Dad loo xirxiray dab shalay ka kacay magaalada Garoowe
Arbaco, Janaayo, 31, 2018 (HOL) - Saraakiisha dowlad gobolleedka Puntland
ayaa sheegay in dad u xirxireen dab Khasaare geystay oo shalay gelinkii dambe
ka kacay goob Shidaalka lagu iibiyo oo ku taalla Magaalada Garoowe ee
Caasimadda maamulka Puntland.
Duqa Magaalada Garowe Xassan Goodir ayaa sheegay in gacanta lagu soo dhigay
dad lagu tuhmaayo in ay ka dambeeyeen waxyaabihii dabkaasi kiciyay,
islamarkaana ay Hay’adda Ammaanka Puntland ay baaritaano kala duwan ku waddaan.
Inta la xaqiijiyay dabkaasi, waxaa ku dhintay Afar qof , waxaana sidoo kale
dhaawac culus uu soo gaaray Afar oo kale sidda uu sheegay duqa Magaalada
Garowe.
Diyaarad ayaa Maanta ka qaaday magaalada Garowe dadkii ay waxyeelado kasoo
gaartay dabkaasi oo la sheegay in uu geystay Khasaare Ba’an.
Dabkan oo aanan la ogeyn waxa sababay ayaa waxa uu ka kacay Geerish ay
leedahay shirkadda Taran, kaasi oo lagu xareeyo Baabuurta, sidoo kalena ay
yaalaan qalab dhismo oo shirkadda ay leedahay.
C/raxmaan Diini,
Hiiraan Online
[email protected]