7/24/2021
Today from Hiiraan Online:  _
Wararka Maanta- Isniin, May 3 , 2021
Wafdiga Qatar oo lagu waddo in ay maanta la kulmaan qaar ka mid ah madaxda Dowlad Gobolleedyada


 

Isniin, May 03, 2021 (HOL) - Maanta oo Isniin ah ayaa lagu waddaa in Wafdiga ka socda dowladda Qatar ee ku sugan magaalada Muqdisho kulan la yeeshaan qaar ka mid ah madaxda dowlad gobolleedyada.

Wafdiga oo saacadihii ugu danbeeyayba kulamo ka wadday magaalada Muqdisho ayaa la filayaa in ay maanta la kulmaan madaxweynayaasha dowlad gobolleedyada Galmudug iyo Hirshabeelle.

Wafdiga ayaa xalay arkay lana kulmay qaar ka mid ah madaxda midowga Musharixiinta oo ay ka wada hadleen xaalada siyaasadeed ee dalka.

Horay wafdigan waxaa ay isku arkeen Ra'iisal Wasaaraha Xukuumadda Soomaaliya Maxamed Xusseen Rooble iyo Guddoomiyaha Golaha Shacabka.

Waxaa sidoo kale saacadaha soo socda lagu waddaa in uu Muqdisho oo gaaro madaxweynaha Koonfur Galbeed Cabdicasiis Laftagareen oo la kulmaya wafdiga uu hoggaaminayo Dr. Mutlaq Al-Qahtani ee ka socda dalka Qatar

Cabdiraxmaan Diini, Hiiraan Online
[email protected]  












Click here
5/3/2021 3:11 PM EST
Isniin, May, 3, 2021 (HOL) - Maydka Khadar Ciidle Nuur oo aha wiil 17 jir ah, ayaa laga soo saaray balli ku yaala dagmada Geed-baladh ee gobolka Gabilay, halkaasi oo uu ku jiray muddo 3 maal mood ah.

5/3/2021 10:17 AM EST
Isniin, May, 3, 2021 (HOL) - Madaxweynaha Somaliland Muuse Biixi Cabdi, ayaa xafiiskiisa ku qaabilay safiirka Ingriiska ee Soomaaliya amb. Kate Foster oo uu weliyo madaxa xafiiska Ingriiska ee Somaliland Stuart Brown.

5/3/2021 9:29 AM EST
Isniin, May, 3, 2021 (HOL) - Xogeeyaha warfaafinta ee xisbiga Waddani Maxamuud Cabdi Jamac (Xuuto), ayaa sheegay in madama oo musharax Waddani ah loo xidhay in uu Muqdisho tagay ay iyaguna dacwad taa lamida ka gud binayaan musharixiin Kulmiye ah.

5/3/2021 8:32 AM EST
Isniin, May, 03, 2021 (HOL) - Madaxweynaha Soomaaliya Maxamed Cabdullaahi Farmaajo ayaa warqadaha aqoonsiga ka guddoomay Danjiraha cusub ee dalka Itoobiya u qaabbilsan Soomaaliya Cabdulfataax Cabdullaahi Xasan.

5/3/2021 7:44 AM EST
Isniin, May, 03, 2021 (HOL) - Madaxweynaha Dawlad-gobolleedka Koonfurgalbeed Cabdicasiis Xasan Maxamed Lafta-gareen iyo Wasiirka Gaadiidka iyo Duulista Hawada Xukuumadda Federaalka Soomaaliya , Duraan Axmed Faarax ayaa si wadajir ah maanta xarigga uga jaray Taawarka garoonka diyaaradaha Shaati Gaduud ee magaalada Baydhabo.

5/3/2021 7:33 AM EST
Isniin, May, 03, 2021 (HOL) - Wasiirka wasaaradda Beeraha Maamul goboleedka Hirshabeelle Maxamed Cumar Ceymooy ayaa walaac xoogan ka muujiyay fatahaad ku dhufatay xaafado ka tirsan magaalada Jowhar iyo Nawaaxigeeda.

5/3/2021 7:13 AM EST
Isniin, May, 03, 2021 (HOL) - Guddiga Midowga Afrika (AU) ayaa bogaadiyay go'aankii dhowaan uu soo saaray baarlamaanka Soomaaliya ee ahaa in dib loogu laabto heshiiskii doorasho ee 17 September 2020.

5/3/2021 5:01 AM EST
Isniin, May, 03, 2021 (HOL) - Ra'iisal Wasaaraha Xukuumadda Soomaaliya Maxamed Xusseen Rooble ayaa maalinta xorriyada saxaafadda Aduunka awgeed hambalyo u dirray dhamaanba suxufiyiinta Soomaaliyeed.

5/3/2021 1:49 AM EST
Isniin, May 03, 2021 (HOL) - Qaar ka mid ah dalalka Yurub ayaa bilaabay in ay qaadaan ama qafiifiyaan qeybo ka mid ah xayiraada saaran xanuunka Covid 19 waxaana shalay laga qaaday dalka Portugal xanibaadihii saarnaa.