11/29/2020
Today from Hiiraan Online:  _
Wararka Maanta- Isniin, Nov 16, 2020
Baarlamaanka Hirshabeelle oo qorsheynaya in la kordhiyo muddo xileedka madaxda Hirshabeelle



Isniin, November, 16, 2020 (HOL)- Guddoomiye ku-xigeenka Labaad ee Baarlamaanka Dowlad Gobolleedka Hirshabeelle Mahad Xassan Cismaan  ayaa sheegay in uu socdo qorshe la doonayo in hal Sano lagu kordhiyo muddo xileedka maamulka oo hadda ah Afar Sano.

Arrintan ayuu u sababeeyay in la kala wareejiyo sida uu hasdalka u dhigay  in ay isku soo beegmaan mar walba dhismaha Hirshabeelle iyo doorashada Dowladda Dhexe ee federaalka, sidaa daraadeed laga fikiray in kala wareejiyo labada doorasho oo muddo xileedka Hirshabeelle laga dhigo 5 sano halka dowladda federaalka muddo xileedkeedu uu yahay Afar Sano.

''Arrintan waxaan u sameyneynaa si uu culeyska labada doorasho ee isku beegmaya aan isaga yareyno, waayo hadda waad la soctaa guddiga doorashada ku matalaya Dowladda Dhexe  Hirshabeelle waxaa magacaabay madaxweynihii hore Maxamed Cabdi Waare, waxey aheyd in uu magacaabo madaxweynaha la doortay ee Cali Cabdullaahi Guudlaawe, waxaana taa keenayaa waa labada doorasho ee mar walba isku beegmaya'' ayuu yiri Mahad Xassan Cismaan.

Soo jeedintan oo aan wali go'aan kama danbeys ah laga gaarin ayaa hadal heyn siyaasadeed  ka dhax abuurtay siyaasiyiinta iyo waxgaradka ku dhaqan labada gobol ee dowlad gobolleedku ka kooban yahay kuwaa oo qaarkood ku dooddaya sababta mar hore looga fikiri waayay.

Cabdiraxmaan Diini, Hiiraan Online
[email protected]   














Click here
11/16/2020 12:42 PM EST
Isniin, November, 16, 2020 (HOL) - Dableey hubeeysan ayaa Caawa xaafada Bundaweyn ee magaalada Baledweyne waxay ku dileen allaha u naxariiste guddoomiye ku xigeenkii xaafada Bundaweyne Cabdi Muxumed oo loo yaqiinay Kuukaay Dheere.

11/16/2020 10:54 AM EST
Isniin, November, 16, 2020 (HOL)- Kulan Maanta oo Isniin ay magaalada Muqdisho ku yeesheen xildhibaannada Golaha Shacabka ayaa waxa ay ku ansixiyeen Guddiga adeega garsoorka iyo sidoo kale u codeynta xubnaha Guddiga la dagaalanka musuq-maasuqa.

11/16/2020 9:23 AM EST
Isniin, November, 16, 2020 (HOL) - Madaxweynaha dowlad goboleedka koonfur galbeed, Cabdicasiis Lafta-gareen ayaa guddoomiyaha gobolka Shabeellada hoose u magacaabay C/qaadir Sheikh Maxamed Nuur Siidi oo horey xilkaan usoo qabtay.

11/16/2020 8:39 AM EST
Isniin, November, 16, 2020 (HOL) - Wasiirka Shaqada iyo Arrimaha Bulshada Xukuumadda Federaalka Soomaaliya, Mudane Duraan Axmed Faarax ayaa maanta gaaray magaalada Garoowe ee xarunta Puntland, halkaa oo si ballaaran loogu soo dhaweeyay.

11/16/2020 7:16 AM EST
Isniin, November, 16, 2020 (HOL) - Dooni kalluumeysi oo ay lahaayeen ganacsatada Puntland kasoo jeeda, ayaa ku caariday xeebta degaanka Gumbax oo ka tirsan gobolka Bari, sida ay sheegeen masuuliyiin katirsan Puntland.

11/16/2020 12:29 AM EST
Isniin, November, 16, 2020 (HOL) - Wasiirka arrimaha dibadda iyo iskaashiga caalamiga ah ee Soomaaliya Axmed Ciise Cawad, ayaa Kenya ku tilmaamay in ay tahay dalka ugu muhiimsan dalalka deriska la ah Soomaaliya.

11/16/2020 12:22 AM EST
Isniin, November, 16, 2020 HOL) -Mudanayaasha Golaha Shacabka ee Baarlamaanka Soomaaliya ayaa ayaa maanta oo Isniin ah yeelanaya kulankoodii caadiga iyaga oo ka uga dooddi doona ajandayaal dhowr ah.

11/16/2020 12:07 AM EST
Isniin, November, 16, 2020 (HOL) - Saraakiisha ciidamada dowladda Soomaaliya ayaa sheegay in howlgal qorsheysan oo ay ka sameeyeen deegaanno ka tirsan gobolka Shabeellaha dhexe ku dileen sarkaal sare oo ka tirsanaa Ururka Al-shabaab.

11/16/2020 12:02 AM EST
Isniin, November, 16, 2020 (HOL) - Iyadoo aad moodo in ay cirka isku sii shareertay doodda ku saabsan Guddiyada Dowladda Federaalka u saartay doorashada 2020-21, ayaa waxaa soo baxaya markan fariimo culus oo ay siyaasiyiinta ka soo horjeeda u dirayaan dowladda.