6/20/2021
Today from Hiiraan Online:  _
Wararka Maanta- Talaado, Jun 8 , 2021
Faahfaahino kasoo baxaya weerar Al-shabaab ka geysteen duuleedka magaalada Mandhera


 

Talaado, Juun, 8, 2021 (HOL) - Wararka ka imaanaya magaalada Mandhera ee dalka Kenya ayaa sheegaya in ciidamo ka tirsan Al-shabaab aay weerar ku qaadeen goob aay ku sugnayeen ciidamo ka tirsan Booliiska dalka Kenya oo ku taala Waqooyiga Mandheera.

Booliiska Kenya sheegay in Shabaab aay soo weerareen meel boosteejo ah oo gaadiidka laga raaco oo ku taala tuulada lagu magacaabo Olla ee ku taala duleedka Waqooyi ee magaalada Mandhera.

Wararka ayaa intaasi ku daraya inuu dagaal ka dhacay tuulada uu ku dhintay Imaam Masajid oo magaciisa lagu sheegay Imaam Macalin Cabdullaahi waxaana sidoo kale halkaasi uu dhaawac kasoo gaaray laba askari oo ka tirsan Booliiska dalka Kenya.

Al-Shabaab oo ka hadashay weerarka aay ku qaadeen deegaanka Olla ayaa sheegteen iney halkaasi ku dileen 3 askari oo Kenyan ah, islamarkaana aay soo furteen 5 qori muddo koobana aay la wareegeen gacan ku heynta tuulada Olla ee Waqooyiga Mandhera.

Dagaalamayasha Shabaab ayaa inta badan weeraro kala duwan ka dhex geystaha gudaha dalka Kenya gaar ahaan deegaanada Waqooyi bari Kenya.

Jamaal Cali Cabdi, Hiiraan Online
[email protected]












Click here
6/8/2021 1:34 PM EST
Talaado, Juun, 8, 2021 (HOL) - Wafdigan ka socday wasaaradda arrimaha Dibadda Boqortooyada Sacuudiga ee maanta soo gaaray magaalada Muqdisho ayaa la kulmay wasiiru dowlaha Xafiiska Raysal wasaaraha Soomaaliya.

6/8/2021 8:19 AM EST
Talaado, Juun, 8, 2021 (HOL) - Waddamada reer Yurub, ayaa ugu hambalyeeyay shacabka, xukuumada, koomiishanka doorashooyinka iyo xisbiyada siyaasada, sidi guusha lahayd ee ay u qabteen doorashooyinkii wakiilada iyo deegaanka.

6/8/2021 8:12 AM EST
Talaado, Juun, 8, 2021 (HOL) - Hoggamiyaha xisbiga wadajir, Cabdiraxmaan Cabdishakuur Warsame ayaa Raysal wasaaraha Soomaaliya ugu baaqay inuu si degdeg ah u soo faro galiyo walaaca laga muujinayo bedqabka dhalinyarada Soomaaliyeed ee tababarka ciidan loogu qaaday dalka Eritrea.

6/8/2021 7:11 AM EST
Talaado, Juun, 8, 2021 (HOL) - Warbixin uu soo saaray xafiiska Qaramada Midoobay ee Soomaaliya ayaa lagu sheegay in ciidamadii Soomaaliya ee tababarka ciidan ku qaadanayay dalka Eriteriya, ay ka qeyb qaateen dagaalada ka socda gobolka Tigray ee dalka itoobiya.

6/8/2021 6:40 AM EST
Talaado, Juun, 8, 2021 (HOL) - Wasiirka wasaaradda Howlaha Guud iyo Guryenta Xukuumada Fedaraalka Soomaaliya Maxamed Aadan Macalin, Maxamed Soomaali ayaa shaaciyay waqtiga kama dambeysta ah ee la furaayo ama xariga laga jaraayo dhismaha wadada xariirisa Muqdisho iyo Afgooye.

6/8/2021 5:23 AM EST
Talaado, Juun, 8, 2021 (HOL) - Taliyaha ciidamada Booliiska Soomaaliya Jenaraal Cabdi Xasan Xijaar oo magaalada Muqdisho kula hadlay warbaahinta ayaa amaro cusub faray saraakiisha iyo ciidanka Booliiska Soomaaliya gaar ahaan kuwa ku sugan koontaroolada laga sugo amaanka Muqdisho.

6/8/2021 2:18 AM EST
Talaado, Juun, 8, 2021 (HOL) - Qaraxan oo ahaa miinada nooca dhulka lagu aaso ee laga hago meelaha fog fog ayaa ka dhacay Bar-koontarool oo aay ciidamo ka tirsan Booliiska Soomaaliya ku leeyihiin Xeebta Jasiira ee duuleedka magaalada Muqdisho.