4/11/2021
Today from Hiiraan Online:  _
Wararka Maanta- Axad, Apr 4 , 2021
Ciidamada Eritrea oo bilaabay in ay isaga baxaan gobolka Tigrayga


 

Axad, April, 04, 2021 (HOL) -Dowladda Itoobiya ayaa sheegtay in ciidamada dalka Eritrea bilaabeen in ay isaga baxaan gobolka Tigrayga kuwaa oo ka bar bar dagaalamayay ciidamada Itoobiya ee dagaalka la galay xoogagga TPF ee lagala wareegay gobolka.

Aduunka ayaa siweyn u cambaareeyay dilal loo geystay dad rayid ah oo ka dhacay gobolka, iyaga oo ugu baaqay ciidamada Eritrea ee ku sugan gobolkaasi in ay sida ugu dhaqsiyaha badan uga baxaan.

Qarramada Midoobey ayaa marar badan oo hore walaac darran ka muujisay xaalada Banni'aadannimo ee gobolka, iyada oo ku baaqday in marin gargaar lagu gaarsiin karo shacabka tabaaleysan ee ku nool gobolka ay colaadaha saameeyeen ee Tigray.

Lama sheegin tirada ciidamada Eritrea ee gobolka ka baxaya, laakiin waxaa jira warar sheegaya in mar marka qaar ciidamada Eritrea-yaanku ku labistaan dharka ciidamada Itoobiya, taasoo keeni karta shakiga ah in ay wali sii joogaan qaar badan oo iyaga ka mid ah.

Dowlada Ethiopia ayaa wajaheysa cadaadis xoogan oo ku aadan inay soo afjarto dagaalka Tigray, oo bilowday bishii November ee sanadkii hore  markii raiisul wasaare Abiy Ahmed uu halkaasi geeyay ciidamo kadib markii la weeraray xarumaha militariga federaalka. 

Cabdiraxmaan Diini, Hiiraan Online
[email protected]  












Click here
4/4/2021 11:16 AM EST
Axad, April, 04, 2021 (HOL) - Wakiilka QM u qaabilsan Soomaaliya, James Swan, ayaa cambaareeyay weeraradii shalay lagu qaaday fariisimaha Ciidanka Xoogga Dalka Soomaaliyeed ay ku leeyihiin magaalooyinka Bariire iyo Awdheegle ee gobolka Shabeellaha Hoose.

4/4/2021 8:25 AM EST
Axad, April, 4, 2021 (HOL) - DR. Maxamed Cabdi Gaboose ayaa shir jaraa’id oo uu maanta Hargaysa ku qabtay ku shaaciyay in uu ka fadhiistay dhakhtarnimadi iyo siyaasadiba.

4/4/2021 6:52 AM EST
Axad, April, 04, 2021 (HOL) - Ciidamada dowladda Federaalka Soomaaliya ayaa si rasmi ah ula wareegey gacan ku heynta Deegaanada koonfureed ee Dhuusamareeb sida Sinadhaqo iyo labi-dulle oo saldhig u ahaa kooxda Alshabaab.

4/4/2021 6:45 AM EST
Axad, April, 04, 2021 (HOL) - Waxaa goordhaw markale dib u bilaawday shirka u dhaxeeya madaxda dowladda Fedaraalka iyo kuwa maamul goboleedyada iyo gobolka Banaadir oo maalintii shalay ahayd uga furmay Xarunta Afisyooni.

4/4/2021 2:38 AM EST
Axad, April, 04, 2021 (HOL) - Madaxweynahii hore ee Soomaaliya Sheekh Shariif Sheekh Axmed ahna guddoomiyaha Midowga Musharaxiinta Madaxweynaha Soomaaliyaa ayaa si adag uga hadlay qaraxii ismiidaaminta ahaa ee xalay ka dhacay maqaayad lagu shaah cabo oo ku taala degmada Shangaani ee magaalada Muqdisho.

4/4/2021 12:42 AM EST
Axad, April, 04, 2021 (HOL) War Qoraal ah oo ka soo baxay Dowladda Turkiga ayaa lagu sheegay in ay siweyn uga murugeysan yihiin weerarradii ugu danbeeyay ee ka dhacay dalka Soomaaliya, gaar ahaan Qaraxii Ismiidaaminta ahaa ee xalay iyo weerarkii Al-shabaab ay ka geysteen gobolka Shabeellaha Hoose.