Jarmalka oo sheegay in uu soo gabagabeeynayo howlgaladii tababarada ciidamada Soomaaliya
Jimco, Feberaayo, 02, 2018 (HOL
) - Dowladda Jarmalka oo ayaa shaacisay in gabi ahaanba ay soo
afjareyso howlgaladii tababarada ciidamada Soomaaliya ee midowga Yurub oo ay
qeyb ka ahaayeen.
Jarmalka ayaa ka mid ahaa qorshe
midawga Yurub uu ku tababaro ciidamada xoogga dalka, iyaga oo ku soo biiray
mashruucan sanadkii 2010-kii xilligaa oo dowladda Soomaaliya ey ku furnaayeen
dagaalo u muuqday in ay u caalweeysay.
Dowladda Jarmalka ayaa sheegtay in gabi ahaanba ey ciidamo oo dhan 20 askari
oo ah tababarayaal ciidamada sugan gudaha soomaaliya ay dalka kala bixi doonaan
bisha Maarso ee sanadkan.
Jarmalka ayaa waxa uu soo gababagabeen doonaa howgalklan oo uu jiray muddo Sideed
sano ah.
Warkan oo lagu qoray wargeeska Afka Jarmalka ku soo baxa ee lagu magacaabo
De Spiegel ayaa xubin ka mid ah Wasaaradda Arimaha dibadda ee dalkaasi oo wareysi
siiyay waxaa uu xaqiijiyay in howgalkaa ay isaga soo bixi doonaan sababtana waxaa
uu ku sheegay horu- u -socod yari ka jirta Soomaaliya.
Ciidamda Qaranka Soomaliya horu-markoodu si gaabisa ayuu ku socdaa waxanana
keenay dhibaatooyinka ka taagan dhanka siyaasadda iyo waliba hay’dihii dowladda oo heerkii ku haboonaa uusan gaarin
dhismahoodu.
Sidaa waxaa u sheegay Wargeyska De Siegel xubin ka mid ah Wasaaradda Arimaha
dibadda Jarmalka.
Soomaliya ayaa jooga sida warbixintan lagu sheegay ku dhawaad 155 Saraakiil
la taliyaal ciidan ah oo ka socday 12 Wadan oo Midawga Yurub ka tirsan.
C/raxmaan Diini, Hiiraan Online
[email protected]
