12/2/2020
Today from Hiiraan Online:  _
Wararka Maanta- Khamiis, Oct 15, 2020
AFRICOM oo digniin degdeg ah ka bixisay qorshaha Trump ee ku aadan la bixitaanka ciidamada Maraykanka ee ku sugan Soomaaliya


 

Khamiis, October 15, 2020 (HOL) - Taliska ciidanka Mareykanka ee Afrika ayaa si deg deg ah uga digay halista ka bixitaanka Soomaaliya kadib markii ay soo baxeen warar sheegaya in Trump uu raadinayo dhimista ciidamada Mareykanka ee ku sugan Soomaaliya.

Afhayeenka ciidamada Mareykanka ee AFRICOM Col. Chris Karns ayaa u sheegay Washington Examiner in ciidamada qalabka sida ee Soomaaliya ay horumar sameynayaan, laakiin dhinaca kale halista ay Al-Shabaab ay soo bandhigeyso ay u baahan tahay kaalmo caalami ah.

Afhayeenka waxa uu sheegay in Al-Shabaab ay la imaanayso qatar mustaqbalka ku wajahan Mareykanka.

Ilo wareedyo ayaa sheegaya in Pentagon-ka ay bilaabeen diyaarinta qorshooyinka madaxweynaha ee ka bixitaanka Soomaaliya, iyadoo la eegayo waqtiga suuragalka ah.

Mareykanka waxaa Soomaaliya ka jooga 650 ilaa 800 oo askari. Dhammaantood ama inta badan askartaas waxaa diray maamulka Trump.

Kuma cadda warbixinta haddii Trump uu raadinayo ka bixitaan dhameystiran ama kaliya in la yareeyo ciidamada ka jooga Soomaaliya.

Dowladda Maraykanka ayaa si baaxad leh u kordhisay dagaalka diyaaradaha aan duuliyaha laheyn ee ka socda Soomaaliya sanadkii 2017, kadib markii Madaxweyne Trump uu dabciyey xeerarka howlgalka.

Abdiweli M. Sheikh, Hiiraan Online
[email protected]












Click here
10/15/2020 2:30 PM EST
Khamiis, October 15, 2020 (HOL) - Madaxweyne ku xigeenka maamulka Hirshabelle Cali Cabdullahi Xuseen Guudlaawe ayaa maanta dib ugu laabtay magaalada Jowhar ee caasimadda dowlad goboleedka Hirshabelle.

10/15/2020 12:07 PM EST
Khamiis, October 15, 2020 (HOL) - Shirka nabadaynta Adhicadeeye ayaa haatan maraya meel gabagabo ah, kaas oo inta badan lagu dhameeyey dhacdooyin qaarkood ku dhowaad 30 sano taagnaa.

10/15/2020 8:26 AM EST
Khamiis, October 15, 2020 (HOL) - Ra’iisul Wasaaraha Soomaaliya Maxamed Xuseen Rooble ayaa dhagax-dhigay dhismaha hay'adda gurmadka qaranka oo loogu talagalay in ay daboosho Xaaladaha deg degga ah ee ay keenaan noocyada kala duwan ee masiibooyinka.

10/15/2020 8:12 AM EST
Khamiis, October 15, 2020 (HOL) - Dowladda Federaalka Soomaaliya iyo Qaramada Midoobay ayaa maanta wada saxiixday heshiis iskaashi oo cusub, kaas oo hagi doona sida dalka iyo Qaramada Midoobay ay u wada shaqayn doonaan shanta sano ee soo socota si dhammaan dadka Soomaaliyeed ay u gaaraan nabad, xasillooni iyo barwaaqo.

10/15/2020 2:20 AM EST
Khamiis, October 15, 2020 (HOL) - Hay'adda Batroolka Soomaaliya (SPA) ayaa magacowday lix agaasimeyaal madax-bannaan oo ka mid noqon doona boodhka hay’adda.