Dowladdaha Soomaaliya iyo Qatar oo ka wada hadlay Iskaashi dhaxmara labada dhinac
Khamiis, Feberaayo, 01, 2018 (HOL)
- Wasiirka Arrimaha dibadda iyo
Iskaashiga Caalamiga, Amb. Ahmed Isse Awad ayaa xafiiskiisa ku qaabilay
Siihayaha Safaaradda Qatar ee Soomaaliya Eng. Hassan Bin Hamza Asad Mohammed oo
booqasho maamuuseed ugu yimid, waxaa ayna labada dhinac ka wada hadleen
xoojinta iyo ballaarinta xiriirka laba geesoodka iyo iskaashiga labada dal u
dhexeeya.
Labada dhinac ayaa sidoo kale waxaa ay xaqiijiyeen dadaalkooda ay ku
bixinayaan horumarinta iskaashiga dhinacyada ganacsiga, dhaqaallaha iyo
maalgashiga, iyadoo loogu saldhigayo isgarabsiga walaalnimo, laguna adkeynayo
xiriirka xidideystay ee labada shacab ee walaalaha ah u dhexeeya.
Kulanka ayaa waxaa goobjoog ka ahaa Wasiiru dowlaha Arrimaha Dibadda iyo
Iskaashiga Caalamiga H.E. Mr. Abdulkadir Ahmed-Kheir Abdi, Xoghayaha joogtada
ah ee Wasaaradda Amb. Ali Mohamed Ali, Agaasimaha guud ee habmaamuuska Adv.
Hersi Haji Olosow iyo Agaasimaha Waaxda Carabta Mudane Mustafa Adam dagaal.
C/raxmaan Diini, Hiiraan Online
[email protected]