1/23/2021
Today from Hiiraan Online:  _
Wararka Maanta- Talaado, Oct 27, 2020
Wasiirka cusub ee Shaqada iyo Arrimaha Bulshada oo maanta xilka la wareegay



Talaado, October, 27, 2020 (HOL)- Wasiirka cusub ee Wasaaradda Shaqada iyo Arrimaha Bulshada Xukuumadda Federaalka Soomaaliya , Mudane Duraan Axmed Faarax ayaa maanta xilka kala wareegay wasiirkii hore ee Shaqada iyo Arrimaha Bulshada, Sadiq Xirsi Warfa.

Musaanadda xil-wareejinta oo ka dhacday xarunta Wasaaradda, waxaa goobjoog u ahaa Ra'iisul wasaare ku-xigeenka Xukuumadda Federaalka Soomaaliya, Mahdi Maxamed Guuleed,iyadoo sidoo kale ay ka qeybgaleen wasiirro,wasiir ku-xigeenka cusub ee Wasaaradda Shaqada iyo Arrimaha Bulshada, Sahro Xaaji Xuseen iyo Wasiiru Dowlaha cusub ee Wasaaradda Shaqada iyo Arrimaha Bulshada , Cabdi Axmed Qasim, Xildhibaanno,howlwadeennada iyo maamulka Wasaaradda Shaqada iyo Arrimaha Bulshada.

"Maanta, waxaan halkan soo galay anigoo aad ugu faraxsan goobta iyo dhismaha quruxda badan ee aan xilkeeda wareejiyo, anigoo maalinkii aan halkan xilka kula wareegayay ay ahayd meel burbursan oo nabad-diidku dhibaato wayn ka gaysteen. Waxay ii tahay sharaf inaan qayb ka ahaado taariikhda Wasaaraddan" ayuu yiri Wasiirkii hore ee Shaqada iyo Arrimaha Bulshada oo inta ku daray "Muddadii aan hoggaaminayay Wasaaraddan waxaan ku dadaalay inaan dhiso hay’ad gudan karta waajibaadkeeda qaranku u idmaday. "

Wasiirka cusub ,Duraan Axmed Faarax ayaa sheegay Wasaaradda Shaqada iyo Arrimaha Bulshada inay laf-dhabar u tahay horumarinta bulshada iyo dowladnimada, wuxuuna uga mahadceliyay wasiirkii hore dadaalladii uu ku bixiyay horumarinta Wasaaradda.

"Waxaan dadaal ku bixinayna sidii horey aan ugu sii wadi lahayn wasaaraddan muhiimka u ah bulshada Soomaaliyeed , waqtiga aan heysanana waxaan ku bixinayna dardargalinta howlaha wasaaradda." ayuu yiri Wasiirka cusub ee Shaqada iyo Arrimaha Bulshada, Duuraan Farax oo sidoo kale u mahadceliyay Ra'iisul wasaaraha xukuumadda Federaalka iyo madaxweynaha.

Gabagabadii, Ra'iisul wasaare kuxigeenka Xukuumadda Faderaalka Soomaaliya, Mudane Mahdi Maxamed Guuleed ayaa ku ammaanay Wasiirka xilka wareejiyey shaqooyinka adag ee uu dalka u soo qabtey, isagoona ka rajeeyey wasiirka   xilka la wareegay inuu si daacadnimo iyo wadaniyad leh ugu adeego shacabka Soomaaliyeed.

Iman Mohamed Jama, Hiiraan Online
[email protected]













Click here
11/2/2020 10:59 AM EST
Sida loo dhaqdo gacmahaaga. Sida habboon waa illaa 20 daqiiqo iyo Ku nadiifinta gacmaha nadiifiyaha gacmaha

10/27/2020 5:33 PM EST
Talaado, October, 27, 2020 (HOL) - Liiska xildhibaanada Barlamaanka labaad ee Hirshabeelle ayaa goor dhowayd looga dhawaaqay magaalada Jowhar, halkaas oo waayahaan dambe ay ka socotay soo xulistooda.

10/27/2020 2:43 PM EST
Talaado, October, 27, 2020 (HOL) - Hay’adda Qaramada Midoobay u qaabilsan caruurta ee UNICEF ayaa cambaareysay dil maanta magaalada Muqdisho loogu gaystay laba ka mid ah shaqaalaheeda gargaarka bani’aadannimo.

10/27/2020 2:38 PM EST
Talaado, October, 27, 2020 (HOL) Kulan looga hadlayay dhalinyarada isticmaasha daawada xad dhaafka ah (Overdose) ayaa lagu qabtay magaalada Columbus Ohio Manta, waxaana soo abaabulay qaar kamid ah waalidiinta magaalada gaar ahaan Ramlo Jama oo ah Hooyo Caruur koox ah ugu dhalatay Mareykanka isla markaana ka damqatay dhibaatada haysata dhalinyarada.

10/27/2020 1:54 PM EST
Talaado, October, 27, 2020 (HOL)-Hay'adda Culimada Soomaaliyeed ayaa siweyn uga hortimid hadalkii dhanka ahaa Nabbi Maxamed NNKH, waxaana ay hay'addu ku tilmaamtay hadalkaasi in uu ahaa ;duulaan qaawan oo lagu soo qaaday Diinta Islaamka.

10/27/2020 11:03 AM EST
Talaado, October, 27, 2020 (HOL) - Xulka kubada cagta gobolka Sool ayaa u anbabaxay magaalada Hargeysa si ay uga qayb galaan tartanka ciyaara gobolada oo bilaabmi 28 bishan sida uu sheegay Maxmuud Askar isuduwaha Ciyaaraha.

10/27/2020 8:30 AM EST
Talaado, October, 27, 2020 (HOL) - Maxkamad Milateri oo ku taal Puntland ayaa laba nin ku xukuntay dil toogasho ah halka mid kalena ku xukuntay 20 sano oo xabsi ah, kadib markii lagu helay inay ka tirsan yihiin Daacish iyo al-Shabaab.

10/27/2020 8:16 AM EST
Talaado, October, 27, 2020 (HOL)- Wasaarradda Caafimaadka Xukuumadda Soomaaliya ayaa sheegtay in marka la eego gudaha dalka Soomaaliya ay kordhayaan dadka laga helayo caabuqa cudurka Coronavirus oo ah cudur dhibaato ba’an ku haya guud ahaan caalamka.

10/27/2020 7:52 AM EST
Talaado, October, 27, 2020 (HOL)- Degmada Kaxda ayaa wararka ka imanaya waxaa ay sheegayaa in kooxo hubeysan ay toogasho ku dileen guddoomiye waaxeed iyo gabar la sheegay in ay ka shaqeyneysay howlaha caafimaadka gaar ahaan ka wacyigalinta dadka cudurka Covid-19.

10/27/2020 5:41 AM EST
Talaado, October, 27, 2020 (HOL) -Xarunta dowlad gobolleedka Galmudug ee Dhuusa-Mareeb waxaa gaaray wakiilka Qarramada Midoobey ee Soomaaliya James swan iyo wafdi uu horkacyo.

10/27/2020 2:48 AM EST
Talaado, October, 27, 2020 (HOL) - Midowga Afrika iyo midowga Yurub oo yeeshay kulankooda sanadlaha ah ayaa hoosta ka xariiqay muhiimadda ay leedahay in la ixtiraamo madax-bannaanida Soomaaliya, madax-bannaanideeda siyaasadeed iyo madax-bannaanida dhuleed.

10/27/2020 2:19 AM EST
Talaado, October, 27, 2020 (HOL) - Hay'adda Sirdoonka Soomaaliya ee Nisa ayaa ku eedeeysay, Booliska, Kastamka iyo Wasaarada Maaliyada in ay sabab u yihiin in Al-shabaab Walxaha qarxo kala soo dagaan dekada iyo Canshuurta ay ka helaan dekeda.

10/27/2020 1:46 AM EST
Sabti, October, 24, 2020 (HOL)- 20 ayaa ku darsantay inta u dhintay COVID-19 ee reer Minnesota.

10/27/2020 1:01 AM EST
Talaado, October, 27, 2020 (HOL)- Warka soo baxay Dowladda Soomaaliya ayaa lagu sheegay in shaqaalaha dowladda maalinta Khamiista ah loo fasaxay xuska dhalashada Nabbigeena Maxamed NNKH.

10/27/2020 12:39 AM EST
Talaado, October, 27, 2020 (HOL)- Iyadoo uu sii xumaanayo xiriirka Dowladdaha Turkiga iyo Faransiiska ayuu madaxweynaha dalka Turkiga Recep Tayyip Erdogan waxaa uu dadkiisa ku booriyay in aysan iibsan baddeecadaha lagu sameeyo dalka Faransiiska.