12/5/2020
Today from Hiiraan Online:  _
Wararka Maanta- Isniin, Oct 12, 2020
Qaramada Midoobay oo walaac xoogan ka muujisay dhaqaalaha xoogan ee Alshabab kasoo gala canshuuraha


 

Isniin, October 12, 2020 (HOL) - Guddi ka tirsan Qaramada Midoobay ayaa sheegay, in kooxda alshabab ay malaayiin doolar ka hesho canshuuraha ayna dhaqaalahaas ku kaydsadaan  bangiyada maxalliga ah, sida laga soo xigtay warbixin cusub oo kasoo baxday Golaha Amniga ee Qaramada Midoobay.

Guddi khubaro ka socda Golaha Amniga oo dusha kala socda arrimaha Soomaaliya ayaa soo saaray warbixintaan, oo aan weli bulshada loo soo bandhigin, balse New York Times ay heshay nuqul kamid ah.

Warbixinta ayaa sidoo kale lagu sheegay in Al-Shabaab gudaha u galeen dekedda Muqdisho, iyagoo si hoose u qaata canshuuraha badeecadaha.

Guddiga warbixintan soo saaray ayaa dhaleeceeyay dowladda Soomaaliya, waxayna sheegeen in dowladda Soomaaliya looga baahan yahay in ay qaaddo tillaabooyin ay ku casriyeyneyso bangiyadeeda si kooxaha sida Shabaab ee cunaqabateynta saaran aysan uga faa’iideysan daciifnimada nidaamka.

“Adeegsiga Al-Shabab ee nidaamka bangiyada wuxuu awood u siinayaa in si dhaqso ah loogu gudbiyo dhaqaalaha," ayaa lagu yiri warbixinta.

Muddadii warbixinta lagu jiray, laga soo billaabo Diseembar illaa iyo Ogosto, qorayaasha warbixintu waxay heleen caddeyn muujineysa in Al-Shabaab ay u soo xarootay dakhli dhan 13 milyan oo doollar.

Qiyaastii $ 2.4 milyan kamid ah lacagtan waxaa la sheegay in ay kasoo xarootay kantaroolada Alshabaab ee gobolka Jubbada Hoose, halka $ 5.8 milyana laga soo aruriyay dekedda kismaayo.

Abdiweli M. Sheikh, Hiiraan Online
[email protected]












Click here
10/12/2020 2:06 PM EST
Isniin, October 12, 2020 (HOL) - Shirkadda maamusha dekeddaha Turkiga ee Albayrak iyo dowladda federaalka ah ee Soomaaliya ayaa kala saxiixday heshiis shirkadda siinaya in ay muddo 14 sano ah sii maamusho Dekedda Muqdisho.

10/12/2020 10:51 AM EST
Isniin, October 12, 2020 (HOL) - Taliyaha qeybta 27-aad ee ciidamadda xooga dalka Soomaaliyeed Janeraal Axmed Maxamed Maxamuud Tareedishe iyo taliyaha guutada 5-aad Korneel Maxamuud Xasan Ibraahin Baakaay ayaa maanta kulan looga hadlayay amaanka guud ee degmada Buula burte la qaatay masuuliyiin ka tirsan maamulka degmada.

10/12/2020 10:39 AM EST
Isniin, October 12, 2020 (HOL) - Sida uu sheegay wasiirka beeraha iyo waraabka ee dowladda Soomaaliya Saciid Xuseen Ciid ayaa waxa uu sheegay in deegaanno badan oo ku yaalla Galmudug uu iminka dhibaato ba’an ku hayo mowjado Ayax oo dib u kacay, kuwaas oo baabi’inaya dhammaan dalagga beeraha iyo daaqsinka deegaanka.

10/12/2020 10:37 AM EST
Isniin, October 12, 2020 (HOL) - Madaxweynaha dowladda Soomaaliya Maxamed Cabdullaahi Farmaajo oo soo saaray war qoraal ah ayaa waxa uu bulshada Soomaaliyeed ugu hambalyeeyay maalinta calanka dalka ee ku beegsan 12-ka, October. Waxa uuna guud ahaan shacabka ugu baaqay in la ilaaliyo qarannimada iyo kala dembeynta waddanka.

10/12/2020 10:36 AM EST
Isniin, October 12, 2020 (HOL) - Madaxweynaha maamulka Koonfur galbeed ayaa waxa uu maanta magaalada Baydhaba uu kula kulmay mas’uuliyiin ka socotay wasaaradaha maaliyadda iyo qorsheynta Soomaaliya, waxaana sidoo kale shirkaasi joogay Guddoomiyaha Baarlamanka Koonfur Galbeed Cali Saciid Fiqi.

10/12/2020 7:08 AM EST
Isniin, October 12, 2020 (HOL) - Maxkamadda Darajada Koowaad ee Ciidamada Qalabka Sida ayaa xabsi daa’in ku xukuntay labo nin oo katirsan ururka Alshabaab, kuwaas oo lagu kala magacaabo Xasan Cabdi Aadan Nuur iyo Cumar Xuseen Abshir Jaabir.