Shirkadda Amaana oo deeq lacageed gaarsiisay qoysas ku barakacay fatahaada Beledweyne
Jimco, May, 11, 2018 (HOL) – Shirkadda Xawaallada Amaana xarunteeda gobolka Hiiraan ayaa maanta deeq
lacageed gaarsiisay qaar ka mid ah qoysaskii ku barakacay Fatahaada ku dhufatay
magaalada Beledweyne.
Madaxa shirkadda Amaanka ee gobolka Hiiraan Xassan Ibraahim Xalane ayaa
Hiiraan Online u sheegay in shirkaddu ku yabooday deeq lacag oo dhan $ 125,000
oo dollar loogu talagalay in lagu caawiyo qoysaska ku dhibaateysan daafaha
magaalada.
‘’Qoyskiiba waxaa la gaarsiiyay lacag dhan $ 50 dollar, qeybinta lacagtan oo
soctay labadii cisho ee la soo dhaafay ayaa tiradii ugu badneyd maanta la
gaarsiiyay dadka u baahan ee intooda ku barakacay deegaanka Ceeljaalle.
Dadka ka faa’ideystay deeqdan ayaa sheegay in
kaalmadan la soo gaarsiiyay waqti ay baahnaayeen, madaama dhinaca kale ay nagu
soo fool leedahay Bisha Barakeysan ee Ramadaan.
Shirkada Amaana ayaa inta badan ka qeybqaata u
gargaarida dadka dhibaateysan marka ay jiraan abaaraha iyo masiibooyinka kale
ee dabiiciga ah sida fatahaadaha oo kale.
C/raxmaan Diini,
Hiiraan Online
[email protected]
