10/29/2020
Today from Hiiraan Online:  _
Wararka Maanta- Talaado, Oct 13, 2020
Madaxweynaha Uganda oo lagu eedeeyay inuu qaalliyeeyay u tartamida kuraasta barlamaanka


 

Talaado, October 13, 2020 (HOL) - Musharrixiinta doorashada baarlamaanka Uganda ayaa la faray inay illaa Khamiista bixiyaan khidmadda lacageed ee murashaxnimadooda oo dhan $800, sida uu sheegay Guddiga Doorashooyinka.

Si kastaba ha noqotee, qaar badan oo kamid ah murashixiinta u tartamaya dhinaca mucaaradka oo aan awood u lahayn dhaqaalahaan ayaa ku qasban inay xisbiyadooda taageero ka dalbadaan baraha bulshada.

Xisbiga mucaaradka ayaa ku eedeeyay Madaxweyne Yoweri Museveni iyo xulafadiisa inay qaali ka dhigeen u tartamida kuraasta barlamaanka, taasoo ka dhigan in si fudud loo cuuryaamiyo mucaaradka.

Doorashooyinka baarlamaanka iyo madaxweynaha Uganda ayaa lagu wadaa inay dhacaan bilaha Janaayo ama Febraayo ee sanadka soo socda.

Xisbiga talada haya ee NRM wuxuu hadda heystaa ku dhowaad saddex-meelood laba tirada golayaasha barlamaanka ee ah 458 xubnood.

Abdiweli M. Sheikh, Hiiraan Online
[email protected]












Click here
10/13/2020 9:25 AM EST
Talaado, October 13, 2020 (HOL) -Deeqow Caliyow Kuusoow oo katirsanaa Alshabab ayaa maanta lagu xukumay xukun dil toogasho ah oo uu ku mutaystay kaalintii uu ka qaatay weerarkii sanadkii hore lagu qaaday hotel Cascasey ee magaalada Kismaayo, halkaas oo lagu dilay 26 qof oo u badnaa shacab.

10/13/2020 7:06 AM EST
Talaado, October 13, 2020 (HOL) - Ra’iisul Wasaaraha Xukuumadda Federaalka Soomaaliya Maxamed Xuseen Rooble ayaa guddoomiyey shir looga hadlayay habsami-u-socodka hannaanka doorashooyinka iyo dhameystirka dib-u-eegista dastuurka.

10/13/2020 5:41 AM EST
Talaado, October 13, 2020 (HOL) - Inta la xaqiijiyay 2 qof oo shacab ayaa ku geeriyootay tiro kalana way ku dhaawacmeen kadib markii rag hubeysan ay rasaas ooda kaga qadeen gaari rakaab ah ay saarnayeen.

10/13/2020 4:19 AM EST
Talaado, October 13, 2020 (HOL) - Baaritaankii labaad oo lagu sameeyay maydkii AUN Cali Khaliif Galaydh, ka hor inta aan la aasin ayaa la shaaciyay inuu qabo cudurka Covdi19, taasoo meesha ka saartay shaki horey loo qabay.

10/13/2020 1:20 AM EST
Talaado, October 13, 2020 (HOL) - Madaxweynaha Soomaaliya Maxamed Cabdullaahi Farmaajo ayaa kulan tacsi ah la qaatay ehelada iyo qoyska Ra’iisul Wasaarihii Hore ee dalka Marxuum Cali Khaliif Galeydh ee ka soo qeyb galay Aaskii-qaran ee loogu sameeyey Muqdisho.