10/25/2020
Today from Hiiraan Online:  _
Wararka Maanta- Jimco, Sept 11, 2020
Axmed Madoobe iyo Qoorqoor oo safarro kala duwan uga baxay Muqdisho


 

Jimco, September 11, 2020 (HOL) - Madaxweynayaasha Jubbaland iyo Galmudug ayaa safarro kala duwan uga ambo baxay magaalada Muqdisho xilli maalinta berrito ah qorshuhu yahay inuu furmo shirka wadatashiga dhameystirka arrimaha doorashooyinka ee dowladda federalka, maamul goboleedyada iyo gobolka Banaadir.

Madaxweynaha Galmudug Axmed Cabdi Kaariye Qoorqoor ayaa safar degdeg ah oo aan xog buuxa laga haynin ku aaday magaalada Nayrobi ee dalka Kenya, halka madaxweyne Axmed Madoobe uu galabta dib ugu laabtay Kismaayo, si uu uga qeyb galo aaska gudoomiyihii rugta ganacsiga Jubbaland oo Kismaayo ku geeriyooday.

Safarka labada madaxweyne ayaa dib u dhac ku keeni kara shirka berrito loo madlan yahay, inkastoo la filayo inay isla berrito kusoo laabtaan Muqdisho.

Warar ayaa sheegaya in safarka madaxweyne Qoorqoor uu salka ku hayo la tashiyo uu Nayrobi kula leeyahay diblumaasiyiin beesha caalamka ah, la tashiyadaas oo ku saabsan arrimaha doorashada.

Dhinaca kale, waxaa caawa magaalada Muqdisho kulan gaar ah ku yeeshay madaxweynaha Puntland iyo madaxweynaha koonfur galbeed. Lama sheegin waxyaabaha kulanka looga hadlay.

Abdiweli M. Sheikh, Hiiraan Online
[email protected]












Click here
9/11/2020 2:38 PM EST
Jimco, September 11, 2020 (HOL) - Dowladda Switzerland ayaa ugu deeqday Hay’adda QM ee UNFPA deeq lacageed oo kor u dhaafeyso 4 million iyo bar oo dollarka Mareykana si loo xoojiyo dadaallada loogu jiro hagaajinta caafimaadka hooyada iyo dhallaanka, la dagaallanka dhaqamada waxyeellada leh oo ay ka mid yihiin Gudniinka Fircooniga ah iyo awoodsiinta dhallinyarada ee Soomaaliya.

9/11/2020 8:30 AM EST
Jimco, September 11, 2020 (HOL) - Maamulka Jubaland ayaa caddeeyay geerida ku timid Guddoomiyahii rugta ganacsiga iyo warshadaha maamulkaas Shaafi Raabbi Kaahin oo salaaddii Jimce kadib, qof iskusoo xeray waxyaabaha qarxa uu iskula qarxiyay albaabka hore ee masjidka Jaamaca qadiim ee ku yaalla magaalada Kismaayo.

9/11/2020 7:17 AM EST
Jimco, September 11, 2020 (HOL) - Qof iskusoo xeray waxyaabaha qarxa ayaa isku qarxiyay gudaha magaalada Kismaayo, gaar ahaan inta u dhexeysa masaajidka Jaamica ah ee qadiim iyo cisbitaalka magaalada.

9/11/2020 7:07 AM EST
Jimco, September 11, 2020 (HOL) - Guddoomiyaha Ismaamulka Gaarisa ee dalka Kenya Cali Bunow Qorane ayaa waxaa la amray in la soo xero kadib markii lagusoo eedeeyay musuq-maasuq iyo xatooyo xoolo dadweyne.

9/11/2020 6:30 AM EST
Jimco, September 11, 2020 (HOL) - Madaxweynaha maamulka Galmudug Axmed Cabdi Kaariye ayaa waxa uu kula kulmay Muqdisho madaxweynahii hore ee Soomaaliya Xasan Shiikh Maxamuud, iyagoo ka wada-hadlay xaaladda siyaasadda dalka.

9/11/2020 5:35 AM EST
Jimco, September 11, 2020 (HOL) - Golaha Xukumadda xil gaarsiinta Soomaaliya ayaa kulan aaan caadi aheyn oo ay isbuucan yeesheen ku baab’iyey Baanaamijka Tubaha Qaranka oo saddexdii sanno iyo barkii la soo dhaafay ahaa halbeega ay ku shaqeynaysay xukuumadda.

9/11/2020 5:22 AM EST
Jimco, September 11, 2020 (HOL) - Safiirka Maraykanka ee Soomaaliya ayaa ku boorriyay madaxweynayaasha dowlad goboleedyada Soomaaliya ee Muqdisho u jooga dhameystirka wadahadalada in ay bilaabaan hirgalinta habka la isku raacsan yahay ee horay loogu sii wado doorashooyinka.

9/11/2020 3:56 AM EST
Jimco, September 11, 2020 (HOL) - Wassaaaradda gargaarka iyo maareynta masiiboyinka dowladda federaalka Soomaaliya ayaa markale soo saartay digniin cusub oo la xiriirta fatahaad kale oo baaxad leh inuu sameyo wabiga Shabelle todobaadyada soo socda.