Diyaarad ku dhacday deegaan ku dhaw degmada Wanbal-Weyn ee gobolka Shabeellaha Hoose
Jimco, Feberaayo, 02, 2018 (HOL
) - Maamulka gobolka Shabeellaha Hoose,
ayaa sheegay in ay jirto diyaarad nuuca xamuulka qaadda ah, oo ku dhacday
duleedka degmada Wanla-weyn ee gobolka Shabeellaha Hoose.
Cabdifitaax Xaaji Cabdulle oo ah Gudoomiye Ku xigeenka dhinaca maaliyadda ee
maamulka Shabeellaha Hoose ayaa sheegay in ay heleen xogta ku saabsan diyaaradan, gelinkii dambe ee
maalintii Arbacada.
Guddoomiye ku-xigeenka ayaa sheegay ka hor inta aysan dhicin in lagu arkay
iyadoo joog hoose ku duuleysa inta u dhaxeyso degmada Wanla-weyn iyo deegaanka
Warmaxan ee gobolka Shabeellaha Hoose.
Wuxuu sheegay in diyaaradu u suurtagali weyday in ay kor kacdo iyadoo ugu
danbeyntii ku soo dhacday degaanka
Labiga Dhaadheer, oo ku dhow xeradii hore ee ciidamada Kumaandooska
Soomaaliyeed ee Kaba Hirig.
Ma’aha markii ugu horeysay oo sidan oo kale gobolka Shabeellaha Hoose lagu
arko burburka diyaarado la sheegay in ay ku soo dhaceen kuwaa oo u badan
diyaaradaha wax basaasa.
C/raxmaan Diini, Hiiraan Online
[email protected]