Arbaco, December, 23, 2020 (HOL) - Midowga musharixiinta dalka ayaa si carro leh uga jawaabay jadwalka doorasho ee ka soo baxay Guddiga doorashooyinka dalka ee aan wali leysku raacsaneyn.
Qoraal ka soo baxay Midowga Musharixiinta ayaa lagu sheegay in madaxweynaha dalka Maxamed Cabdullaahi Farmaajo qaadi doono mas'uuliyada cawaaqibka ka dhalan kara doorasho aan leysku raacsaneyn oo dalka ka dhacda.
Guddiga doorashada ayaa soo saaray jadwal la xiriira hannaanka doorashada xildhibaannada Aqalka sare oo uu guddigu sheegay in lagu soo dhameystirayo 31 bishan December ilaa 6 bisha Janaayo sanadka 2021,
Midowga musharixiinta ayaa Dowlad Gobolleedyada dalka, Bulshada Rayidka iyo Beesha caalamka intaba ugu baaqay in loo aqoosado Qaswade Madaxweyne Farmaajo meelna looga soo wada jeesto sida ku xusan qoraalka ay soo saareen.
Qoraalka midowga musharixiinta
Cabdiraxmaan Diini, Hiiraan Online[email protected]