Wararka Maanta: Khamiis, Mar 4 , 2021-Kulan xiligan u soconaya Ra'iisal Wasaare Rooble iyo Midowga Musharixiinta

Kulan xiligan u soconaya Ra'iisal Wasaare Rooble iyo Midowga Musharixiinta

Khamiis, Maarso, 04, 2021 (HOL) - Hotel Decale ee magaalada Muqdisho waxaa goor dhaw ka furmay wajigii saddexaad kulan ay leeyihiin Ra'iisal Wasaaraha Xukuumadda Soomaaliya Maxamed Xusseen Rooble iyo Midowga Musharixiinta.

Kulanka waxaa jooga oo ka qeybgalaya inta badan xubnaha midowga Musharixiinta dalka waxaana looga wada hadlayaan xaaladihii ugu danbeeyay ee dalka iyo dibadbaxa lagu waddo in ay maalinta Sabtida dhigtaan siyaasiyiinta mucaaradka.

Xukuumadda ayaa horay u saartay Guddi isku dhaf ah oo ka shaqeeya dibadbaxa, sidoo kalana qoraal xalay ka soo baxay madaxtooyada ayaa lagu fasaxay in mucaaradku dibadbaxooda ku dhiggan karaan taalada Daljirka Dahsoon.

Kulanka marka uu soo dhamaado waxaa lagu wadaa in labada dhinac ka soo saaraan war-murtiyeed la xiriira wax yaabihii lagu heshiiyay.

Cabdiraxmaan Diini, Hiiraan Online
[email protected]