11/29/2020
Today from Hiiraan Online:  _
Wararka Maanta- Talaado, Nov 17, 2020
Wasaaradda caafimaadka Soomaaliya oo shaacisay in 153 kiis oo Covid19 ah laga diiwaan galiyay Soomaaliya


 

Talaado, November, 17, 2020 (HOL) - Wasiirka wasaaradda caafimaadka iyo daryeelka bulshada ee dowladda Soomaaliya, Drs, Fowsiyo Abiikar Nuur ayaa maanta shaacisay in 153 qof laga helay cudurka Covid19, kadib baaritaan lagu sameeyay dad ka badan shan kun oo qof, mudadii u dhexeysay 1 illaa 17 November.

Wasiirka caafimaadka oo warkaan ku shaacisay shir jaraa’id oo ay Muqdisho ku qabatay, ayaa sheegtay in cudurka uu sameeyay soo labo kaclayn, waxayna sidoo kale shaacisay inuu hal qof u geeriyooday.

Dhinaca kale, wasiirka caafimaadka waxay sheegtay hay’adda UNSOS oo baaritaan ku sameysay 443 qof, in 257 kamid ah laga helay cudurka, inkastoo ay wasiiraddu tilmaamtay in ay hay’adda soo gudbisay ka sugayaan macluumaad dheeraad ah.

Dadka cudurka laga helay ayaa lagu baaray xarunta Xalane. Wasaaradda caafimaadka ayaa marinaysa baaritaan dheeraad ah.

Dowladda ayaa sheegtay in ay dib usoo celinayso tallaabooyinkii taxadarka ahaa ee looga feejignaanayay faafitaanka cudurka.

Guud ahaan Soomaaliya, cudurka ayaa laga diiwaan galiyay in ka badan 4,000 xaaladdood, iyadoo dhimashadu gaartay 108 qof.

Abdiweli M. Sheikh, Hiiraan Online
[email protected]












Click here
11/17/2020 11:43 AM EST
Talaado, November, 17, 2020 (HOL) - Wasiirka Shaqada iyo Arrimaha Bulshada Xukuumadda Federaalka Soomaaliya, Mudane Duraan Axmed Faarax oo socdaal ku jooga Puntland, ayaa maanta booqday deegaannada uu saameynta ka geystay Ayaxa ee gobolka Nugaal.

11/17/2020 7:31 AM EST
Talaado, November, 17, 2020 (HOL) - Afhayeenka ciidanka Booliiska Soomaaliyeed Sadiiq Aadan Cali oo faah faahiin ka bixiyay qarax uu geystay qof ismiidaamiye ah ayaa sheegay in uu sababay geerida Lix ruux.

11/17/2020 6:47 AM EST
Talaado, November, 17, 2020 (HOL) - Wasiirka wasaaradda haweenka iyo horumarinta xuquuqda aadanaha dowladda federalka Soomaaliya xildhibaan Xaniifa Maxamed Xaabsade, ayaa ugu baaqday maamul goboleedka Puntland, in uu tallaabo ka qaado askari katirsan ciidanka Puntland oo dhaawac u geystay gabadh dhalinyaro ah.

11/17/2020 5:54 AM EST
Talaado, November, 17, 2020 (HOL) - Faah faahin dheeraad ah ayaa ka soo baxay weerar uu geystay qof isku soo xiray walxaha qarxa oo ka dhacay gudaha maqaaxi ku taala degmada Xamar-jajab ee magaalada Muqdisho.

11/17/2020 4:53 AM EST
Talaado, November, 17, 2020 (HOL)- Ra’iisal wasaaraha dalka Itoobiya, Abiy Axmed ayaa sheegay in uu soo dhamaaday waqtigii loo qabtay inay isku soo dhiibaan maleeshiyaadka iyo ciidamada TPLF ee weli la dagaalamaya ciidamadiisa.

11/17/2020 1:01 AM EST
Talaado, November, 17, 2020 (HOL) - Madaxweyne Trump ayaa la filayaa inuu ku amro militariga Mareykanka inay kumanaan askari kala baxaan Afghanistan, Iraq iyo Somalia, ka hor waqtiga uu xafiiska ka tagayo bisha Janaayo.

11/17/2020 12:12 AM EST
Talaado, November, 17, 2020 (HOL) -Madaxweynihii hore ee dalka Nigeria Olusegun Obasanjo ayaa u taggaya magaalada Addis Ababa ee dalka Itoobiya si uu isugu dayo in uu dhexdhexaadiyo dowladda Federaalka iyo maamulka Tigrayga isaga oo ku soo biiraya dadaallada nabadeed ee socda

11/17/2020 12:07 AM EST
Talaado, November, 17, 2020 (HOL) - Dowladda Soomaaliya ayaa sheegtay in howlgal ay ciidamadeedu ka fuliyeen gobolka Hiiraan iyo qeybo ka mid ah deegaannada hoosyimaada labada Shabeelle ku soo qab qabteen saraakiil ka tirsanaa Ururka Al-shabaab.

11/17/2020 12:04 AM EST
Talaado, November, 17, 2020 (HOL) - Madaxda Qaarrada Africa oo si dhaw u la socda dagaalka dalka Itoobiya ayeey dowladda Jabuuti sheegtay in ay dhaxdhaxaadin ka gali doonto sidii loo soo afjari lahaa dagaalka haddii loo baahdo.