, ayaa laga soo saaray balli ku yaala dagmada Geed-baladh ee gobolka Gabilay, halkaasi oo uu ku jiray muddo 3 maal mood ah.

5/3/2021 10:17 AM EST
Isniin, May, 3, 2021 (HOL) - Madaxweynaha Somaliland Muuse Biixi Cabdi, ayaa xafiiskiisa ku qaabilay safiirka Ingriiska ee Soomaaliya amb. Kate Foster oo uu weliyo madaxa xafiiska Ingriiska ee Somaliland Stuart Brown.

5/3/2021 9:29 AM EST
Isniin, May, 3, 2021 (HOL) - Xogeeyaha warfaafinta ee xisbiga Waddani Maxamuud Cabdi Jamac (Xuuto), ayaa sheegay in madama oo musharax Waddani ah loo xidhay in uu Muqdisho tagay ay iyaguna dacwad taa lamida ka gud binayaan musharixiin Kulmiye ah.

5/3/2021 8:32 AM EST
Isniin, May, 03, 2021 (HOL) - Madaxweynaha Soomaaliya Maxamed Cabdullaahi Farmaajo ayaa warqadaha aqoonsiga ka guddoomay Danjiraha cusub ee dalka Itoobiya u qaabbilsan Soomaaliya Cabdulfataax Cabdullaahi Xasan.

5/3/2021 7:44 AM EST
Isniin, May, 03, 2021 (HOL) - Madaxweynaha Dawlad-gobolleedka Koonfurgalbeed Cabdicasiis Xasan Maxamed Lafta-gareen iyo Wasiirka Gaadiidka iyo Duulista Hawada Xukuumadda Federaalka Soomaaliya , Duraan Axmed Faarax ayaa si wadajir ah maanta xarigga uga jaray Taawarka garoonka diyaaradaha Shaati Gaduud ee magaalada Baydhabo.

5/3/2021 7:13 AM EST
Isniin, May, 03, 2021 (HOL) - Guddiga Midowga Afrika (AU) ayaa bogaadiyay go'aankii dhowaan uu soo saaray baarlamaanka Soomaaliya ee ahaa in dib loogu laabto heshiiskii doorasho ee 17 September 2020.

5/3/2021 5:01 AM EST
Isniin, May, 03, 2021 (HOL) - Ra'iisal Wasaaraha Xukuumadda Soomaaliya Maxamed Xusseen Rooble ayaa maalinta xorriyada saxaafadda Aduunka awgeed hambalyo u dirray dhamaanba suxufiyiinta Soomaaliyeed.

5/3/2021 2:21 AM EST
Isniin, May 03, 2021 (HOL) - Maanta oo Isniin ah ayaa lagu waddaa in Wafdiga ka socda dowladda Qatar ee ku sugan magaalada Muqdisho kulan la yeeshaan qaar ka mid ah madaxda dowlad gobolleedyada.

5/3/2021 1:49 AM EST
Isniin, May 03, 2021 (HOL) - Qaar ka mid ah dalalka Yurub ayaa bilaabay in ay qaadaan ama qafiifiyaan qeybo ka mid ah xayiraada saaran xanuunka Covid 19 waxaana shalay laga qaaday dalka Portugal xanibaadihii saarnaa.