7/28/2021
Today from Hiiraan Online:  _
Wararka Maanta- Sabti, July 17, 2021
Tartankii Gabayada Buuhoodle oo lasoo gaba-ganoobey iyadoo lagu dhawaaqay sadexda xubnood ee u sareeysa




Sabti, Luulyo, 17, 2021 (HOL) - Gudiga maamulaysa tartanka gabayada oo maalmihii la soo dhaafay ka socdey magaalada Buuhoodle ayaa lagu dhawaaqay sedexda xubnood ee ku guulaystey kaalmaha u horeeya.

Tartankan oo ay ka qayb qaadanayeen 32 xubnood oo sadex ka mid ah ay ahaayeen gabdho yihiin ayaa waxaa kaalinta koowaad ku guulaystey Cabdilaahi Faarax Oda'waa iyadoo la gudoonsiiyey shahaado iyo lacag abaalmarin ah oo 1000 Doolar ah.

Cabdirashiid Axmed Yuusuf ayaa isagana kaalinta 3aad ku guulaystey halka Khadar Maxamuud Cismaan kaalinta 2aad ku guulaytey kuwaas oo 500 iyo 700 oo Doolar lagu abaal mariyey.

Munaasibada oo ay soo qabanqaabiyeen urur dhalinyaro ah oo lagu magcaabo Qaryadaada Quruxso ayaa waxa ka hadlay masuuliyiin, abwaano iyo waxgarad oo dhamaantood talaabadan ku tilmaamay mid aad loogu baahan yahay dhiiri gelina u ah da'yarta soo koraysa walow ay kaalmihii soo baxay aysan gabdhihii ka muuqan taas oo dadka qaarkii jeclaysteen in la xuso inay qurux badnayd.

Munaasibadan oo si aad ah u ruxday magaalada Buuhoodle ayaa si aad waxaa loo hadal hayaa dhacdooyinkii goobtaasi ka dhacay.

Si kastaba ha ahaatee guul inuu ku soo dhamaaday ayaa laysla gartay waxaase si aad ah loo hadal hayaa xubno muhiim u ahaa aqoonta suugaanta oo garsoorka laga reebay, taasna waxaa la filayaa  in xiliyada soo socda ay saxmi doonaan.

Seynab Cabdi Warsame, Hiiraan Online
[email protected]
Laascaanood G. Sool











Click here
7/17/2021 9:14 AM EST
Sabti, Luulyo, 17, 2021 (HOL) - Xildhibaan Yaasiin Maxamuud Xiir (Faratoon), oo isbahaysiga xildhibaanada UCID iyo Kulmiye u sharaxeen jagada shirgudoonka wakiilada Somaliland, ayaa balan qaaday in uu sinaan ku hogaamin doono golaha.

7/17/2021 7:47 AM EST
Sabti, Luulyo, 17, 2021 (HOL) - Xildhibaan Cabdinaasir Yuusuf Cismaan (Qodax), ayaa waraysi uu MM TV siiyay ku sheegay in xisbiga UCID aanu ka qaadi karin xubinimada xisbiga.

7/17/2021 7:36 AM EST
Sabti, Luulyo, 17, 2021 (HOL) - Guddoomiyaha aqalka sare ee Soomaaliya ayaa ku eedeeyay raysal wasaare Rooble in aanu masuuliyad iska saarin xallinta khilaafka ka taagan doorashada xildhibaanada labada aqal ee Somaliland.

7/17/2021 7:21 AM EST
Sabti, Luulyo, 17, 2021 (HOL) - Xisbiga UCID ayaa xubinimadii iyo xilkiiba ka qaaday Cabdinaasir Yuusuf Cismaan (Qodax), oo ahaa xogeeye ku xigeenkii xisbiga UCID kadib markii isaga iyo xildhibaanu uu hogaaminaya isbahaysi la samaysten xisbiga Kulmiye.

7/17/2021 6:48 AM EST
Sabti, Luulyo, 17, 2021 (HOL) - Inta la ogyahay 9 xildhibaan oo ka tirsan xisbiga UCID, ayaa isbahaysi siyaasadeed kula midoobay xisbiga Kulmiye.

7/17/2021 6:45 AM EST
Sabti, Luulyo, 17, 2021 (HOL) - Shan muwaadin oo Soomaali ah oo loo haystay burcad badeednimo ayaa Jimcihii shalay la siidaayay kadib markii maxkamada sare ee Seychelles ay ogaatay in aysan jirin cadeyn ku filan oo ay ku taageerto eedaha loo soo jeediyay.

7/17/2021 6:43 AM EST
Sabti, Luulyo, 17, 2021 (HOL) - Waxa hotelka Maansoor ee magaalada Hargaysa lagu soo bandhigay buuga Hawaale Warran oo uu qoray abwaan Maxammed Ibraahin Warsame (Hadraawi).

7/17/2021 6:34 AM EST
Sabti, Luulyo, 17, 2021 (HOL) - Guddoonka Golaha wakiilada Dowladda Jubbaland, ayaa maanta magacaabay xubnaha guddiga Baarlamaanka ee qabashada doorashada Aqalka sare ee Jubbaland.

7/17/2021 1:33 AM EST
Sabti, Luulyo, 17, 2021 (HOL) - Maamulka dowlad deegaanka Soomaalida Itoobiya ayaa sheegay in suuragal tahay iney ciidamo u diraan dowladda dhexe ee dalka si ay uga qeyb qaataan dagaalka u dhaxeeya dowladda iyo Falaagada TPLF.

7/17/2021 1:28 AM EST
Sabti, Luulyo, 17, 2021 (HOL) - Ciidamada Xoogga Dalka Soomaaliya ayaa howlgalo ka dhan ah Al-shabaab ka sameeyay tuulooyin dhowr ah oo hoos yimaada degmada Janaale ee gobolka Sh/hoose.

7/17/2021 1:25 AM EST
Sabti, Luulyo, 17, 2021 (HOL) - Raysal wasaaraha dowladda Soomaaliya Maxamed Xuseen Rooble ayaa soo dhaweeyay Jadwalka hanaanka doorashooyinka labada aqal ee Baarlamaanka Soomaaliya ee ay soo saareen guddiga doorashooyinka heer Fedaraal ee FEIT.