Al-shabaab oo sheegatay mas’uuliyada Qarax dhimasho sababay oo ka dhacay Gaalkacyo
Jimco, Feberaayo, 02, 2018 (HOL)- Xarrakada Al-shabaab ayaa sheegatay in ay ka
danbeeysay Qarax ka dhacay magaalada
Gaalkacyo ee gobolka Mudug oo lagu dilay sarkaal ka tirsanaa ciidamada maamul
gobolleedka Puntland.
Al-shabaab ayaa sheegatay in qaraxaasi ay ku dileen
Farxaan Caato oo sida ay sheegeen ka tirsanaa laamaha sirdoonka maamul
gobolleedka Puntland.
Ma jiro ilaa iyo hadda wax war ah oo ka soo baxay maamulka Puntland oo ku
saabsan qaraxa uu ku dhintey Faarax Caato.
Wararku waxaa ay sheegayaan in sarkaalkan la dilay uu ka soo baxay Masjid ku
yaal agagaarka xarunta cusub ee dowlada hoose ee magaalada Gaalkacyo isagoo ku
soo Tukaday salaadii Jicmaha waxana uu qarxay gaarigiisa isagoo doonayay inuu
gurigiisa u kaxeysto.
Wararka qaar ayaa sheegaya in dad rayid ah ay dhaawacyo ka soo gaareen
qaraxan iyagoo ku sugnaa meel aan ka fogeyn halka uu qaraxa ka
dhacay.
Saraakiil hore ayaa ku dhintey magaalada Gaalkacyo kadib markii
baabuurtoodii loogu xirey waxyaalaha qarxa.
C/raxmaan Diini, Hiiraan Online
[email protected]