9/21/2021
Today from Hiiraan Online:  _
Wararka Maanta- Isniin, July 12, 2021
Ciidamada dowladda Soomaaliya oo howlgalo ka sameeyay qeybo ka mid ah Muqdisho
 

Isniin, Luulyo, 12, 2021 (HOL) - Ciidamada dowladda Soomaiya ayaa Xalay howgalo baaritaano ah ka sameeyay xaafado ka tirsan degmooyinka Wartanabadda iyo Hodan ee gobolka Banaadir.

Ciidamada dowladda ayaa la sheegay in howlgalada ay ku sameynayeen baaritaan la xiriira guri guri, islamarkaana si gaar ah baaritaano dheeraad ah waxay ugu sameynayeen dhalinyarada, sida ay warbaahinta u sheegeen qaar ka mid ah dadka xaafadaha baaritaanada lagu sameeyay ee degan degmooyinka Wartanabadda iyo Hodan.

Majirto wali wax war ah oo kasoo baxay laamaha amniga dowladda Soomaaliya oo ku saabsan howgalada iyo baaritaanada ay xalay ka sameyeen xaafado ka tirsan Hodan iyo Wartanabadda ee magaalada Muqdisho.

Howlgaladan ayaa imaanaya xili amniga Muqdisho habeenadii lasoo dhaafay ay kuso kordhayeen cabsida dhaca loo geysto dadka shacabka ah, inkastoo ay xusid mudan tahay in habeen hore tiro Madaafiic ah lagu garaacay Madaxtooyada Soomaaliya iyo agagaarkeeda, taasina la is dhihi karo iney ka dambeyso howlgalada Xalay bilaabeen ciidanka dowladda.

Jamaal Cali Cabdi, Hiiraan Online
[email protected]












Click here
7/12/2021 8:54 AM EST
Isniin, Luulyo, 12, 2021 (HOL) - Xildhibaanada Aadan Qaasin Sulayman iyo Khadar Cali Xakiin, oo ka wada tirsan golaha wakiilada ee cusub ee Somaliland, ayaa madaxweynaha ugu baaqay in uu da dajiyo doorashada shirgudoonka wakiilada.

7/12/2021 8:08 AM EST
Isniin, Luulyo, 12, 2021 (HOL) - Waxaa maanta kulan ku yeeshay magaalada Muqdisho xubnaha guddiga doorashooyinka dowlad goboleedka Hirshabeelle, kuwaas oo iska dhex doortay guddoomiye iyo guddoomiye ku xigeen.

7/12/2021 7:47 AM EST
Isniin, Luulyo, 12, 2021 (HOL) - Xildhibaan Maxamed Cabdi Xayir Maareeye, ayaa ku eedeeyay guddoomiyaha guddiga doorashooyinka Soomaaliya, Maxamed Xasan Cirro inuu ka dambeeyo khilaafka iyo kala jabka ku yimid guddiga doorashada xildhibaanada gobolada waqooyi.

7/12/2021 5:21 AM EST
Isniin, Luulyo, 12, 2021 (HOL) - Banaanbaxyo aad u xoogan oo rabshado wata ayaa ka bilaawday gobolada Gauteng iyo KwaZulu Natal ee dalkaasi Koofur Afrika.

7/12/2021 2:06 AM EST
Isniin, Luulyo, 12, 2021 (HOL) - Maamulka Galmudug ayaa sheegay in ay ku raad joogaan dadkii ka dambeeyay dilka saddex qof oo isku qoys ahaa, kuwaas oo lagu dilay meel ku dhow tuulada Saax-qurun oo kutaala galbeedka magaalada Gaalkacyo.

7/12/2021 1:45 AM EST
Isniin, Luulyo, 12, 2021 (HOL) - Wararka ka imaanaya deegaanka Bohol Garas oo ka mid ah deenaanada hoos yimaada degmada Dooloow ee gobolka Gedo ayaa sheegaya in halkaasi uu ka dhacay dagaal u dhaxeeya laba Maleeshiyo Beeleed.