4/11/2021
Today from Hiiraan Online:  _
Wararka Maanta- Isniin, Apr 5 , 2021
Kooxda Alshabaab oo soo bandhigtay khasaaraha weerarkii saldhigga ciidanka dowladda ee Bariire


 

Isniin, April, 05, 2021 (HOL) - Kooxda Alshabaab ayaa baahisay sawiro argagax badan oo soo bandhigaya weerarkii ay ku qaadeen saldhigga ciidanka dowladda ee ku yaala tuulada Bariire ee gobolka Shabeeladda hoose.

Alshabaab ayaa sheegay in ay weerarkaas ku dileen in ka badan 47 kamid ah askarta dowladda, waxayna kaloo sheegeen in ay ku  qabsadeen agab militeri oo uu ka mid yahay hub, rasaas iyo gaadiidka dagaalka.

Ma  ahan markii ugu horraysay oo Alshabaab ay weerar ku qaadaan saldhigga ciidamada ee Bariire, Inta badan weeraradii Alshabaab kusoo qaadeen Bariire waxay ku guulaysanayeen in ay la wareegaan ama gudaha u galaan saldhigga ciidanka.

Dowladda federalka ayaa maalin ka hor sheegtay in ay jab xoogan u geysatay kooxdii Alshabaab ee weerar kusoo qaaday magaalooyinka Bariire iyo Awdhegle, iyagoo soo bandhigay tiro maydad ah.

Alshabaab waxay sheegeen weerarkaan inuu qeyb ka yahay weeraro isdaba jog ah oo ay ka geysteen magaalooyinka Bosaso, Baar Sanguuni, Awdheegle, Jannaale, Sabiid, Caanoole, Muqdisho iyo Dhuusamareeb.

Abdiweli M. Sheikh, Hiiraan Online











Click here
4/5/2021 5:42 PM EST
Isniin, April, 05, 2021 (HOL) - Dowladda Soomaaliya ayaa xirtay dacwaddii loo haystay Wasiirkii hore ee amniga maamulka Jubbaland Cabdirashiid Janan, kaasoo dhowaan heshiis nabadeed la galay dowladda.

4/5/2021 12:31 PM EST
Axad, April, 4, 2021 (HOL) - Taliska ciidamada millateriga Somaliland, ayaa lagu soo dhaweeyay 4 sarkaal oo sheegay in ay kasoo goosteen ciidamada Danab iyo Gorgor ee Soomaaliya.

4/5/2021 11:13 AM EST
Axad, April, 4, 2021 (HOL) - Wasiirka cadaalada ee dalka Zambia Gavin Lubin iyo wafti uu hogaaminayo, ayaa lagu soo dhaweeyay caasimada Somaliland ee Hargaysa.

4/5/2021 8:59 AM EST
Isniin, April, 05, 2021 (HOL) - Guddiga Puntland u xilsaaray wax ka qabashada qiimo beelka ku dhacay lacagta Shilin Soomaaliga ayaa soo saaray go’aan ku saabsan in aan la isku diri karin wax ka yar hal dollar lacagaha dabeysan ee mobaylada.

4/5/2021 8:23 AM EST
Isniin, April, 05, 2021 (HOL) - War Qoraal ah oo ka soo baxay xafiiska Qarramada Midoobey ee Soomaaliya ayaa lagu bogaadiyay wadahadallada hor dhaca ah ee u bilaawday madaxda DF iyo kuwa dowlad gobolleedyada ku wada sugan magaalada Muqdisho.

4/5/2021 4:48 AM EST
Isniin, April, 05, 2021 (HOL) - Madaxweynihii hore ee Soomaaliya, Xasan Sheikh Maxamuud ayaa sheegay in dowladda madaxweyne Farmaajo ay colaadin joogto ay ku haysay tan iyo sanadkii 2018, goortaas oo uu bilaabay inuu dhaliilo siyaasada dowladda.

4/5/2021 4:36 AM EST
Isniin, April, 05, 2021 (HOL) -Wasaaradda Caafimaadka Soomaaliya ayaa shaacisay in 24 saac ee la soo dhaafay cudurka COVID-19 laga baaray 1176 ruux.

4/5/2021 1:22 AM EST
Isniin, April, 05, 2021 (HOL) - Wiilkan Soomaaliga ah ee la dilay oo lagu magacaabi jiray Haabiil Axmed Cabdullaahi 21 sano jir ahaa ayaa lagu waramayaa in rasaas lagu furay isaga iyo Nin kale oo ay wada socdeen oo marayay agagaarka waddada Dixon iyo Scarlett magaalada Toronto ee dalka canada , iyagoo watay gaari, galabnmadii Sabtida,