1/23/2021
Today from Hiiraan Online:  _
Wararka Maanta- Khamiis, Oct 22, 2020
Puntland oo soo gudbisay xubnaha ku matalaya guddiyada doorashada iyo xalinta khilaafaadka heer Federaal


 

Khamiis, October, 22, 2020 (HOL) –Madax-tooyada Dowlad Gobolleedka Puntland ayaa lagu waramayaa in ay si rasmi ah u soo gudbisay magacyada xubnaha ku matalaya guddiyada la filayo in dhawaan loo saaro Doorashada iyo xalinta khilaafaadka ee sida lagu heshiiyay ilaa daba-yaaqada sanadkan ka shaqeyn doona soo xulista xildhibaannada Baarlamaanka cusub.

Puntland labada xubnood ee uga mid noqonaya Guddiga Doorashada Baarlamaanka heer Federaal ayaa kala ah  Cabdiweli Tima-cadde iyo Muuse Geelle Faroole, halka dhinaca kale labada xubnood ee uga mid noqonaya Guddiga xalinta khilaafaadka ay kala noqonayaan Burhaan Cilmi Filig iyo Yaasmiin Maxamuud.

Dowlad Gobolleedyada kale ee dalka ayaa la sheegay in qaarkood ay gudbiyeen xubnaha ku matalaya guddiyada doorashada halka kuwa kalana laga sugayo si loo guda-galo arrimaha Doorashada dhamaadka sanadkan ilaa horaanta sanadka 2021ka.

Ra’iisal Wasaaraha Soomaaliya Maxamed Xusseen Rooble ayaa dhawaan sheegay in xukuumadiisa cusub ka shaqeyn doonto oo kaliya sidii loo dhameystiri lahaa heshiiskii Doorashada oo ay wadajir u gaareen madaxtooyada Soomaaliya iyo madaxweynayaasha dowlad gobolleedyada kaa oo sidoo kale uu ansixiyay Baarlamaanka Soomaaliya.\

Cabdiraxmaan Diini, Hiiraan Online
[email protected]


 














Click here
10/22/2020 8:49 AM EST
Khamiis, October 22, 2020 (HOL) - Puntland ayaa maanta sii daysay todobo qof oo qeyb ka ahaa dad loo xiray dilka gudoomiyihii gobolka Nugaal, Cabdisalaan Xirsi Xasan Gujir, oo 29 bishii maarso ee sanadkan lagu dilay qarax ismiidaamin ah oo ka dhacay Garowe.

10/22/2020 7:12 AM EST
Khamiis, October 22, 2020 (HOL) - Ciidamada Booliska iyo militariga dowladda Soomaaliya ayaa si cad u hor istaagay banaanbax maanta ka dhaci rabay magaalada Baledweyne ee xarunta gobolka Hiiraan.

10/22/2020 5:59 AM EST
Khamiis, October 22, 2020 (HOL) - Hay’adda Iskaashiga Horumarinta Jarmalka ee GIZ ayaa ku deeqday 7.2m oo Yuuro ah oo loogu talo galay ka jawaabida adeegyada caafimaadka iyo xoojinta la dagaalanka COVID19 ee degaaanada Puntland.

10/22/2020 1:10 AM EST
Khamiis, October 22, 2020 (HOL) - Bankiga dhexe ee Soomaaliya ayaa soo saaray warsaxaafadeed uu ku beeninayo jiritaanka in dacwad laga gudbiyay bankiyada gaarka loo leeyahay ee kuyaala Soomaaliya.