2/19/2020
Today from Hiiraan Online:  _
Wararka Maanta- Isniin, Feb 10, 2020
Puntland oo berito laga sugayo inay toogato raggii ka dambeeyay kufsigii iyo dilkii Caaisha Ilyaas


 

Isniin, Feberaayo, 10, 2020 (HOL)- Maxkamada sare ee Puntland ayaa berito laga sugayaa inay fuliso xukunka dil ah oo lagu ridayo raggii ka dambeeyay kufsigii iyo dilkii Caa'isha Ilyaas Aadan.

Masuuliyiinta maxkamada sare iyo qoyska marxuumad Caa'isha Ilyaas ayaa kuwada sugan magaalada Bosaso, halkaas oo la filayo in maalinta berito ah lagu fuliyo xukun qisaas ah oo aad loo sugayo.

Xeer ilaaliyaha guud ee Puntland, Maxamuud Xasan Aw-cismaan, ayaa horaantii bishii hore ee January sheegay in 11-ka bisha labaad oo berito ku astaysan la muddeeyay ridida xukunka dilka ah.

Saddexda xukumane ee wajihidoona ayaa lagu kala magacabaa, Cabdifataax Cabdiraxmaan Warsame, Cabdisalaan Cabdiraxman Warsame iyo Cabdishakuur Maxamed Dige.

Qoyska Caa'isha Ilyaas ayaa maamulka Puntland u wakiishay in loo fuliyo xukunka qisaasta ah, si ay cadaalad u hesho gabadhooda oo bishii labaad ee sannadkii hore tacadigaas foosha xun loogu geystay magaalada Gaalkacyo.

Xukunkaan haddii uu fulo wuxuu ahaandoonaa xukunki ugu horeeyay ee nuuciisa oo laga fuliyo Puntland.

Waxaa kaloo xusid mudan in weli hay'adda garsoorka Puntland uu horyaalo kiis midkaan lamid ah oo ka dhacay Garowe bishii 3-aad ee sanadkii hore, kadib haweenay xaas ahayd oo inta gurigeeda loogu galay la kufsafay lana dilay.

Abdiweli M. Sheikh, Hiiraan Online
[email protected]











Click here
2/10/2020 4:21 PM EST
Isniin, Feberaayo, 10, 2020 (HOL)- Tababarihii xulka qaranka Soomaaliya, Bashiru Hayford ayaa iska casilay shaqadiisa, sida ay Hiiraan Online kasoo xigatay sportsnetgh iyo vibeweeks.

2/10/2020 3:05 PM EST
Isniin, Feberaayo, 10, 2020 (HOL)- Wasiirka warfaafinta Puntland, Cali Sabarey ayaa sheegay in madaxweynaha Puntland uu ka dhammaaday dulqaadkii uu u hayay saxaafada , isagoo yidhi” Madaxweynuhu wuxuu zero ka yahay inuu xamilo qaladka warbaahinta.”

2/10/2020 9:09 AM EST
Isniin, Feberaayo, 10, 2020 (HOL)-Madaxweynaha Soomaaliya Maxamed Cabdullaahi Farmaajo oo khudbad ka jeediyey Meertada 33-aad ee Shir Madaxeedka Midowga Afrika ayaa soo bandhigay guulaha uu gaaray dalkeenna iyo fursadaha u baahan in si wadajirka ah looga faa’iideysto Qaaradda ahaan.

2/10/2020 4:11 AM EST
Isniin, Feberaayo, 10, 2020 (HOL)-Saraakiisha ciidamada Dowlada iyo kuwa Booliska Hirshabelle ayaa ku guulaystay in ay xaliyaan colaad in muddo ah ka taagneyd deegaano hoos yimaado degmada Matabaan.

2/10/2020 2:14 AM EST
Isniin, Feberaayo 10, 2020 (HOL )– Wefti uu hogaaminayey madaxweynaha Somaliland ayaa si diiran loogu soo dhoweeyey magaaladda Addis-ababa ee dalka Itoobiya.

2/10/2020 1:20 AM EST
Isniin, Feberaayo, 10, 2020 (HOL)- Weeraryahanno la rumeysan yahay inay yihiin Al-Shabaab ayaa Axadii gubay laba baabuur oo u rarnaa shirkado ganacsi oo marayay meel ku dhow xerada H Young & Co ee ku taal Gobolka Lamu.