11/29/2020
Today from Hiiraan Online:  _
Wararka Maanta- Sabti, Nov 14, 2020
Labo Qarax oo ka kala dhacay labo magaalo oo ka tirsan gobolka Amharada ee dalka Itoobiya


 

Sabti, November, 14, 2020 (HOL)- Laba qarax ayaa laga soo sheegayaan in ay ka kala dhaceen labo magaalo oo ka tirsan gobolka Amxaarada Itoobiya, kuwaas oo deris la ah gobolka waqooyiga ee Tigreey halkaas oo ay ciidamada federaalku kula dagaalamayaan xoogagga deegaanka ee Tigrayga..

Qaraxyadan ayaa laga soo sheegay Bahir Dar iyo Gonder, sida laga soo xigtay xafiiska isgaarsiinta ee Amxaarada iyo waaxda wararka ee gobolka.

Waxaa soconaya baaritaanno la xiriira qaraxyadan iyo in ay xiriir la leeyihiin dagaalka ka socda Tigray, lamana sheegin wali wax khasaare ah oo ka dhashay qaraxyadan.

Boqolaal qof ayaa lagu dilay isku dhacyada tan iyo markii Ra'iisul Wasaare Abiy Ahmed uu u diray ciidanka difaaca qaranka duullaan ka dhan ah ciidamada maxalliga ah ee sida wanaagsan loo tababaray ee gobolka Tigrayga., kaddib markii uu ku eedeeyay in ay weerareen saldhig milatari oo federaal ah oo ku yaal aagga.

Qaramada Midoobay, Midowga Afrika ayaa ka walaacsan in dagaalladu ay ku faafaan qaybaha kale ee waddanka labaad ee ugu dadka badan Afrika ayna xasilooni darro ka abuuraan gobolka ballaadhan ee Geeska Afrika.

Cabdiraxmaan Diini, Hiiraan Online
[email protected]   
 














Click here
11/14/2020 4:30 PM EST
Sabti, November, 14, 2020 (HOL) - Ururka TPLF ee ka arrimiya degaanka Tigray ayaa sheegay inay iyagu fuliyeen duqaymihii habeenkii xalay ka dhacay magaalooyinka Bahirdar iyo Gonder ee degaanka Amhara.

11/14/2020 10:41 AM EST
Sabti, November, 14, 2020 (HOL) - Wasiirka Wasaarradda Warfaafinta Xukuumadda Soomaaliya Cismaan Abuukar Dubbe ayaa si adag uga jawaabay eedeyn maalmihii ugu danbeeyay dowladda uga imaneysa xubnaha mucaaradka ah gaar ahaan musharixiinta doorashada 2020-21.

11/14/2020 8:34 AM EST
Sabti, November, 14, 2020 (HOL)- Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa is badal kooban ku sameeyay mas’uuliyiinta maamulka gobolka Banaadir.

11/14/2020 5:46 AM EST
Sabti, November, 14, 2020 (HOL) - Puntland ayaa maanta sii daysay 6 dhalinyaro oo qeyb ka ahaa dad loo haystay inay ku lug lahaayeen dilkii guddoomiyihii gobolka Nugaal, Cabdisalaan Xasan Gujir, oo qarax ismiidaamin ah lagu dilay 29 bishii March ee sanadkaan.

11/14/2020 4:09 AM EST
Sabti, November, 14, 2020 (HOL)- Maalgashiga iyo kaalmada horumarineed ee Turkigu siiyo Soomaaliya ayaa saameyn ballaaran oo dhaqaale ku yeeshay Koboca dhaqaallaha iyo yareynta dhibaatooyinka shaqo la’aanta ay ka mid yihiin, sida uu sheegay wakiilka gaarka ah ee xoghayaha guud ee Qaramada Midoobay ee Soomaaliya.

11/14/2020 1:12 AM EST
Sabti, November, 14, 2020 (HOL) - Guddomiyaha Golaha Shacabka Maxamed Mursal Sheekh Cabdiraxman ayaa magacaabay guddiga loogu talagay in ay warbixin kasoo diyaariyaan sameynta Cudurka Covid-19.

11/14/2020 12:49 AM EST
Sabti November, 14, 2020 (HOL)- Itoobiya ayaa dib ugala baxeysa Soomaaliya kumanaan askari oo ka tirsan ciidamadooda la dagaalamaya Ururka Al-shabaab, iyaga oo ku biiraya dagaalka ka soconaya gobolka Tigreyga oo ah mid cirka isku sii shareeray,

11/14/2020 12:29 AM EST
Sabti, November, 14, 2020 (HOL) - Hay’adda Cilmibaarista Heritage ayaa qoraal dheer oo ay soo saartay ku talisay in la kala diro guddiga doorashooyinka heer Federaal ee loo saaray in ay ka shaqeeyaan doorashooyinka 2020-21ka, kuwaa oo muran badan uu ka dhashay.